សៀវភៅណែនាំស្ដីពីការធ្វើរោគវិនិច្ឆ័យ និងការធ្វើស្ថិតិលើជំងឺផ្លូវចិត្ត កំណែប្រែទីប្រាំ ចែងថា បុគ្គលម្នាក់ដែលមានពិការភាពផ្នែកសតិបញ្ញា មានចំណុចទាំងពីរនេះ៖
- មានបញ្ហាមុខងារផ្នែកសតិបញ្ហា (ការគិតហេតុផល ការដោះស្រាយបញ្ហា ការធ្វើផែនការ ការគិតអរូបី ការវិនិច្ឆ័យ ការសិក្សារៀនសូត្រ និងការរៀនពីបទពិសោធន៍)។ មុខងារផ្នែកសតិបញ្ញាជារឿយៗត្រូវបានវាស់ស្ទង់ដោយតេស្ត IQ ដែលអាចផ្ដល់ពិន្ទុជាច្រើន។ ជាទូទៅពិការភាពផ្នែកសតិបញ្ញា មានកម្រិតពិន្ទុមិនខ្ពស់ជាង 65 ដល់ 75 ពិន្ទុឡើយ។
- បញ្ហាមុខងារសម្របសម្រួលដែលបណ្ដាលឲ្យមានការខកខានមិនអាចបំពេញតាមស្ដង់ដាការលូតលាស់ និងសង្គមវប្បធម៌បានសម្រាប់ឯករាជ្យភាពនិងទំនួលខុសត្រូវសង្គមផ្ទាល់ខ្លួន។ បើគ្មានការគាំទ្រទេ បញ្ហានឹងកំណត់មុខងារនៅក្នុងសកម្មភាពមួយឬច្រើននៃជីវិតប្រចាំថ្ងៃ (ការប្រាស្រ័យទាក់ទង ការចូលរួមក្នុងសង្គម និងការរស់នៅដោយឯករាជ្យ នៅក្នុងមជ្ឈដ្ឋានជាច្រើន ដូចជានៅតាមផ្ទះ កន្លែងធ្វើការ សាលារៀន និងសហគមន៍)។ [1]សមាគមគ្រូពេទ្យផ្លូវចិត្តអាមេរិកាំង … Continue reading
បញ្ហាផ្នែកមុខងារទាំងអស់នេះ ត្រូវកើតមានក្នុងអំឡុងពេលលូតលាស់នៃជីវិត ដែលមានន័យថា ក្នុងអំឡុងកុមារភាព ឬយុវវ័យ។ ស្ថិតក្រោមច្បាប់ Lanterman បុគ្គលម្នាក់ត្រូវមានបញ្ហាទាំងអស់នេះ នៅមុនអាយុ 18ឆ្នាំ។ [2]ផ្នែក 4512(a).
ប្រសិនបើការវិនិច្ឆ័យរបស់មជ្ឈមណ្ឌលក្នុងតំបន់ និយាយថា អ្នកពុំមានពិការភាពផ្នែកសតិបញ្ញា អ្នកគប្បីសាកសួរអ្នកជំនាញណាម្នាក់ទៀត។ អ្នកជំនាញអាចប្រាប់បានថាតើស្ថានភាពសុខភាពរបស់អ្នក មានលក្ខណៈជាពិការភាពផ្នែកសតិបញ្ញាដែរឬអត់។