បើទោះបីជាអ្នកមិនមានជំងឺអូទីស៊ឹម ពិការភាពខួរក្បាល ជំងឺឆ្កួតជ្រូក ឬពិការភាពផ្នែកសតិបញ្ញាក្ដី ក៏អ្នកនៅតែមានពិការភាពផ្នែកសតិបញ្ញាដដែល ប្រសិនបើអ្នកបំពេញតាម “ប្រភេទទីប្រាំ”។ ប្រភេទទីប្រាំ គឺមានពីរប្រភេទដែលតម្រូវឲ្យ៖
- អ្នកមានស្ថានភាព “ពាក់ព័ន្ធយ៉ាងជិតស្និទ្ធ” ទៅនឹងពិការភាពផ្នែកសតិបញ្ញា ឬ
- តម្រូវឲ្យអ្នកមានការព្យាបាល “ស្រដៀងគ្នានឹង” ការព្យាបាលសម្រាប់ពិការភាព ផ្នែកសតិបញ្ញាដែរ។
ច្បាប់ពុំបានចែងថាពាក្យ “ពាក់ព័ន្ធយ៉ាងជិតស្និទ្ធទៅនឹង”ពិការភាពផ្នែកសតិបញ្ញា ឬពាក្យ “ការព្យាបាលស្រដៀងគ្នានឹង” ដែលបានប្រើសម្រាប់មនុស្សដែលមាន ពិការភាពផ្នែកសតិបញ្ញា ថាមានន័យបែបណានោះទេ។ ច្បាប់ពុំបានចែងថាប្រភេទស្ថានភាពអ្វីខ្លះដែលស្ថិតក្រោមប្រភេទទីប្រាំនោះទេ។ ដោយសារច្បាប់នេះមិនច្បាស់លាស់ មជ្ឈមណ្ឌលក្នុងតំបន់ខ្លះកម្រនឹងកំណត់ថាពលរដ្ឋណាមានសិទ្ធិទទួលបានសេវាស្ថិតក្រោមប្រភេទទីប្រាំនេះណាស់។