Skip to Main Content
Skip to sub navigation
(10.21) តើអ្វីទៅជាជំហាននៃដំណើរការប្តឹងជំទាស់?
- ស្នើសុំសវនការមួយ – អ្នកអាចស្នើសុំសវនាការមួយដោយផ្ទាល់ តាមទូរសព្ទ ឬ ជាលាយលក្ខណ៍អក្សរ។
- ការឆ្លើយតបរបស់មជ្ឈមណ្ឌលថ្នាក់តំបន់ – មជ្ឈមណ្ឌលថ្នាក់តំបន់ត្រូវផ្ញើដល់អ្នកនូវការជូនដំណឹងដែលទទួលស្គាល់ពីសំណើសុំសវនាការរបស់អ្នក។ ប្រសិនបើអ្នកមិនទទួលបានការជូនដំណឹងពីមជ្ឈមណ្ឌលថ្នាក់តំបន់ទេ ពួកគេត្រូវតែផ្ញើឱ្យអ្នកនូវការជូនដំណឹងមួយដែលមានព័ត៌មានទាំងអស់តម្រូវតាមលក្ខខណ្ឌ “ការជូនដំណឹងដែលមានលក្ខណៈពេញលេញ។”
- ទម្រង់បែបបទស្នើសុំសវនាការដោយយុត្តិធម៌ – នៅពេលអ្នកប្រាប់ទៅដល់មជ្ឈមណ្ឌលថ្នាក់តំបន់ថាអ្នកចង់បានសវនាការមួយដោយយុត្តិធម៌នោះ មជ្ឈមណ្ឌលថ្នាក់តំបន់ត្រូវតែផ្តល់ដល់អ្នកនូវទម្រង់បែបបទសំណើសុំសវនាការដោយយុត្តិធម៌។ ប្រសិនបើអ្នកត្រូវការជំនួយក្នុងការបំពេញទម្រង់បែបបទ មជ្ឈមណ្ឌលថ្នាក់តំបន់ត្រូវតែជួយដល់អ្នក។
- កិច្ចប្រជុំក្រៅផ្លូវការ – ប្រសិនបើអ្នកចង់ទទួលបានការប្រជុំក្រៅផ្លូវការមួយ មជ្ឈមណ្ឌលថ្នាក់តំបន់ត្រូវតែរៀបចំការប្រជុំនេះដល់អ្នក។ អ្នកនិងមជ្ឈមណ្ឌលថ្នាក់តំបន់ត្រូវតែឯកភាពគ្នាទៅលើពេលវេលាសម្រាប់ការប្រជុំ។ មជ្ឈមណ្ឌលថ្នាក់តំបន់ត្រូវតែផ្ញើឱ្យអ្នកនូវការជូនដំណឹងជាលាយលក្ខណ៍អក្សរដើម្បីបញ្ជាក់ពីកាលបរិច្ឆេទ ម៉ោង និងទីកន្លែងនៃការប្រជុំក្រៅផ្លូវការរបស់អ្នក។ ការជូនដំណឹងក៏ត្រូវបញ្ជាក់ថាអ្នកអាចបដិសេធបានទៅលើការប្រជុំក្រៅផ្លូវការ។
- ការសម្រុះសម្រួល – ការសម្រុះសម្រួលគឺនៅពេលដែលបុគ្គលឯករាជ្យ ម្នាក់ដែលមានការបណ្តុះបណ្តាលសមស្រប (“អ្នកសម្របសម្រួល”) ជួយដល់អ្នកឱ្យទទួលបានការឯកភាពមួយដែលមានយុត្តិធម៌ និងសមស្របសម្រាប់អ្នកនិងមជ្ឈមណ្ឌលថ្នាក់តំបន់។ យើងសូមផ្តល់អនុសាសន៍ឱ្យប្រើការសម្រុះសម្រួល។ ទាំងអ្នកនិងមជ្ឈមណ្ឌលថ្នាក់តំបន់អាចសម្រេចមិនធ្វើការសម្រុះសម្រួលបាន។ ប្រសិនបើអ្នកស្នើសុំឱ្យមានការសម្រុះសម្រួលជាលាយលក្ខណ៍អក្សរ មជ្ឈមណ្ឌលថ្នាក់តំបន់មានរយៈពេល 5 ថ្ងៃនៃថ្ងៃធ្វើការ ដើម្បីសម្រេចថាតើពួកគេចង់បានការសម្រុះសម្រួលទេ។ បើទោះបីជាអ្នកជ្រើសរើសមិនប្រើការសម្រុះសម្រួលក៏ដោយ ក៏អ្នកនៅតែមានសិទ្ធិទទួលបានសនវនាការមួយដោយយុត្តិបានដែរ។ វាជាជម្រើសរបស់អ្នក។
- សវនាការដោយយុត្តិធម៌ – អ្នកមានសិទ្ធិទទួលបានសវនាការមួយនៅចំពោះមុខចៅក្រម ដោយមិនលើសពី 50 ថ្ងៃ ក្រោយពីមជ្ឈមណ្ឌលថ្នាក់តំបន់ទទួលបានសំណើសុំសវនាការរបស់អ្នក។ ចៅក្រមមានឈ្មោះថា ចៅក្រមផ្នែកនីតិរដ្ឋបាល (ALJ)។ ប្រសិនបើអ្នក ឬ មជ្ឈមណ្ឌលថ្នាក់តំបន់សួរ និងមានហេតុផលល្អ ចៅក្រម ALJ អាចនឹងអនុញ្ញាតឱ្យមានសវនាការតាមក្រោយ។ (សូមមើល សំណួរលេខ 26។)
- សេចក្តីសម្រេចនៅក្នុងសវនាដោយយុត្តិធម៌ – ចៅក្រមត្រូវតែផ្តល់ការសម្រេចចិត្តមួយដោយមិនលើសពីរយៈពេល 10ថ្ងៃនៃថ្ងៃធ្វើការក្រោយពីបញ្ចប់សវនាការរបស់អ្នក។ ករណីនេះមិនអាចលើសពី 80ថ្ងៃឡើយក្រោយពីអ្នកស្នើសុំសវនាការ។ ប្រសិនបើសវនាការស្តីអំពីសិទ្ធិ ឬ សេវាកម្មក្រោមកម្មវិធី Medi-Cal លើកលែងសម្រាប់សេវាតាមផ្ទះនិងតាមសហគមន៍ (“DD Waiver”) នោះ Department of Health Services ពិនិត្យឡើងវិញទៅលើការសម្រេច។ ពួកគេទទួលយកការសម្រេចរបស់ចៅក្រម ឬ ធ្វើការសម្រេចថ្មី។ ពួកគេត្រូវសម្រេចមិនឱ្យលើសពី 90 ថ្ងៃក្រោយពីអ្នកស្នើសុំសវនាការ។ សូមមើលជំពូក 11 សម្រាប់ព័ត៌មានបន្ថែមអំពី DD Waiver។
- ប្តឹងជំទាស់ការសម្រេចរបស់សវនាការដោយយុត្តិធម៌ – ប្រសិនបើអ្នកមិនយល់ស្របទៅតាមការសម្រេចរបស់សវនាការទេ អ្នកមានរយៈពេល 90 ថ្ងៃ ដើម្បីដាក់បណ្តឹងជំទាស់ ទៅកាន់តុលាការកំពូលទៀត។
