ភ័ស្តុតាងរួមមានសក្ខីកម្មរបស់សាក្សីនិងឯកសារដែលគាំទ្រដល់ករណីរបស់អ្នក។ សាក្សីទាំងឡាយជាមនុស្ស (រួមទាំងខ្លួនអ្នក) និងឯកសារនានាបោះពុម្ពជាក្រដាស។ យ៉ាងហោចណាស់ 5 ថ្ងៃប្រតិទិនមុនសវនាការយុត្តិធម៌ អ្នកនិងមជ្ឈមណ្ឌលក្នុងតំបន់ត្រូវធ្វើការផ្លាស់ប្តូរបញ្ជីសាក្សី និងសំណៅថតចម្លងឯកសារនានា ដែលអ្នកចង់ប្រើប្រាស់នៅក្នុងសវនាការ។ [1]§ 4712(d). នោះមានន័យថា ទាំងអ្នកនិងមជ្ឈមណ្ឌលក្នុងតំបន់ គួរតែមាននៅក្នុងដៃនូវឯកសារ និងបញ្ជីសាក្សីរបស់គ្នាទៅវិញទៅមកក្នុងរយៈពេល 5 ថ្ងៃមុនពេលសវនាការ។ បញ្ជីសាក្សីត្រូវតែខ្លី រៀបរាប់ពីអ្វីដែលសាក្សីម្នាក់ៗនឹងផ្តល់សក្ខីកម្ម។ ចៅក្រមអាចនឹងមិនអនុញ្ញាតឱ្យអ្នកបង្ហាញសាក្សីនិងឯកសារទេប្រសិនបើអ្នកមិនប្រាប់ដល់មជ្ឈមណ្ឌលថ្នាក់តំបន់អំពីពួកគេ 5 ថ្ងៃមុនសវនាការ។
ដើម្បីឱ្យសាក្សីដែលនឹងមិនយល់ព្រមធ្វើសក្ខីកម្មចូលរួម អ្នកត្រូវតែធ្វើដីកាកោះដល់ពួកគេ។ ដីកាកោះសាក្សី គឺជាដីកាស្របច្បាប់ដែលបង្ខំពួកគេឲ្យចូលរួមក្នុងសវនាការយុត្តិធម៌ដើម្បីផ្តល់សក្ខីកម្ម។ កោះហៅសាក្សី និងស្នើសុំឲ្យសាក្សីធ្វើសក្ខីកម្មភ្លាមៗនៅពេលដែលអ្នកទទួលបានកាលបរិច្ឆេទសវនាការ ដើម្បីឲ្យពួកគេអាចមានវត្តមានចូលរួមបាន។ ទម្រង់បែបបទសវនាការ រួមមានទម្រង់បែបបទដីកាកោះសាក្សីនៅទីនេះ៖ https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms
| ↑1 | § 4712(d). |
|---|