មជ្ឈមណ្ឌលថ្នាក់តំបន់ច្រើនណែនាំមនុស្សបន្តទៅឱ្យ DOR។ ដើម្បីទទួលបាននូវការណែនាំបន្តសម្រាប់សេវាវិជ្ជាជីវៈ សូមសុំឱ្យមានការប្រជុំ IPP ។ លើកឡើងថាអ្នកចាប់អារម្មណ៍ការងារដែលទទួលបាននូវការគាំពារ ឬ ការងារដែលមានលក្ខណៈ ប្រកួតប្រជែង។ ប្រសិនបើអ្នកមានការងារធ្វើហើយនៅក្នុងកម្មវិធីសកម្មភាពការងារ ពួកគេពិនិត្យមើលវឌ្ឍនភាពការងាររបស់អ្នកជារៀងរាល់ឆ្នាំ និងសម្រេចថាតើសេវាវិជ្ជាជីវៈត្រឹមត្រូវសម្រាប់អ្នកទេ។ ប្រសិនបើក្រុមការងារ IPP របស់អ្នកសម្រេចថា សេវាទាំងនោះនឹងផ្តល់អត្ថប្រយោជន៍ដល់អ្នក វានឹងណែនាំអ្នកទៅកាន់ DOR។ [1]ផ្នែក 4858 (a)-(b).
DOR អាចបដិសេធមិនផ្តល់សេវាដល់អ្នកប្រសិនបើពិការភាពរបស់អ្នកធ្ងន់ធ្ងរខ្លាំងពេក ដែលសេវារបស់វានឹងមិនមានអ្វីជួយដល់អ្នកកើតនោះ។ DOR ត្រូវតែបញ្ជាក់ឲ្យឃើញថា សេវាស្តារនីតិសម្បទាវិជ្ជាជីវៈនឹងមិនជួយឲ្យអ្នកទទួលបានការងារមួយនោះទេ ប្រសិនបើពិការភាពរបស់អ្នកមានភាពធ្ងន់ធ្ងរពេក។ [2]មាត្រា 29 ក្រមសហរដ្ឋអាមេរិក ផ្នែក 722(a)(2)(A), សូមមើលផងដែរនូវមាត្រា 34 … Continue reading
អ្នកអាចទទួលបានសេវាស្តារនីតិសម្បទាវិជ្ជាជីវៈរយៈពេលរហូតដល់ 18ខែ។ សេវាកម្មទាំងឡាយអាចបញ្ចប់ភ្លាមៗបាន ប្រសិនបើអ្នកមានលក្ខណៈឯករាជ្យ ឬ ប្រសិនបើការគាំពាររបស់អ្នកបានជួយដល់អ្នកបានច្រើនបំផុតតាមដែលអាចធ្វើ បាន។ ក្រោយរយៈពេល 18ខែ DOR ផ្ទេរអ្នកទៅកាន់ DDS។ បន្ទាប់មកអ្នកអាចទទួលបានសេវាកម្មពីកម្មវិធីសេវាផ្តល់នីតិសម្បទា។ ប្រសិនបើអ្នកត្រូវបានណែនាំបន្តទៅឱ្យ DOR និងដាក់អ្នកនៅក្នុងបញ្ជីរង់ចាំនោះ មជ្ឈមណ្ឌលថ្នាក់តំបន់ត្រូវផ្តល់ដល់អ្នកនូវសេវាកម្មទាំងឡាយដែលអ្នកត្រូវការរហូតដល់សេវា DOR ចាប់ផ្តើម។ [3]ផ្នែក 4855.