អ្នក ឬមជ្ឈមណ្ឌលប្រចាំតំបន់អាចសុំឱ្យការិយាល័យសវនាការរដ្ឋបាល (OAH) លើកពេលសវនាការទៅពេលក្រោយបាន។ ដំណើរការនេះមានឈ្មោះថា ការស្នើសុំ “ការលើកវារកាល។”[1]§ 4712(a). សំណើលើកទីមួយរបស់អ្នកសម្រាប់ការលើកវារកាលនឹងត្រូវបានផ្តល់ជូនដោយស្វ័យប្រវត្តិ។ សំណើសុំបន្ថែមណាមួយ នឹងមិនត្រូវបានផ្តល់ជូនដោយស្វ័យប្រវត្តិនោះទេ។ អ្នកត្រូវមាន “មូលហេតុត្រឹមត្រូវ” សម្រាប់ឱ្យ OAH ផ្តល់ការអនុញ្ញាតចំពោះសំណើសុំរបស់អ្នក។ “មូលហេតុត្រឹមត្រូវ” មានន័យថាមូលហេតុល្អណាមួយ។
អ្នកអាចសុំលើកពេលសវនាការទៅពេលក្រោយបានប្រសិនបើ៖
- សាច់ញាតិជិត (ដូចជាសហព័ទ្ធ ឪពុកម្តាយ កូន ។ល។) ស្លាប់។ ឬប្រសិនបើតំណាងពេញសិទ្ធិរបស់អ្នក អ្នកអាណាព្យាបាលស្របច្បាប់ ឬអ្នករក្សាស្លាប់បាត់បង់ជីវិត។[2]§ 4712(a)(2)(A).
- អ្នកឈឺ ឬរងរបួស ឬអ្នកតំណាងពេញសិទ្ធិរបស់អ្នកឈឺ ឬរងរបួស។[3]§ 4712(a)(2)(B).
- មានករណីសង្រ្គោះបន្ទាន់។ ឧទាហរណ៍ ប្រសិនបើអ្នកតំណាងរបស់អ្នកត្រូវឡើងតុលាការ ឬមានកាលវិភាគជាន់គ្នាហួសពីអ្វីដែលគេអាចគ្រប់គ្រងបាន។[4]§ 4712(a) (2)(C).
- ភ័ស្តុតាង ឬសាក្សីរបស់អ្នកមិនទំនេរ ហើយមិនមានសាក្សី ឬភ័ស្តុតាងនឹងប៉ះពាល់ធ្ងន់ធ្ងរដល់ (បុរេវិច្ឆ័យ) សំណុំរឿងរបស់អ្នក។[5]§ 4712(a) (2)(D).
- អ្នក ឬអ្នកតំណាងពេញសិទ្ធិរបស់អ្នកស្នើសុំការសម្រុះសម្រួល។
ដើម្បីពន្យារកាលបរិច្ឆេទសវនាការរបស់អ្នក អ្នកត្រូវដាក់ “ញត្តិស្នើសុំការលើកវារកាលនៃសវនាការ និងការលះបង់ពេលវេលា”។ នេះគឺជាតំណភ្ជាប់ទៅកាន់ទម្រង់បែបបទនៃញត្តិនេះ៖ https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms, ទម្រង់បែបបទសំណើសុំលើកវារកាល និងការលះបង់ពេលវេលាតាមច្បាប់ Lanterman (OAH 24), ទម្រង់បែបបទសំណើសុំលើកវារកាល និងការលះបង់ពេលវេលាតាមច្បាប់ Lanterman (ជាភាសាអេស្ប៉ាញ) (OAH 24 ES), ទម្រង់បែបបទនេះមានចន្លោះដែលអ្នកត្រូវពន្យល់ពីហេតុផលដែលអ្នកត្រូវការដើម្បីពន្យារពេលសវនាការដោយយុត្តិធម៌។ អ្នកអាចនឹងភ្ជាប់ឯកសារណាមួយដែលគាំទ្រដល់តម្រូវការរបស់អ្នកសម្រាប់ការសុំលើកវារកាល។
ទម្រង់បែបបទប្រាប់អ្នកឱ្យហៅអ្នកតំណាងមកពីមជ្ឈមណ្ឌលប្រចាំតំបន់ និងសាកសួរថាតើគាត់នឹងឯកភាពពន្យារពេលសវនាការដោយយុត្តិធម៌ដែរឬទេ។ នៅក្នុងចន្លោះដែលមានផ្តល់ជូននៅលើទម្រង់បែបបទនេះ សូមសរសេរឈ្មោះ និងលេខទូរសព្ទរបស់បុគ្គលនៅមជ្ឈមណ្ឌលប្រចាំតំបន់ដែលអ្នកជជែកជាមួយ។ សរសេរលើទម្រង់បែបបទថាតើបុគ្គលនោះបានយល់ព្រម ឬជំទាស់ទៅនឹងការលើកវារកាលនេះដែរឬទេ។
អ្នកនិងអ្នកតំណាងរបស់អ្នកគប្បីចុះហត្ថលេខាលើផ្នែកដែលមានចំណងជើងថា “ការលះបង់ពេលវេលាដែលកំណត់ដោយច្បាប់សម្រាប់សវនាការដោយយុត្តិធម៌ និងសេចក្តីសម្រេចក្រោមច្បាប់ Lanterman”។ ដើម្បីផ្តល់ការលើកវារកាលបាន អ្នកត្រូវតែយល់ព្រម “បដិសេធ” លើកាលបរិច្ឆេទផុតកំណត់សវនាការ។ នេះមានន័យថា អ្នកយល់ព្រមឱ្យសវនាការដោយយុត្តិធម៌នឹងធ្វើឡើងនៅពេលលើសពី 50 ថ្ងៃ ក្រោយពី OAH ទទួលបានសំណើរបស់អ្នក។
សូមផ្ញើទម្រង់បែបបទនៃការលើកវារកាលដែលបានបំពេញរួចទៅកាន់ OAH។ OAH ពុំទទួលយកឯកសារតាមទូរសារនោះទេ។ អ្នកអាចផ្ញើឯកសារតាមប្រៃសណីយ៍ទៅកាន់ OAH ឬទូរសព្ទទៅកាន់ OAH ដើម្បីសួរនាំពីរបៀបផ្ញើឯកសារតាមប្រព័ន្ធអេឡិចត្រូនិកបាន។ អ្នកក៏អាចស្វែងរកព័ត៌មានអំពីរបៀបផ្ញើឯកសារតាមប្រព័ន្ធអេឡិចត្រូនិកនៅលើគេហទំព័ររបស់ OAH បានផងដែរ៖ https://www.dgs.ca.gov/OAH/Services/Page-Content/Office-of-Administrative-Hearings-Services-List-Folder/File-or-Upload-OAH-Case-Documents
ប្រសិនបើអ្នកពុំមានពេលគ្រប់គ្រាន់ដើម្បីផ្ញើញត្តិជាលាយលក្ខណ៍អក្សរដើម្បីសុំការលើកវារកាលទេ សូមទាក់ទងការិយាល័យ OAH ក្នុងតំបន់របស់អ្នកនិងស្នើសុំការលើកវារកាលតាមទូរសព្ទបាន។ បន្ទាប់ពីអ្នកប្តូរទៅបន្តសវនាការដោយយុត្តិធម៌នោះ អ្នកអាចមើលនៅលើគេហទំព័រ OAH ដើម្បីឱ្យដឹងថាតើញត្តិនោះទទួលបានការអនុញ្ញាតហើយឬនៅ។ អ្នកនឹងចាំបាច់ត្រូវបញ្ចូលលេខសំណុំរឿង OAH របស់អ្នក ដើម្បីស្វែងរកនៅលើគេហទំព័រនេះ៖ https://www.dgs.ca.gov/OAH/Case-Types/General-Jurisdiction/Resources/Page-Content/General-Jurisdiction-Resources-List-Folder/Continuance-Ruling-Search
- សំណើលើកវារកាលលើកទីមួយរបស់អ្នកនឹងត្រូវបានផ្តល់ជូនដោយស្វ័យប្រវត្តិ។ អ្នកពុំចាំបាច់ត្រូវមានហេតុផលសមស្របនោះទេ។ ប្រសិនបើអ្នកណាម្នាក់សួររកហេតុផល គ្រាន់តែពន្យល់ថាវាជាសំណើដំបូងរបស់អ្នក។
- សំណើសុំបន្ថែមណាមួយនឹងមិនត្រូវបានផ្តល់ជូនដោយស្វ័យប្រវត្តិនោះទេ។ អ្នកចាំបាច់ត្រូវមានហេតុផលសមស្របសម្រាប់គ្រប់សំណើទាំងអស់បន្ទាប់ពីសំណើលើកទីមួយ។