ការរៀបចំរស់នៅតាមសហគមន៍ដែលមានអាជ្ញាប័ណ្ណទាំងអស់ រួមទាំង CCFs និង ICFs ផង មាន “វិន័យក្នុងផ្ទះ។” វិន័យនៅក្នុងផ្ទះពន្យល់ពីអ្វីដែលអ្នកអាចនិងមិនអាចធ្វើបាន។ ផ្ទះត្រូវតែពន្យល់ពីវិន័យទាំងឡាយទៅដល់អ្នកនៅពេលអ្នកទៅដល់ ឬ ចាប់ផ្តើមកម្មវិធី។ អ្នកអាចផ្តល់ដល់ពួកគេនូវមតិយោបល់ពីវិន័យក្នុងផ្ទះ ដោយសារតែវាជាផ្ទះផ្ទាល់ខ្លួនរបស់អ្នក ដែលអ្នកនឹងរស់នៅក្នុងនោះ។ ពួកគេត្រូវតែបិទវិន័យនៅតាមកន្លែងដែលអ្នកអាចមើលឃើញ ហើយសរសេរវិន័យជាភាសាដែលអ្នកយល់បាន។
អ្នកមានសិទ្ធិសម្រេចទៅលើសកម្មភាពប្រចាំថ្ងៃ។ សកម្មភាពនេះរួមបញ្ចូលទាំងពេលចូលគេង ពេលញ៉ាំ ករណីដែលមានមិត្តភក្តិមកលេង និងអ្វីដែលអ្នកធ្វើក្នុងពេលទំនេរ។ វិន័យក្នុងផ្ទះគួរតែជួយដល់អ្នករស់នៅក្នុងផ្ទះឱ្យរស់នៅជាមួយគ្នាបាន ប៉ុន្តែវិន័យទាំងនោះមិនគួរតឹងតែងពេកទេ។ វិន័យទាំងនោះមិនត្រូវរំលោភដល់សិទ្ធិណាមួយរបស់អ្នកឡើយ។ ប្រសិនបើអ្នកជឿថាមណ្ឌលដែលអ្នករស់នៅមានវិន័យមិនស្របច្បាប់នោះ សូមទូរសព្ទទៅកាន់ Disability Rights California។