បាទ/ចា។ សេវាកម្មទាំងអស់នៅក្នុងផែនាការ IPP គួរតែត្រូវពិនិត្យឡើងវិញពីពេលមួយទៅពេលមួយ។ [1]§ 4646.5(a)(6). អ្នកនិងមជ្ឈមណ្ឌលថ្នាក់តំបន់របស់អ្នកត្រូវតែពិនិត្យឡើងវិញទៅលើតម្រូវការសេវាកម្មរបស់អ្នកទៅតាមពេលវេលាកំណត់តាមកាលវិភាគ។ នេះមិនមែនមានន័យថាសេវាកម្មរបស់អ្នក “ផុតកាលបរិច្ឆេទកំណត់”នោះទេ។ មជ្ឈមណ្ឌលថ្នាក់តំបន់មួយចំនួនកម្រិតទៅលើពេលវេលានៅក្នុងកម្មវិធី IPP របស់អ្នក ហើយបញ្ឍប់សេវាកម្មនៅចំថ្ងៃនោះដោយពុំមានការជូនដំណឹង។ ករណីនេះរំលោភទៅលើសិទ្ធិរបស់អ្នកដែលត្រូវជូនដំណឹងនិងប្តឹងជំទាស់។
មជ្ឈមណ្ឌលថ្នាក់តំបន់មួយចំនួនកំណត់ពេលវេលាលើសេវាកម្មនៅក្នុងទម្រង់ដែលមានឈ្មោះថា “ការអនុញ្ញាតដល់ការទិញសេវាកម្ម។” នេះជាឯកសារផ្ទៃក្នុង។ វាពុំមានសិទ្ធិគ្រប់គ្រងទៅលើសេវាកម្មដែលអ្នកមានសិទ្ធិទទួលបាននោះទេ។
សូមកុំយល់ស្របទៅលើពេលវេលាកំណត់នៅក្នុងកម្មវិធី IPP របស់អ្នក។ ប្រសិនបើមានកាលបរិច្ឆេទផុតកំណត់នៅក្នុងកម្មវិធី IPP របស់អ្នក ដែលមិនត្រូវបានផ្តល់ដំណឹងនោះ។ មជ្ឈមណ្ឌលថ្នាក់តំបន់មិនអាចបញ្ឈប់ ឬ ប្តូរសេវាកម្មដោយពុំផ្តល់ដំណឹងពីសកម្មភាពត្រូវធ្វើ ដែលប្រាប់អ្នកអំពីសិទ្ធិរបស់អ្នកត្រូវប្តឹងជំទាស់នោះទេ។ [2]ចៅក្រមនីតិរដ្ឋបាលម្នាក់និយាយថា … Continue reading
អ្នកត្រូវតែមានការប្រជុំកម្មវិធី IPP មួយនៅមុនពេលដែលកម្មវិធី IPP បច្ចុប្បន្នរបស់អ្នកផុតកាលបរិច្ឆេទ ដើម្បីពិភាក្សាទៅលើសេវារបស់អ្នក។ ការប្រជុំកម្មវិធី IPP ត្រូវធ្វើឡើងឱ្យបានឆាប់គ្រប់គ្រាន់ ដើម្បីឱ្យមជ្ឈមណ្ឌលថ្នាក់តំបន់អាចផ្ញើសេចក្តីជូនដំណឹងយ៉ាងហោចណាស់ក្នុងរយៈពេល 30 ថ្ងៃមុននឹងវាចង់កែប្រែសេវាកម្ម។ [3]§ 4710.
តាមដានទៅលើកម្មវិធី IPP និងសេវាកម្មរបស់អ្នក។ សុំឱ្យមជ្ឈមណ្ឌលថ្នាក់តំបន់រៀបចំការប្រជុំដើម្បីពិភាក្សាពីសេវាកម្មដែលអ្នកនៅតែត្រូវការនៅក្នុងកម្មវិធី IPP។ ប្រសិនបើអ្នកមិនអាចឯកភាពនៅក្នុងកិច្ចប្រជុំ IPP បានទេ មជ្ឈមណ្ឌលថ្នាក់តំបន់ត្រូវផ្តល់ការជូនដំណឹងដល់អ្នកជាលាយលក្ខណ៍អក្សរ។ ក្រោយពីអ្នកទទួលបានការជូនដំណឹងហើយ អ្នកមានពេល 10 ថ្ងៃ ដើម្បីសុំប្តឹងជំទាស់ក្នុងករណីដែលអ្នកចង់រក្សាទុកសេវាកម្មដែលអ្នកកំពុងទទួលបានរហូតដល់បណ្តឹងឧទ្ធរណ៍ត្រូវបានបញ្ចប់។ [4]§ 4715.
ប្រសិនបើអ្នកឯកភាពបញ្ចប់សេវាកម្ម មជ្ឈមណ្ឌលថ្នាក់តំបន់មិនត្រូវផ្តល់ការជូនដំណឹងដល់អ្នកជាលាយលក្ខណ៍អក្សរទេ។
| ↑1 | § 4646.5(a)(6). |
|---|---|
| ↑2 | ចៅក្រមនីតិរដ្ឋបាលម្នាក់និយាយថា “មជ្ឈមណ្ឌលថ្នាក់តំបន់មិនអាចបញ្ជៀសលក្ខខណ្ឌតម្រូវដែល ‘សេវាកម្មដែលកំពុងផ្តល់ឱ្យស្របទៅតាមផែនការកម្មវិធីជាលក្ខណៈបុគ្គលរបស់អ្នកដែលទទួលបាននោះ នឹងត្រូវបន្តក្នុងអំឡុងពេលនៃនីតិវិធីបណ្តឹងជំទាស់។’ ការពិតដែលកម្មវិធី IPP បង្ហាញពីរយៈពេលមានកម្រិតក្នុងអំឡុងពេលដែលមជ្ឈមណ្ឌលថ្នាក់តំបន់បានយល់ព្រមផ្តល់សេវាកម្មមិនផ្លាស់ប្តូរ ‘ត្រូវបានផ្តល់ស្របទៅនឹង…[] ផែនការកម្មវិធីជាលក្ខណៈបុគ្គលរបស់អ្នកទទួលបាន។’ ការកំណត់ដែលស្តែងឡើងអាចនាំទៅដល់ការពិនិត្យឡើងវិញជាទៀងទាត់ ឬ ទាន់ពេល ថាតើអ្នកប្រើប្រាស់មានសិទ្ធិទទួលបានការបន្តសេវាកម្មដែរឬទេ ប៉ុន្តែវាមិនអាចមិនផ្តល់សុពលភាពលក្ខខណ្ឌតម្រូវជំនួយដែលនៅកំពុងរង់ចាំការទូទាត់បានទេ។ នៅពេលអ្នកប្រើប្រាស់ប្តឹងជំទាស់ទៅនឹងការកាត់ ឬ ការផ្លាស់ប្តូរសេវាកម្ម លក្ខខណ្ឌតម្រូវរង់ចាំការទូទាត់តម្រូវឱ្យអ្នកប្រើប្រាស់បន្តទទួលបានសេវាកម្មដែលកំពុងរង់ចាំដំណោះស្រាយទៅលើបញ្ហា។” សូមមើលករណី OAH Case លេខ៖ N-2005090555, ទំព័រទី 8។ ការសម្រេចរបស់សវនាការនីតិរដ្ឋបាលអាចមានលក្ខណៈជាការសម្រុះសម្រួល បើទោះបីជាចៅក្រមផ្សេងទៀតមិនត្រូវអនុវត្តតាមការសម្រេចទាំងនោះក៏ដោយ។ |
| ↑3 | § 4710. |
| ↑4 | § 4715. |