ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
បន្ទាប់ពីសវនាការយុត្តិធម៌របស់អ្នក មន្ត្រីសវនាការមានពេល 10 ថ្ងៃធ្វើការ ដើម្បីសរសេរសេចក្តីសម្រេចនេះ។ អ្នកត្រូវតែទទួលបានការសម្រេចមិនលើសពី 80 ថ្ងៃ ក្រោយពីអ្នកបានប្តឹងជំទាស់។ [1]§ 4712.5(a). សេចក្តីសម្រេចរបស់មន្ត្រីសវនាការត្រូវតែ៖
- ធ្វើឡើងជាលាយលក្ខណ៍អក្សរ ជាភាសាសាមញ្ញប្រើប្រាស់រៀងរាល់ថ្ងៃ រួមបញ្ចូលនូវសេចក្តីសង្ខេបនៃអង្គហេតុ
- ដាក់ឈ្មោះភ័ស្តុតាងដែលមន្ត្រីសវនាការបានប្រើដើម្បីធ្វើសេចក្តីសម្រេច [2]§ 4712.5(b).
- រួមបញ្ចូលនូវសេចក្តីសម្រេចមួយចំពោះករណី ឬសំណួរនីមួយៗនៅក្នុងសំណើសុំសវនាការ និងបានបង្ហាញនៅក្នុងអំឡុងពេលសវនាការ
- លើកឡើងអំពីច្បាប់ បទប្បញ្ញត្តិ និងគោលនយោបាយដែលគាំទ្រដល់សេចក្តីសម្រេចរបស់មន្ត្រីសវនាការ។
ចំណុចសំខាន់៖ នៅថ្ងៃទី1 ខែមីនា ឆ្នាំ2023 ច្បាប់នឹងផ្លាស់ប្តូរនូវអ្វីដែលបានកើតឡើងក្រោយសវនាការយុត្តិធម៌នេះ
នាយក DDS អាចនឹងពិនិត្យឡើងវិញលើការសម្រេចចិត្តមួយចំនួន និងសម្រេចធ្វើការផ្លាស់ប្តូរចំពោះការសម្រេចចិត្ត មុនពេលសម្រេចជាស្ថាពរ។ សេចក្តីសម្រេចរបស់នាយក ត្រូវបានធ្វើឡើងក្នុងរយៈពេល 90 ថ្ងៃ បន្ទាប់ពីកាលបរិច្ឆេទបណ្តឹងជំទាស់របស់អ្នកដែលត្រូវបានទទួល។ សេចក្តីសម្រេចសវនាការនឹងធ្វើឡើងជាភាសាដែលអ្នកចង់បាន។ អ្នកក៏នឹងទទួលបានសំណៅចម្លងមួយច្បាប់ជាភាសាអង់គ្លេសផងដែរ។