(6.40) តើកម្មវិធីជំនួយទទួលចិញ្ចឹម (AAP) និងមជ្ឈមណ្ឌលថ្នាក់តំបន់ ផ្តល់សេវាដល់កុមារមានពិការភាពផ្នែកខាងលូតលាស់ដូចម្តេច?

AAP គឺជាកម្មវិធីសហព័ន្ធមួយ ^[1]មាត្រា 42 ក្រមសហរដ្ឋអាមេរិក ផ្នែក 670 និងបន្តបន្ទាប់ និងមាត្រា 45 … Continue reading ដែលបានអនុវត្តដោយរដ្ឋ ^[2]មើលក្រមសុខុមាលភាពនិងស្ថាប័នរដ្ឋកាលីហ្វ័រញ៉ា ផ្នែក 16115.5 … Continue reading ដែលលើកទឹកចិត្តឲ្យមនុស្សធ្វើការសុំកូននៅក្នុងមណ្ឌលថែទាំ។ កម្មវិធីផ្តល់ការលើកទឹកចិត្តផ្នែកហិរញ្ញវត្ថុទៅដល់ក្រុមគ្រួសារដែលបានយកក្មេងមកចិញ្ចឹម។

អ្នកត្រូវតែបំពេញទៅតាមលក្ខខណ្ឌតម្រូវបីចំណុច ដើម្បីមានសិទ្ធិទទួលបាន AAP៖

កុមារត្រូវមានអាយុក្រោម 18 ឆ្នាំ (ឬ ក្រោមអាយុ 21 ឆ្នាំ ប្រសិនបើកុមារមានពិការភាពផ្នែកបញ្ញា ឬ រាងកាយ ហើយនៅតែត្រូវការជំនួយ)។
កុមារមិនទំនងជាត្រូវបានយកមកចិញ្ចឹមដោយគ្មានជំនួយផ្នែកហិរញ្ញវត្ថុឡើយ ពីព្រោះអាយុ ពិការភាព បងប្អូនប្រុស និងបងប្អូនស្រី ដែលត្រូវការស្នាក់នៅរួមគ្នា ពូជសាសន៍ ជនជាតិ ឬពណ៌សម្បុរ។
តុលាការត្រូវតែពាក់ព័ន្ធ និងកំណត់ថា ការយកមកចិញ្ចឹម គឺស្ថិតក្នុងផ្តល់ផលប្រយោជន៍ល្អបំផុតសម្រាប់កុមារ។ ^[3]ក្រមស្តីពីសុខុមាលភាព & ស្ថាប័ន ផ្នែក 16120.

ការស្មុំកូនជាលក្ខណៈអន្តរជាតិនិងដោយឯករាជ្យមិនមានសិទ្ធិសម្រាប់កម្មវិធី AAP ឡើយ។ កុមារទាំងឡាយដែលទទួលសេវាកម្មពីមជ្ឈមណ្ឌលថ្នាក់តំបន់ ហើយដែលទទួលបានអត្ថប្រយោជន៍ AAP ផងដែរនោះ ត្រូវបានគេហៅថា “កុមារស្ថិតក្រោមទីភ្នាក់ងាររួមគ្នាពីរ។” កុមារស្ថិតក្រោមទីភ្នាក់ងាររួមគ្នាពីរក្រុម តម្រូវឲ្យមានការថែទាំនិងការគ្រប់គ្រងហួសពីអ្វីដែលបានផ្តល់ដល់កុមារផ្សេងទៀតនៅក្នុងសេវាចិញ្ចឹមបណ្តោះអាសន្ត។ ^[4]ក្រមសុខុមាលភាពនិងស្ថាប័ន ផ្នែក 11464(a)(1). កុមារដែលទទួលបានអត្ថប្រយោជន៍ពី AAP ក៏នៅតែមានសិទ្ធិទទួលបានសេវាកម្មពីមជ្ឈមណ្ឌលថ្នាក់តំបន់ដែលស្ថិត

ក្រោមច្បាប់ Lanterman ដែរ។ ^[5]ផ្នែក 4684. ពេលខ្លះមជ្ឈមណ្ឌលថ្នាក់តំបន់ព្យាយាមកំណត់ថា ប្រាក់ពី AAP គួរតែបង់សម្រាប់សេវាកម្មទាំងឡាយដូចជាការសម្រាកលំហែ ឬសេវាផ្នែកឥរិយាបទ។ ប៉ុន្តែ សវនាការផ្នែកនីតិរដ្ឋបាលបានរកឃើញជាដដែលថា មូលនិធិ AAP មិនមែនជាធនធានទូទៅទេ ហើយមិនត្រូវបានយកទៅប្រើសម្រាប់សេវាមជ្ឈមណ្ឌលថ្នាក់តំបន់ឡើយ។ ^[6]ករណីដែលបានរកឃើញថា AAP មិនមែនជាធនធានទូទៅ រួមមាន៖ ករណី L.H. v. Valley Mountain … Continue reading

ប្រសិនបើ អ្នកកំពុងពិចារណាយកកុមារដែលមានពិការភាពផ្នែកការលូតលាស់មកចិញ្ចឹម សូមទាក់ទងទៅកាន់ Disability Rights California សម្រាប់ព័ត៌មានបន្ថែមអំពីការទទួលបានកម្មវិធី AAP។

 [+]

References
↑1	មាត្រា 42 ក្រមសហរដ្ឋអាមេរិក ផ្នែក 670 និងបន្តបន្ទាប់ និងមាត្រា 45 ក្រមបញ្ញត្តិសហព័ន្ធ ផ្នែក 1356.40 និង 1356.41.
↑2	មើលក្រមសុខុមាលភាពនិងស្ថាប័នរដ្ឋកាលីហ្វ័រញ៉ា ផ្នែក 16115.5 និងផ្នែកបន្តបន្ទាប់ និងមាត្រា 22 ក្រមបទបញ្ញត្តិរដ្ឋកាលីហ្វ័រញ៉ា ផ្នែក 35000 និងផ្នែកបន្តបន្ទាប់
↑3	ក្រមស្តីពីសុខុមាលភាព & ស្ថាប័ន ផ្នែក 16120.
↑4	ក្រមសុខុមាលភាពនិងស្ថាប័ន ផ្នែក 11464(a)(1).
↑5	ផ្នែក 4684.
↑6	ករណីដែលបានរកឃើញថា AAP មិនមែនជាធនធានទូទៅ រួមមាន៖ ករណី L.H. v. Valley Mountain Regional Center សំណុំរឿង OAH លេខ 2002080370, ករណី Rebecca K. v. Regional Center of the East Bay សំណុំរឿង OAH លេខ 2000030471, ករណី Breanna W. v. San Andreas Regional Center សំណុំរឿង OAH លេខ 2000120046, ករណី T.S., C.S., និង J.S. v. San Gabriel/Pomona Regional Center សំណុំរឿង OAH លេខ 2003050412, 2003050413, និង 2003050414, និងករណី Jareth S. និង Candace S. v. North Los Angeles County Regional Center សំណុំរឿង OAH លេខ 2000010339 និង 2000010340.