STATE OF CALIFORNIA-HEALTH AND WELFARE AGENCY
DEPARTMENT OF DEVELOPMENTAL SERVICES
1600 NINTH STREET
SACRAMENTO, CA 95814
(916) 654-1958
Fax (916) 654-1913
កាលបរិច្ឆេទ៖ 8 ធ្នូ 1998
ជូនចំពោះ៖ អង្គការភាគីពាក់ព័ន្ធ (Stakeholder Organizations)
កម្មវត្ថុ៖ គោលការណ៍ណែនាំការផ្ទេររវាងមជ្ឈមណ្ឌលថ្នាក់តំបន់
ភ្ជាប់ជាមួយជាកំណែប្រែចុងក្រោយនៃគោលការណ៍ណែនាំពីការផ្ទេររវាងមជ្ឈមណ្ឌលថ្នាក់តំបន់។ បញ្ញត្តិ 4643.5 (c) នៃក្រម California Welfare and Institutions Code តម្រូវឱ្យមានការអភិវឌ្ឍន៍នៃគោលការណ៍ណែនាំបែបនេះដើម្បីជួយធានា “…ការផ្ទេរដោយរលូននៃសេវានិងការគាំពារពីមជ្ឈមណ្ឌលថ្នាក់តំបន់មួយទៅមួយទៀត … “យើងសូមអរគុណអ្នកទាំងអស់គ្នាដែលបានផ្តល់មតិយោបល់នានាអំពីពង្រៀងឯកសារទាំងបីខាងដើម។
សូមទាក់ទងបុគ្គលិករបស់ខ្ញុំឈ្មោះ Dale Sorbello តាមទូរសព្ទ 916/654-1954 ប្រសិនបើអ្នកមានសំណួរនានា។
ឯកសារភ្ជាប់
ដោយក្តីស្មោះត្រង់, EILEEN
EILEEN M. RICHEY
នាយករង
ផ្នែកសេវាសហគមន៍
គោលការណ៍ណែនាំពីការផ្ទេរអ្នកប្រើប្រាស់រវាងមជ្ឈមណ្ឌលថ្នាក់តំបន់
(4 ធ្នូ 1998)
បញ្ញត្តិ 4643.5 (c) នៃក្រម Welfare and Institutions Code (ជំពូក 294, ច្បាប់ឆ្នាំ 1997 ចូលជាធរមានថ្ងៃ 18 សីហា 1997) ចែងថា “នាយកដ្ឋាន នឹងអភិវឌ្ឍគោលការណ៍ណែនាំ ដែលរៀបរាប់ពីការទទួលខុសត្រូវនៃមជ្ឈមណ្ឌលថ្នាក់តំបន់នៅក្នុងការធានាដល់ការផ្ទេរដោយរលូននៃសេវានិងការគាំពារពីមជ្ឈមណ្ឌលមួយទៅមួយ រួមដោយមិនកំណត់មានការធ្វើផែនការមុនពេលផ្ទេរ និងដំណើរការដោះស្រាយជម្លោះដើម្បីដោះស្រាយការខ្វែងគំនិតគ្នារវាងមជ្ឈមណ្ឌលថ្នាក់តំបន់ស្តីពីការទទួលខុសត្រូវពាក់ព័ន្ធទៅនឹងការផ្ទេរសេវាគ្រប់គ្រងករណី។ ” គោលការណ៍ណែនាំខាងក្រោមតំណាងឱ្យការឆ្លើយតបរបស់នាយកដ្ឋានទៅនឹងអាណត្តិនេះ។
គោលការណ៍ណែនាំ
- ការផ្ទេរដែលមានការដែលបានធ្វើផែនការនិងសម្របសម្រួលបានល្អសម្រាប់អ្នកប្រើប្រាស់ផ្ទេរចេញរវាងតំបន់គ្របដណ្តប់ដោយមជ្ឈមណ្ឌលថ្នាក់តំបន់ជួយកាត់បន្ថយភាពតក់ស្លុត ភាពមួម៉ៅ និងការរំខាននៅក្នុងសេវានិងការគាំពារដែលអាចនឹងកើតឡើងប្រសិនបើគ្មានការធ្វើផែនការនិងការសម្របសម្រួលបែបនេះទេនោះ។ ដូច្នេះ វាជាបន្ទុកទៅលើអ្នកដែលពាក់ព័ន្ធទាំងអស់នោះនៅក្នុងដំណើរការផ្ទេរ (មជ្ឈមណ្ឌលថ្នាក់តំបន់ អ្នកប្រើប្រាស់ ក្រុមគ្រួសារ អ្នកផ្តល់សេវា ។ល។) ចំពោះការងារមានលក្ខណៈជាការសម្របសម្រួលនិងសហការគ្នានៅមុនពេល ក្នុងអំឡុងពេល នងក្រោយពេលនៃការផ្ទេរកើតឡើង។
- នៅមុន ឬ មុនការធ្វើផែនការផ្ទេរ បើអាច គឺជាមូលដ្ឋានគ្រឹះសម្រាប់ធ្វើការផ្ទេរអ្នកប្រើប្រាស់ដោយជោគជ័យរវាងតំបន់ស្ថិតក្រោមការគ្រប់គ្រងរបស់មជ្ឈមណ្ឌលថ្នាក់តំបន់។ ក្នុងករណីសមស្រប អ្នកប្រើប្រាស់ ឬ ឪពុកម្តាយ អ្នកអាណាព្យាបាលស្របច្បាប់ អ្នកថែរក្សា ឬ អ្នកតំណាងស្របច្បាប់របស់គាត់ ចាំបាច់ត្រូវផ្តល់សកម្មភាពផ្ទេរដែលបានរៀបចំទៅដល់មជ្ឈមណ្ឌលថ្នាក់តំបន់ដែលត្រូវបញ្ជូនអ្នកប្រើប្រាស់មកឱ្យបានដឹងបានឆាប់តាមដែលអាចធ្វើបាន។ ទាំងមជ្ឈមណ្ឌលថ្នាក់តំបន់ដែលត្រូវបញ្ជូននិងទទួលអ្នកប្រើប្រាស់ គួរតែទំនាក់ទំនងនងសម្របសម្រួលគ្នាទៅតាមលក្ខណៈសមស្របជាមួយនឹងអ្នកផ្តល់សេវា និងអ្នកប្រើប្រាស់/ក្រុមគ្រួសារ អំពីការរង់ចាំការផ្ទេរឱ្យបានឆាប់នៅពេលដឹងវាភ្លាម។
- នៅពេលមជ្ឈមណ្ឌលថ្នាក់តំបន់ដឹងថា អ្នកប្រើប្រាស់/ក្រុមគ្រួសារនឹងធ្វើផែនការផ្ទេរទៅកាន់មជ្ឈមណ្ឌលថ្នាក់តំបន់មួយហើយនោះ ហើយប្រសិនបើក្រុមគ្រួសារចង់ជួប មជ្ឈមណ្ឌលថ្នាក់តំបន់ដែលនឹងបញ្ជូនចេញ គួរទាក់ទងទៅកាន់មជ្ឈមណ្ឌលដែលនឹងទទួល ហើយការប្រជុំដោយផ្ទាល់ ឬ ការប្រជុំតាមទូរសព្ទគួរតែត្រូវធ្វើឡើងដើម្បីពិភាក្សាពីសេវានិងការគាំពារក្នុងអំឡុងនិងក្រោយពេលផ្ទេរ។ ការទំនាក់ទំនងក្នុងចំណោមភាគីពាក់ព័ន្ធ គួរតែធានាឱ្យមាននូវភាពច្បាស់លាស់ពីអ្នកដែលត្រូវទទួលខុសត្រូវទៅលើសកម្មភាពផ្ទេរមួយឬច្រើន អ្វីទៅដែលជាការទទួលខុសត្រូវជាក់លាក់ និងពេលវេលាសកម្មភាពផ្ទេរជាក់លាក់នឹងត្រូវធ្វើឡើង។
- ការផ្ទេររវាងមជ្ឈមណ្ឌលថ្នាក់តំបន់គួរតែត្រូវបានសម្របសម្រួលរវាងប្រធានអ្នកផ្តល់ប្រឹក្សា ឬ នៅកម្រិតប្រហាក់ប្រហែលទៅតាមភាពសំខាន់នៃការទទួលខុសត្រូវនេះ។
- ការផ្តល់សេវានិងការគាំពារទៅដល់អ្នកប្រើប្រាស់ ឬ ទៅដល់ក្រុមគ្រួសាររបស់គាត់ មិនគួរត្រូវពន្យារពេល ឬ ព្យួរទុកដោយមជ្ឈមណ្ឌលថ្នាក់ណាមួយរង់ចាំការផ្ទេរផ្នែករដ្ឋបាលនៃករណីឡើយ។
- មជ្ឈមណ្ឌលថ្នាក់តំបន់ដែលជាអ្នកផ្ញើ គួរតែរក្សាការគ្រប់គ្រងករណីហើយការទទួលខុសត្រូវតាមប្រតិទិនសម្រាប់អតិថិជនរហូតដល់ពេលដែលមជ្ឈមណ្ឌលថ្នាក់តំបន់ដែលជាអ្នកទទួលបានចាប់ផ្តើមចូលជាធរមាននូវការទទួលខុសត្រូវនោះ។ មជ្ឈមណ្ឌលថ្នាក់តំបន់ដែលជាអ្នកទទួលគួរតែត្រូវកំណត់ឱ្យ “ចាប់ផ្តើមជាធរមាន” នូវការទទួលខុសត្រូវនៅពេលរកបានអ្នកសម្របសម្រួលសេវាថ្មី ផែនការកម្មវិធីជាលក្ខណៈបុគ្គល (IPP) ថ្មី ឬត្រូវបានកែសម្រួលឡើងវិញ ឬ ផែនការសេវាគ្រួសារជាលក្ខណៈបុគ្គល (IFSP) ត្រូវបានអភិវឌ្ឍឡើង និងអ្នកប្រើប្រាស់នឹងទទួលបានសេវានិងការគាំពារដូចមានរាយនៅក្នុង IPP ឬ IFSP ថ្មី ឬត្រូវបានកែសម្រួលនោះ។
- អ្នកប្រើប្រាស់ដែលនឹងផ្ទេរចូលក្នុងតំបន់ក្រោមការគ្រប់គ្រងរបស់ មជ្ឈមណ្ឌលថ្នាក់តំបន់ថ្មី គួរតែមានឱកាសទទួលបានសេវានិងការគាំពារដូចគ្នាទៅនឹងអ្នកប្រើប្រាស់ដែលមានស្រាប់ដែរ។ មជ្ឈមណ្ឌលថ្នាក់តំបន់ដែលជាអ្នកផ្ទេរ និងទទួល គួរតែប្រឹងប្រែងឱ្យអស់លទ្ធភាពដើម្បីធានាថា មជ្ឈមណ្ឌលថ្នាក់តំបន់ទាំងពីរមានថិវិកា ហើយសេវាទូទៅទាំងឡាយត្រូវបានផ្តល់ដោយពុំមានចន្លោះ ឬ ការយឺតយ៉ាវឡើយ។
- នៅពេលមានការមិនឯកភាពគ្នារវាងមជ្ឈមណ្ឌលថ្នាក់តំបន់ទៅលើការផ្ទេរករណី មជ្ឈមណ្ឌលថ្នាក់តំបន់ដែលជាអ្នកផ្ទេរគួរតែរក្សាការគ្រប់គ្រងករណី ហើយបន្តការទទួលខុសត្រូវរហូតដល់ពេលវេលាដែលបញ្ហាត្រូវបានដោះស្រាយចប់។ គ្មានពេលណាដែលអ្នកមិនគួរទទួលបានសេវាកម្មដោយសារតែជម្លោះរវាងមជ្ឈមណ្ដលថ្នាក់តំបន់ឡើយ។
- មជ្ឈមណ្ឌលថ្នាក់តំបន់ត្រូវតែធានាថាគោលនយោបាយនងិការអនុវត្តរបស់ខ្លួនស្របទៅតាមបញ្ញត្តិនៃច្បាប់ដែលអាចនឹងពាក់ព័ន្ធដល់សកម្មភាពផ្ទេរអ្នកប្រើប្រាស់។ មួយចំនួននៃបញ្ញត្តិទាំងនេះរួមបញ្ចូលដោយមិនកំណត់មានដូចតទៅ៖ ក្រមស្តីពីសុខុមាលភាព និងស្ថាប័ន § § 4418.3. 4519, 4643.5, 4646.5 (a)(4), 4648 (a)(I0), 4652, 4805, 5008 (d), 42 CFR §§ 482.61 (e), 482.62 (a)(4), និង 482.62 (f)(2).
ដំណើការដោះស្រាយជម្លោះ
នីតិវិធីទាំងឡាយដូចខាងក្រោមត្រូវបានណែនាំនៅក្នុងករណីមានជម្លោះទាក់ទងនឹងការផ្ទេរអ្នកប្រើប្រាស់ ឬ ថវិកាពីមជ្ឈមណ្ឌលថ្នាក់តំបន់មួយទៅមួយទៀត។
- មជ្ឈមណ្ឌលថ្នាក់តំបន់គួរព្យាយាមដោះស្រាយជម្លោះការផ្ទេរទាំងអស់នៅតាមថ្នាក់មូលដ្ឋាន។
- ប្រសិនបើដំណោះស្រាយមិនអាចទទួលបានទេ ទាំងមជ្ឈមណ្ឌលថ្នាក់តំបន់ ឬ អ្នកប្រើប្រាស់ ឬ តំណាងស្របច្បាប់របស់អ្នកប្រើប្រាស់ អាចនឹងស្នើសុំឱ្យនាយករងនៃផ្នែកសេវាសហគមន៍របស់នាយកដ្ឋានសេវាអភិវឌ្ឍន៍ការលូតលាស់ ឱ្យពិនិត្យឡើងវិញទៅលើករណីនិងដើម្បីផ្តល់ការសម្រេច។
- សំណើទៅកាន់នាយកដ្ឋានឱ្យធ្វើការស៊ើបអង្កេតគួរត្រូវដាក់បញ្ជូនជាលាយលក្ខណ៍អក្សរ។ លិខិតនេះមួយច្បាប់គួរត្រូវផ្តល់ទៅកាន់មជ្ឈមណ្ឌលថ្នាក់តំបន់មួយទៀត ឬ ទៅមជ្ឈមណ្ឌលថ្នាក់តំបន់ទាំងពីរនៅពេលដែលសំណើសុំពិនិត្យករណីឡើងវិញត្រូវបានស្នើឡើងដោយអ្នកបកប្រើប្រាស់ ឬ ដោយតំណាងស្របច្បាប់ និងទៅកាន់ភាគីពាក់ព័ន្ធទាំងឡាយផ្សេងទៀត។
- មជ្ឈមណ្ឌលថ្នាក់តំបន់ដែលពាក់ព័ន្ធ គួរផ្តល់ដល់នាយកដ្ឋាននូវការពន្យល់ជាលាយលក្ខណ៍អក្សរពីជំហររបស់ពួកគេក្នុងរយៈពេលប្រាំថ្ងៃនៃធ្វើការ។ ការពន្យល់ជាលាយលក្ខណ៍អក្សរត្រូវដាក់បញ្ជូនជាអេឡិចត្រូនិក។ នាយកដ្ឋានអាចនឹងស្នើសុំព័ត៌មានបន្ថែមតាមការចាំបាច់។ នាយកដ្ឋានអាចនឹងផ្តួចផ្តើមឡើងនូវការប្រជុំតាមទូរសព្ទជាមួយនឹងមជ្ឈមណ្ឌលថ្នាក់តំបន់ដែលពាក់ព័ន្ធខាងលើ ឬ បន្ថែមលើការទទួលបានព័ត៌មានជាលាយលក្ខណ៍អក្សរ។
- នាយករង ឬ អ្នកតំណាងរបស់គាត់ នឹងផ្តល់មិតិយោបល់ជាលាយលក្ខណ៍អក្សរអំពីករណីផ្ទេរដែលមានជម្លោះ និង/ឬ ថវិកាក្នុងរយៈពេល 30ថ្ងៃក្រោមទទួលបានព័ត៌មានដែលត្រូវការទាំងអស់ពីភាគីពាក់អស់ដើម្បីផ្តល់ការសម្រេច។ ការសម្រេចរបស់នាយករងនឹងត្រូវកំណត់ដល់មជ្ឈមណ្ឌលដែលពាក់ព័ន្ធទៅតាមកម្រិតនៃបញ្ហាដែលមានជម្លោះចូលរួមជម្រុញការអនុវត្តច្បាប់ដែលមាន ឬ បទបញ្ញត្តិនៅក្នុងកិច្ចសន្យារបស់នាយកដ្ឋានជាមួយនឹងមជ្ឈមណ្ឌលថ្នាក់តំបន់។
ពុំមានអ្វីនៅក្នុងដំណើរការដោះស្រាយជម្លោះជំនួសឱ្យ ឬ ជំនួសបានសម្រាប់ដំណើរការបណ្តឹងដែលមានចែងនៅក្នុងក្រម Welfare and Institutions Code§ 4731 ចំពោះដំណើរការសវនាការយុត្តិធម៌ដល់អ្នកប្រើប្រាស់អនុលោមទៅតាមក្រម Welfare and Institutions Code§ 4700 et seq។