នៅពេលអ្នកទទួលបានលិខិតជូនដំណឹងត្រូវឆ្លើយតប (NOA) អ្នកចាំបាច់ត្រូវសម្រេចថាតើអ្នកនឹងដាក់ពាក្បប្តឹងជំទាស់ឬក៏មិនដាក់។ អ្នកមានរយៈពេលតែ 30 ថ្ងៃប៉ុណ្ណោះ ដើម្បីស្នើសុំសវនាការយុត្តិធម៌មួយ។ រយៈពេល 30 ថ្ងៃចាប់ផ្តើមពីកាលបរិច្ឆេទដែលអ្នកទទួលបានការជូនដំណឹងត្រូវឆ្លើយតបជាលាយលក្ខណ៍អក្សរ ដែលអ្នកមិនយល់ស្រប។ ប្រសិនបើអ្នកទទួលបានសេវាកម្មរួចទៅហើយនោះ ហើយអ្នកចង់បន្តសេវាកម្មរបស់អ្នក អ្នកមានពេលតែ 10 ថ្ងៃប៉ុណ្ណោះ។ [1]§ 4715. អ្នកត្រូវតែធ្វើសំណើសុំ (ជាលាយលក្ខណ៍អក្សរ) នូវការប្តឹងជំទាស់ក្នុងរយៈពេល 10 ថ្ងៃសម្រាប់សេវាកម្មរបស់អ្នកដើម្បីរក្សាទុកវាឱ្យនៅដដែល។ នេះហៅថា ការរង់ចាំជំនួយបង់ប្រាក់។
ប្រសិនបើអ្នកខកខានមិនដាក់បណ្តឹងតាមរយៈពេលកំណត់ 30 ថ្ងៃ ដោយសារអ្នកពុំទទួលបានលិខិតជូនដំណឹងមានលក្ខណៈពេញលេញ ឬពុំទទួលបានការជូនដំណឹងទាល់តែសោះនោះ អ្នកគប្បីស្នើសុំសវនាការយុត្តិធម៌មួយភ្លាមៗ។ ធ្វើបែបនេះជួយការពារដល់សិទ្ធិរបស់អ្នកដើម្បីប្តឹងជំទាស់ និងសិទ្ធិបន្តទទួលបានសេវារបស់អ្នកក្នុងអំឡុងបណ្តឹងជំទាស់បាន។ បណ្តឹងជំទាស់របស់អ្នកគួរលើកឡើងថា អ្នកមិនបានទទួល “លិខិតជូនដំណឹងមានលក្ខណៈពេញលេញទេ។” ប្រសិនបើមជ្ឈមណ្ឌលថ្នាក់តំបន់បដិសេធ កាត់ ឬ លុបសេវារបស់អ្នកដោយមិនបានផ្តល់ដំណឹងនោះ អ្នកនៅតែអាចប្តឹងជំទាស់បាន។ អ្នកមិនត្រូវការលិខិតជូនដំណឹងដើម្បីប្តឹងជំទាស់ទេ។ អ្នកក៏អាចដាក់បណ្តឹងបញ្ញត្តិ 4731 បានផងដែរ។
| ↑1 | § 4715. |
|---|