DDS មានទម្រង់បែបបទទាំងនេះជាភាសាអេស្ប៉ាញ អាមេនីខាងលិច ដារី ហ្វាស៊ី ហិណ្ឌី ម៉ុង ជប៉ុន ខ្មែរ កូរ៉េ ឡាវ ព័រទុយហ្កាល់ រុស្ស៊ី ចិន តាកាឡុក អ៊ូឌូ វៀតណាម និងមៀន។ ទម្រង់បែបបទទាំងអស់មាននៅលើ​ទំព័រសិទ្ធិ​ទទួលបាន និងបណ្តឹងឧទ្ធរណ៍​ចំ​ពោះសេវាកម្មតាមច្បាប់ Lanterman របស់ DDS។ https://www.dds.ca.gov/general/appeals-complaints-comments/fair-hearings-complaint-process/

DS 1819 – ទម្រង់បែបបទអនុញ្ញាតអ្នកតំណាង – សូមប្រើទម្រង់​បែបបទ​នេះ ប្រសិនបើអ្នកមានបំណង​ចង់ឱ្យ​នរណាម្នាក់តំណាងអ្នក​នៅក្នុងសវនា​ការ។ ទម្រង់បែបបទនេះផ្តល់ការអនុញ្ញាតឱ្យ DDS ចែករំលែកព័ត៌មាន​អំពី​សំណុំ​​រឿង​​​រ​ប​ស់អ្នកជាមួយអ្នកតស៊ូមតិ ឬមេធាវី។ 

DS 1820 – សេចក្តីជូនដំណឹងអំពីចំណាត់ការ – នេះគឺជាទម្រង់បែបបទ​ដែល​មជ្ឈ​មណ្ឌលប្រចាំតំបន់ត្រូវតែផ្តល់​ជូនអ្នក​នៅ​​ពេលដែលពួកគេមានបំណងកាត់បន្ថយ ឬបញ្ឈប់សេវាកម្ម។ ចាប់ពីថ្ងៃទី 1 ខែមករា ឆ្នាំ 2025 ទម្រង់​បែបបទ​នេះក៏នឹងត្រូវបានប្រើ​ដើម្បី​ជូនដំណឹងអំពីសេចក្តីសម្រេចអំពីការទទួលយក និងសិទ្ធិទទួលបាន​ផង​ដែរ។ ទម្រង់​បែបបទ​នេះក៏​រាយ​នូវ​ព័ត៌​មាន​ទំនាក់ទំនង​សម្រាប់ OCRA ក្រុមប្រឹក្សា​រដ្ឋ​ស្តីពីពិការភាព​ផ្នែក​លូតលាស់ (State Council on Developmental Disabilities, SCDD) និង​អង្គការសិទ្ធិ​ជនពិការ​រដ្ឋកាលីហ្វ័រញ៉ា​ (Disability Rights California) ផងដែរ។​

DS 1822 – សេចក្តីជូនដំណឹងអំពីដំណោះស្រាយ – ប្រសិនបើអ្នកបានដាក់​ពា​ក្យ​បណ្ដឹងឧទ្ធរណ៍ ហើយបញ្ហា​របស់​អ្នក​ត្រូវ​បានដោះស្រាយមុនពេលចៅក្រមធ្វើ​ការ​សម្រេចចិត្ត ឬប្រសិនបើអ្នកចង់ដកបណ្តឹងឧទ្ធរណ៍របស់អ្នក នោះ​ទម្រង់​​បែបបទនេះត្រូវបានប្រើប្រាស់ដើម្បីពន្យល់ថាតើសំណុំរឿងនេះត្រូវបានដោះស្រាយយ៉ាងដូចម្តេច។ 

DS 1823 – ការផ្លាស់ប្តូរសំណើសុំបណ្តឹងឧទ្ធរណ៍ – នេះគឺជាទម្រង់បែបបទ​ដែល​ត្រូវ​បានប្រើ ប្រសិនបើអ្នក​ចង់​បន្ថែម​​ជំហានមួយទៅក្នុងដំណើរការប្ដឹង​ឧទ្ធរណ៍​។ ឧទាហរណ៍ ប្រសិនបើអ្នកគ្រាន់តែស្នើសុំកិច្ចប្រជុំក្រៅ​ផ្លូវការ​មួយ​នៅ​ពេលអ្នក​ដា​ក់សំណើរបស់អ្នកដំបូង ទម្រង់បែបបទនេះអាចត្រូវបានប្រើប្រាស់ ដើម្បី​បន្ថែមការសម្រុះសម្រួល ឬសវនាការនៅពេលក្រោយ។ 

DS 1824 សំណើសុំការពិចារណាចុងក្រោយ – បន្ទាប់ពីសវនាការ អ្នក ឬមជ្ឈ​ម​ណ្ឌលប្រចាំតំបន់អាចស្នើសុំ “ការ​ពិចារណាឡើងវិញ” ដែលជាវិធីមួយដើម្បីកែ​កំហុស​ការងារការិយាល័យ ឬកំហុសនៃអង្គហេតុ ឬអង្គច្បាប់ក្នុងការ​សម្រេច​​ចិត្តលើសវនាការ។ ទម្រង់បែបបទនេះត្រូវតែដាក់ក្នុងរយៈពេល 15 ថ្ងៃគិតចាប់ពីថ្ងៃដែលអ្នក​បាន​ទទួល​បានការសម្រេចលើសវនាការ។

លិខិតជំនឿសុទ្ធចិត្តគំរូ – លិខិតជំនឿសុទ្ធចិត្ត ត្រូវបានប្រើប្រាស់ដោយមជ្ឈ​មណ្ឌលប្រចាំតំបន់នៅពេលដែល​មិន​មាន​ឯកសារ​ជាលាយលក្ខណ៍អក្សរផ្សេងទៀត (ឧទាហរណ៍ IPP) ដែលពន្យល់អំពីសេវាកម្មដែលអ្នកបានយល់ព្រម​ជាមួយ។ លិខិតជំនឿសុទ្ធចិត្តត្រូវតែផ្ញើមកអ្នកដោយមជ្ឈមណ្ឌលប្រចាំតំបន់ក្នុងរយៈពេល 5 ថ្ងៃនៃថ្ងៃធ្វើការ​នៅ​ពេល​ដែលមជ្ឈមណ្ឌលប្រចាំតំបន់ជឿថា អ្នកបានយល់​ព្រម។  

ក៏មានកញ្ចប់ព័ត៌មាន គំនូសតាងលំហូរ និងព័ត៌មានមានប្រយោជន៍ផ្សេង​ទៀត​ដែលមានដើម្បីជួយអ្នកក្នុង​ដំណើរកា​រប្ដឹងឧទ្ធរណ៍ផងដែរ។ ^[1]សូមមើលជំពូកទី 10 របស់ RULA … Continue reading