ប្រហែលជាអាច។ សូមនិយាយអំពីតម្រូវការរបស់អ្នកអំពីឧបករណ៍ពិសេស ឬ បច្ចេកវិទ្យាជំនួយ ដែលអ្នកត្រូវការនៅក្នុងកិច្ចប្រជុំ IPP របស់អ្នក។ មជ្ឈមណ្ឌលក្នុងតំបន់អាចជួយអ្នកជាដំបូង ដើម្បីទទួលបាននូវឧបករណ៍ដែលអ្នកត្រូវការពីទីភ្នាក់ងារទូទៅ ដូចជា៖
- សេវាកុមាររដ្ឋកាលីហ្វ័រញ៉ា Medi-Cal,
- ធានារ៉ាប់រងឯកជន ឬ
- នាយកដ្ឋានស្តារនីតិសម្បទារដ្ឋកាលីហ្វ័រញ៉ា។ [1]Sections 4659(a) and 4648(a)(8).
ប្រសិនបើអ្នកបានចុះឈ្មោះនៅក្នុងកម្មវិធីអប់រំការយនោះ មជ្ឈមណ្ឌលក្នុងតំបន់អាចណែនាំអ្នកបន្តទៅកាន់មណ្ឌលសិក្សាធិការរបស់អ្នកសម្រាប់ឧបករណ៍ពិសេស ឬ បច្ចេកវិទ្យាជំនួយ។ មណ្ឌលសិក្សាធិការអាចនឹងផ្តល់ឧបករណ៍នេះ ប្រសិនបើអ្នកត្រូវការឧបករណ៍ដូចគ្នាសម្រាប់ការអប់រំ និងប្រសិនបើមណ្ឌលសិក្សាធិការអនុញ្ញាតឱ្យអ្នកយកឧបករណ៍នោះទៅផ្ទះ។ ប៉ុន្តែ ប្រសិនបើអ្វីដែលអ្នកត្រូវការសម្រាប់ការអប់រំខុសពីអ្វីដែលអ្នកត្រូវការនៅផ្ទះ ឬ នៅក្នុងសហគមន៍ ឬ ប្រសិនបើមណ្ឌលសិក្សាធិការនឹងមិនអនុញ្ញាតឱ្យយកវាទៅផ្ទះទេនោះ ការណែនាំបន្តទៅកាន់មណ្ឌលសិក្សាធិការនឹងមិនអាចបំពេញបាននូវតម្រូវការនេះឡើយ។
ប្រសិនបើមានការពន្យារពេលណាមួយ មជ្ឈមណ្ឌលក្នុងតំបន់អាចនឹងទូទាត់សម្រាប់បរិក្ខារពិសេសនិងបច្ចេកវិទ្យាជំនួយក្នុងពេលជាមួយគ្នា។ [2]ក្នុងករណីមួយ តុលាការជាន់ខ្ពស់រដ្ឋកាលីហ្វ័រញ៉ា … Continue reading ប្រសិនបើគ្មានទីភ្នាក់ងារទូទៅណាផ្សេង ដែលអាចបង់ថ្លៃឧបករណ៍នោះបានទេ ហើយសេវាកម្ម ឧបករណ៍ ឬ បច្ចេកវិទ្យាចាំបាច់ដើម្បីអនុវត្ត IPP របស់អ្នកនោះ មជ្ឈមណ្ឌលក្នុងតំបន់ត្រូវប្រើប្រាស់នូវធនធានរបស់ខ្លួនដើម្បីផ្តល់វា។ ត្រូវប្រាកដថា IPP រួមបញ្ចូលនូវពេលវេលាកំណត់ និងកំណត់ពីអ្នកដែលនឹងជួយដល់អ្នកឱ្យទទួលបានបច្ចេកវិទ្យាជំនួយ ឬ ឧបករណ៍ពីទីភ្នាក់ងារណាម្នាក់ ឬ កម្មវិធីដែលទទួលខុសត្រូវក្នុងការផ្តល់វា។
| ↑1 | Sections 4659(a) and 4648(a)(8). |
|---|---|
| ↑2 | ក្នុងករណីមួយ តុលាការជាន់ខ្ពស់រដ្ឋកាលីហ្វ័រញ៉ា បានតម្កល់សេវាក្តីសម្រេចរបស់សវនាការរដ្ឋបាល ដែលបង្គាប់ឱ្យមជ្ឈមណ្ឌលក្នុងតំបន់ផ្តល់ជូនសេវាអប់រំនៅអំឡុងពេលមានវិវាទជាមួយនឹងមណ្ឌលសិក្សាធិការ។ T.S. v. North Los Angeles County Regional Center, OAH Case No. L-2002070084, upheld in T.S. v. Clifford Allenby et al., Los Angeles Superior Ct. សំណុំរឿងលេខ BS 079835. |