បោះពុម្ពជំពូកទី 10 ទាំងមូលពីទីនេះ។
សូមចំណាំ:ឯកសារនេះមានរហូតដល់ថ្ងៃដែលវាត្រូវបានបោះពុម្ពប៉ុណ្ណោះ។
បោះពុម្ពលើ៖ 10/08/2024
សូមយោងទៅកំណែអ៊ីនធឺណិតជានិច្ចសម្រាប់ព័ត៌មានថ្មីៗបំផុតបច្ចុប្បន្ន។
សូមចំណាំ:
ឯកសារនេះមានរហូតដល់ថ្ងៃដែលវាត្រូវបានបោះពុម្ពប៉ុណ្ណោះ។
ឯកសារនេះមានរហូតដល់ថ្ងៃដែលវាត្រូវបានបោះពុម្ពប៉ុណ្ណោះ។
បោះពុម្ពលើ៖ 10/08/2024
សូមយោងទៅកំណែអ៊ីនធឺណិតជានិច្ចសម្រាប់ព័ត៌មានថ្មីៗបំផុតបច្ចុប្បន្ន។
អ្នកអាចស្វែងរកកំណែអនឡាញនៅ៖
https://rula.disabilityrightsca.org/km/
ជំពូក 10៖ បណ្តឹងជំទាស់ និង បណ្តឹង៖ ការមិនយល់ស្របជាមួយនឹងមជ្ឈមណ្ឌលថ្នាក់តំបន់ មជ្ឈមណ្ឌលអភិវឌ្ឍន៍ការរីកលូតលាស់ ឬ អ្នកផ្តល់សេវាកម្ម
(10.1) តើអ្វីទៅជាដំណើរការប្តឹងជំទាស់និងបន្ទាត់ពេលរបស់ខ្ញុំដើម្បីប្តឹងជំទាស់?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
ប្រសិនបើអ្នកមិនយល់ស្របជាមួយនឹងការសម្រេចចិត្តរបស់មជ្ឈមណ្ឌលក្នុងតំបន់ទេនោះ អ្នកអាចសុំឱ្យពួកគេប្តូរវាបាន។ នេះហៅថា ការប្តឹងជំទាស់។ [[§§ 4710.5(a), 4710. សេចក្តីយោងទាំងអស់នៅក្នុងសៀវភៅណែនាំ គឺផ្អែកទៅលើច្បាប់ Lanterman Act លើកលែងមានចែងផ្សេងពីនេះ។ និម្មិតសញ្ញា § មានន័យថា “បទបញ្ញតិ្ត”]] មានកាលបរិច្ឆេទកំណត់សម្រាប់គ្រប់ជំហាននីមួយៗនៃដំណើរការបណ្តឹងជំទាស់។ ប្រសិនបើមជ្ឈមណ្ឌលក្នុងតំបន់ប្រាប់អ្នកថា គេនឹងបញ្ឈប់ ឬ ផ្លាស់ប្តូរសេវាកម្មដែលអ្នកកំពុងតែទទួលបាននោះ អ្នកមានរយៈពេល 10 ថ្ងៃ ដើម្បីប្តឹងជំទាស់ប្រសិនបើអ្នកត្រូវការសេវាកម្មឱ្យបន្តរហូតដល់ពេលបណ្តឹងជំទាស់របស់អ្នកត្រូវបានសម្រេច។ [[§ 4710.5(a).]] នេះហៅថា “ការរង់ចាំជំនួយដែលបានបង់ប្រាក់រួច”។
ប្រសិនបើអ្នករង់ចាំច្រើនជាង 10 ថ្ងៃ អ្នកនៅតែអាចដាក់បណ្តឹងជំទាស់បាន និងទទួលបានសវនាការមួយដោយយុត្តិធម៌។ ប៉ុន្តែ សេវាកម្មនឹងត្រូវបញ្ឈប់ ឬ ផ្លាស់ប្តូរក្នុងអំឡុងបណ្តឹងជំទាស់របស់អ្នក។ អ្នកត្រូវតែប្តឹងជំទាស់ក្នុងរយៈពេល 30 ថ្ងៃ [[§ 4710.5(a).]] ដើម្បីទទួលបានការប្រជុំក្រៅផ្លូវការ ការសម្របសម្រួល ឬការធ្វើសវនាការ។
ចុច ទីនេះ សម្រាប់ទម្រង់បែប “សំណើសុំសវនាការដោយយុត្តិធម៌” ពីគេហទំព័រ DDS។ [[អ្នកអាចស្វែងរកទម្រង់បែបបទ DDS ទាំងអស់នៅលើគេហទំព័ររបស់ខ្លួន៖ https://www.dds.ca.gov/transparency/dds-forms/។ នេះរួមទាំងទម្រង់បែបបទសវនាការ និងបណ្តឹងជំទាស់។ នៅពេលអ្នកស្ថិតនៅលើទំព័រទម្រង់បែបបទ សូមប្រើប្រអប់ស្វែងរកដើម្បីវាយបញ្ចូលពាក្យ “យុត្តិធម៌” ហើយពេលនោះមានទម្រង់បែបបទចំនួន 3 បង្ហាញឡើង – សំណើសុំសវនាការដោយយុត្តិធម៌, សេចក្តីជូនដំណឹងពីដំណោះស្រាយ និងការជូនដំណឹងអំពីសកម្មភាពដែលបានស្នើសុំ។ ឯកសារទាំងនេះក៏មានជាភាសាអេស្ប៉ាញផងដែរ។]]
អ្នកអាចប្តឹងជំទាស់បានប្រសិនបើមជ្ឈមណ្ឌលក្នុងតំបន់របស់អ្នកនិយាយថា៖
- អ្នកមិនមានពិការភាពផ្នែកការលូតលាស់ និងមិនមានសិទ្ធិទទួលបានសេវាកម្មពីមជ្ឈមណ្ឌលក្នុងតំបន់ (“ករណីមានសិទ្ធិទទួលបាន”)
- អ្នកមានសិទ្ធិទទួលបាន និងលែងមានសិទ្ធិទទួលបានសេវាកម្ម (“ករណីលុបចោល”)
- វាចង់កាត់បន្ថយ ឬ បញ្ឈប់សេវាកម្មនៅក្នុងផែនការ IPP របស់អ្នក
- វាមិនអនុញ្ញាតឱ្យអ្នកទទួលបានសេវាកម្មដែលអ្នកត្រូវការនោះទេ
ដើម្បីប្តឹងជំទាស់បាន អ្នកត្រូវអនុវត្តទៅតាមវិធានជាក់លាក់ដូចខាងក្រោម។ ជំពូកនេះនិយាយអំពីបណ្តឹងជំទាស់ចំពោះមជ្ឈមណ្ឌលក្នុងតំបន់។ វិធានសម្រាប់បណ្តឹងជំទាស់សម្រាប់អ្នកដែលរស់នៅក្នុងមជ្ឈមណ្ឌលដែលដំណើរការដោយនាយកដ្ឋានសេវាផ្នែកលូតលាស់ គឺដូចគ្នា។ មានតែមជ្ឈមណ្ឌលមួយចំនួនប៉ុណ្ណោះក្នុងចំណោមមជ្ឈមណ្ឌលទាំងនេះដែលស្ថិតនៅក្នុងរដ្ឋកាលីហ្វ័រញ៉ា។ មានមជ្ឈមណ្ឌលផ្នែកលូតលាស់ Porterville មជ្ឈមណ្ឌលសហគមន៍ Canyon Springs, North STAR, Central STAR, និង South STAR។
ចំណុចសំខាន់៖ កាលកំណត់បណ្តឹងជំទាស់របស់អ្នក នឹងផ្លាស់ប្តូរនៅថ្ងៃទី1 ខែមីនា ឆ្នាំ2023។
- ប្រសិនបើមជ្ឈមណ្ឌលក្នុងតំបន់ប្រាប់អ្នកថា គេនឹងបញ្ឈប់ ឬ ផ្លាស់ប្តូរសេវាកម្មដែលអ្នកកំពុងតែទទួលបាននោះ អ្នកនឹងមានរយៈពេល 30 ថ្ងៃ ដើម្បីប្តឹងជំទាស់ ប្រសិនបើអ្នកត្រូវការសេវាកម្មឱ្យបន្តរហូតដល់ពេលបណ្តឹងជំទាស់របស់អ្នកត្រូវបានសម្រេច។
- អ្នកត្រូវតែប្តឹងជំទាស់ក្នុងរយៈពេល 60 ថ្ងៃ ដើម្បីទទួលបានការប្រជុំក្រៅផ្លូវការ ការសម្របសម្រួល ឬការធ្វើសវនាការ។
- ទម្រង់បែបបទ DDS ក៏អាចផ្លាស់ប្តូរផងដែរ បន្ទាប់ពីថ្ងៃទី1 ខែមីនា ឆ្នាំ2023។ សូមគូសធីកលើគេហទំព័រ DDS ដើម្បីទទួលបានព័ត៌មានថ្មីៗ។ នេះគឺជាតំណភ្ជាប់ទៅកាន់គេហទំព័ររបស់ DDS ស្ដីពីដំណើរការបណ្តឹងជំទាស់៖ https://www.dds.ca.gov/general/appeals-complaints-comments/fair-hearings-complaint-process/
(10.2) តើអ្វីទៅដែលមជ្ឈមណ្ឌលក្នុងតំបន់ត្រូវធ្វើដើម្បីប្តូរសេវាកម្មរបស់ខ្ញុំ?
ប្រសិនបើមជ្ឈមណ្ឌលក្នុងតំបន់របស់អ្នកចង់ផ្លាស់ប្តូរសេវាកម្មរបស់អ្នក មជ្ឈមណ្ឌលត្រូវតែ៖
- បានរៀបចំការប្រជុំ IPP និងឈានទៅដល់ការឯកភាពគ្នាជាមួយអ្នកអំពីការផ្លាស់ប្តូរ ឬ
- ផ្តល់ជូនអ្នកនូវសេចក្តីជូនដំណឹងជាលាយលក្ខណ៍អក្សរ។
មជ្ឈមណ្ឌលក្នុងតំបន់មួយចំនួនទូរស័ព្ទមករកអ្នក ហើយចាត់ទុកវាជាការប្រជុំ IPP ដើម្បីប្តូរសេវាកម្ម IPP របស់អ្នក។ អ្នកមិនចាំបាច់យល់ស្របទៅគ្រប់អ្វីៗទាំងអស់តាមទូរស័ព្ទទេ។ អ្នកអាចទទូចឱ្យទទួលបានការផ្លាស់ប្តូរធ្វើឡើងជាលាយលក្ខណ៍អក្សរ ឬ ការប្រជុំ IPP ផ្ទាល់ជាផ្លូវការបាន។ នៅឯកិច្ចប្រជុំ IPP សូមសួរពីមូលហេតុដែលវាចង់ផ្លាស់ប្តូរសេវាកម្មរបស់អ្នក។ ប្រសិនបើអ្នកមិនយល់ព្រមទេ មជ្ឈមណ្ឌលថ្នាក់តំបន់ត្រូវផ្ញើព័ត៌មានដល់អ្នកពីរបៀបដែលអ្នកអាចប្តឹងជំទាស់បាន។
(10.3) នៅពេលណាដែលមជ្ឈមណ្ឌលក្នុងតំបន់ត្រូវផ្តល់នូវការជូនដំណឹងដល់អ្នក?
ប្រសិនបើអ្នក និងមជ្ឈមណ្ឌលក្នុងតំបន់របស់អ្នកឯកភាពបញ្ចប់សេវាកម្ម មជ្ឈមណ្ឌលក្នុងតំបន់មិនត្រូវផ្តល់ការជូនដំណឹងដល់អ្នកជាលាយលក្ខណ៍អក្សរទេ។ ការយល់ព្រមមានន័យថា អ្នកចុះហត្ថលេខាលើ IPP ឬឯកសារជាលាយលក្ខណ៍អក្សរដែលចែងថា អ្នកយល់ស្របជាមួយនឹងការសម្រេចចិត្តរបស់មជ្ឈមណ្ឌលក្នុងតំបន់ដើម្បីផ្លាស់ប្តូរ បដិសេធ និងបញ្ចប់សេវាកម្ម។ [[§ 4701(k).]] ប្រសិនបើមិនមាន IPP ឬឯកសារជាលាយលក្ខណ៍អក្សរដែលត្រូវបានចុះហត្ថលេខាទេ ប៉ុន្តែមជ្ឈមណ្ឌលក្នុងតំបន់ជឿថាអ្នកយល់ព្រមនឹងការសម្រេចចិត្តរបស់ខ្លួន ពួកគេត្រូវតែផ្ញើលិខិតមួយច្បាប់ជូនអ្នកដោយពន្យល់ពីការសម្រេចចិត្តរបស់ខ្លួន មូលហេតុដែលវាជឿថាអ្នកយល់ព្រមនឹងការសម្រេចចិត្តរបស់ខ្លួន និងផ្តល់ឱ្យអ្នកនូវព័ត៌មានអំពីសិទ្ធិរបស់អ្នកក្នុងការធ្វើជំទាស់លើការសម្រេចចិត្ត។ [[§ 4701(k).]]
មជ្ឈមណ្ឌលក្នុងតំបន់ត្រូវតែផ្តល់ឱ្យអ្នកនូវការជូនដំណឹងជាលាយលក្ខណ៍អក្សរ ប្រសិនបើអ្នកមិនយល់ព្រមជាមួយនឹងការសម្រេចចិត្តដែលមជ្ឈមណ្ឌលក្នុងតំបន់ធ្វើឡើង រួមទាំងករណីដែល៖
- អ្នកស្នើសុំសេវាកម្មពីមជ្ឈមណ្ឌលក្នុងតំបន់ ហើយពួកគេនិយាយថាអ្នកមិនមានពិការភាពផ្នែកការលូតលាស់ និងមិនមានសិទ្ធិទទួលបានសេវាកម្មនោះទេ។[[§ 4710I.]]
- អ្នកកំពុងតែទទួលបានសេវាកម្មពីមជ្ឈមណ្ឌលក្នុងតំបន់ ហើយពួកគេសម្រេចថាអ្នកលែងមានសិទ្ធិទទួលបានសេវាកម្មតទៅទៀតហើយ។ [[§ 4710(a)(2).]]
- មជ្ឈមណ្ឌលក្នុងតំបន់និយាយថា មជ្ឈមណ្ឌលនឹងមិនផ្តល់សេវាកម្មដែលអ្នកស្នើសុំទេ។ [[§ 4710(b).]] (ពួកគេមានរយៈពេលចំនួន 5 ថ្ងៃ បន្ទាប់ពីថ្ងៃធ្វើការ ដើម្បីផ្ញើឱ្យអ្នកនូវសេចក្តីជូនជំណឹងតាមប្រអប់ដែលត្រូវបញ្ជាក់ពីអ្នកទទួល) [[§ 4710(b).]]
- មជ្ឈមណ្ឌលក្នុងតំបន់ចង់បញ្ឈប់ ឬ ផ្លាស់ប្តូរសេវាកម្មនៅក្នុងផែនការ IPP ហើយអ្នកមិនយល់ស្របតាមទេ។ [[§ 4710(a)(1).]] មជ្ឈមណ្ឌលក្នុងតំបន់ត្រូវតែផ្តល់ជូនអ្នកនូវការជូនដំណឹងយ៉ាងហោចណាស់ក្នុងរយៈពេល 30 ថ្ងៃ មុនពេលដែលពួកគេប្តូរសេវាកម្មរបស់អ្នកនៅក្នុងកម្មវិធី IPP របស់អ្នក។ [[§ 4710(a)(1)។ មើលករណីលើកលែងចំពោះការជូនដំណឹងពីលក្ខខណ្ឌតម្រូវខាងក្រោមសម្រាប់ការលើកលែងនានានៅក្នុងវិធាននេះ។ ]]
- មជ្ឈមណ្ឌលក្នុងតំបន់និយាយថា ខ្លួនមិនមានប្រាក់ដើម្បីផ្តល់សេវាកម្មឱ្យអ្នកទេ។ [[§ 4710(c).]]
- អ្នកមិនយល់ស្របទៅលើផែនការ IPP របស់អ្នកទាំងស្រុង ឬ ដោយអន្លឺឡើយ។ [[§ 4646(i).]]
វាខុសទៅនឹងច្បាប់ដែលមជ្ឈមណ្ឌលក្នុងតំបន់បដិសេធ ឬ ផ្លាស់ប្តូរសេវាកម្មដោយពុំផ្តល់ការជូនដំណឹងជាលាយលក្ខណ៍អក្សរដល់អ្នក។ សុំឱ្យមជ្ឈមណ្ឌលក្នុងតំបន់ផ្ញើការជូនដំណឹងជាលាយលក្ខណ៍អក្សរដល់អ្នក។ អ្នកអាចប្តឹងជំទាស់បានសូម្បីតែមជ្ឈមណ្ឌលក្នុងតំបន់បដិសេធមិនផ្ញើការជូនដំណឹងឱ្យអ្នកក៏ដោយ។ សូមមើលសំណួរទាំងឡាយស្តីពីការប្តឹងជំទាស់ដោយពុំមានការជូនដំណឹង ឬ បណ្តឹងជំទាស់យឺតយ៉ាវ។ អ្នកក៏អាចដាក់ពាក្យបណ្តឹង (ហៅថាបណ្តឹងតាមបទបញ្ញត្តិ 4731) ជាមួយនឹងមជ្ឈមណ្ឌលក្នុងតំបន់បានផងដែរ។ [[ការដាក់ពាក្យបណ្តឹងឱ្យបានទាន់ពេលមានសារៈសំខាន់ជាង។ ដាក់បណ្តឹងតាមបទបញ្ញត្តិ 4731 ជាមួយនឹងសវនាការបណ្តឹងជំទាស់ដោយយុត្តិធម៌របស់អ្នក ប្រសិនបើអ្នកមានពេលវេលាគ្រប់គ្រាន់។ ]] សូមមើលបទបញ្ញត្តិស្តីពីបណ្តឹងលេខ 4731។ ប្រសិនបើអ្នករស់នៅក្នុងមជ្ឈមណ្ឌលដែលរដ្ឋគ្រប់គ្រង សូមជូនដំណឹងទៅកាន់នាយកមជ្ឈមណ្ឌល។ [[§ 4731(b).]]
សូមមើល ឯកសារបន្ថែម O សម្រាប់គំរូបណ្តឹងលេខ 4731។
សូមចុច ទីនេះ សម្រាប់ទម្រង់បែបបទ “ការជូនដំណឹងពីសកម្មភាពដែលបានស្នើសុំ”។ [[អ្នកអាចឃើញ និងព្រីនចេញបាននូវទម្រង់បែបបទ DDS តាមអនឡាញនៅលើ៖ https://www.dds.ca.gov/transparency/dds-forms/ ]]
(10.4) ខ្ញុំមានពេលវេលាមានកំណត់ស្តីពីសេវាកម្មផែនការ IPP របស់ខ្ញុំ។ តើខ្ញុំអាចបន្តប្តឹងជំទាស់បានទេ នៅពេលចប់សេវា?
បាន/ចាស។ សេវាកម្មទាំងអស់នៅក្នុងផែនាការ IPP គួរតែត្រូវពិនិត្យឡើងវិញពីពេលមួយទៅពេលមួយ។ [[§ 4646.5(a)(6).]] អ្នកនិងមជ្ឈមណ្ឌលក្នុងតំបន់របស់អ្នកត្រូវតែពិនិត្យឡើងវិញទៅលើតម្រូវការសេវាកម្មរបស់អ្នកទៅតាមពេលវេលាកំណត់តាមកាលវិភាគ។ នេះមិនមែនមានន័យថាសេវាកម្មរបស់អ្នក “ផុតកាលបរិច្ឆេទកំណត់”នោះទេ។ មជ្ឈមណ្ឌលក្នុងតំបន់មួយចំនួនកម្រិតទៅលើពេលវេលានៅក្នុងកម្មវិធី IPP របស់អ្នក ហើយបញ្ឈប់សេវាកម្មនៅចំថ្ងៃនោះដោយពុំមានការជូនដំណឹង។ ករណីនេះរំលោភទៅលើសិទ្ធិរបស់អ្នកក្នុងការជូនដំណឹង និងការប្តឹងជំទាស់។
មជ្ឈមណ្ឌលក្នុងតំបន់មួយចំនួនកំណត់ពេលវេលាលើសេវាកម្មនៅក្នុងទម្រង់ដែលមានឈ្មោះថា “ការអនុញ្ញាតដល់ការទិញសេវាកម្ម។” នេះជាឯកសារផ្ទៃក្នុង។ វាពុំមានការគ្រប់គ្រងទៅលើសេវាកម្មដែលអ្នកមានសិទ្ធិទទួលបាននោះទេ។
សូមកុំយល់ស្របទៅលើពេលវេលាកំណត់នៅក្នុងកម្មវិធី IPP របស់អ្នក។ ប្រសិនបើមានកាលបរិច្ឆេទផុតកំណត់នៅក្នុងកម្មវិធី IPP របស់អ្នក ដែលមិនត្រូវបានផ្តល់ដំណឹងនោះ។ មជ្ឈមណ្ឌលក្នុងតំបន់មិនអាចបញ្ឈប់ ឬ ប្តូរសេវាកម្មដោយពុំផ្តល់ដំណឹងពីសកម្មភាពត្រូវធ្វើ ដែលប្រាប់អ្នកអំពីសិទ្ធិរបស់អ្នកត្រូវប្តឹងជំទាស់នោះទេ។ [[ចៅក្រមនីតិរដ្ឋបាលម្នាក់និយាយថា “មជ្ឈមណ្ឌលក្នុងតំបន់មិនអាចបញ្ជៀសលក្ខខណ្ឌតម្រូវដែល ‘សេវាកម្មដែលកំពុងផ្តល់ឱ្យស្របទៅតាមផែនការកម្មវិធីជាលក្ខណៈបុគ្គលរបស់អ្នកដែលទទួលបាននោះ នឹងត្រូវបន្តក្នុងអំឡុងពេលនៃនីតិវិធីបណ្តឹងជំទាស់។’ ការណ៍ដែលកម្មវិធី IPP បង្ហាញពីរយៈពេលមានកំណត់ក្នុងអំឡុងពេលដែលមជ្ឈមណ្ឌលក្នុងតំបន់បានយល់ព្រមផ្តល់សេវាកម្មមិនផ្លាស់ប្តូរ ‘ត្រូវបានផ្តល់ស្របទៅនឹង… ផែនការកម្មវិធីជាលក្ខណៈបុគ្គលរបស់អ្នកទទួល។’ ការកំណត់ដែលស្តែងឡើងអាចនាំទៅដល់ការពិនិត្យឡើងវិញជាទៀងទាត់ ឬ ទាន់ពេល ថាតើអ្នកប្រើប្រាស់មានសិទ្ធិទទួលបានការបន្តសេវាកម្មដែរឬទេ ប៉ុន្តែវាមិនអាចមិនផ្តល់សុពលភាពលក្ខខណ្ឌតម្រូវជំនួយដែលនៅកំពុងរង់ចាំការទូទាត់បានទេ។ នៅពេលអ្នកប្រើប្រាស់ប្តឹងជំទាស់ទៅនឹងការកាត់ ឬ ការផ្លាស់ប្តូរសេវាកម្ម លក្ខខណ្ឌតម្រូវរង់ចាំការទូទាត់តម្រូវឱ្យអ្នកប្រើប្រាស់បន្តទទួលបានសេវាកម្មដែលកំពុងរង់ចាំដំណោះស្រាយទៅលើបញ្ហា។” សូមមើលករណី OAH Case លេខ៖ N-2005090555, ទំព័រទី 8។ ការសម្រេចរបស់សវនាការនីតិរដ្ឋបាលអាចមានលក្ខណៈជាការសម្រុះសម្រួល បើទោះបីជាចៅក្រមផ្សេងទៀតមិនត្រូវអនុវត្តតាមការសម្រេចទាំងនោះក៏ដោយ។]]
អ្នកត្រូវតែមានការប្រជុំកម្មវិធី IPP មួយនៅមុនពេលដែលកម្មវិធី IPP បច្ចុប្បន្នរបស់អ្នកផុតកាលបរិច្ឆេទ ដើម្បីពិភាក្សាទៅលើសេវារបស់អ្នក។ ការប្រជុំកម្មវិធី IPP ត្រូវធ្វើឡើងឱ្យបានឆាប់គ្រប់គ្រាន់ ដើម្បីឱ្យមជ្ឈមណ្ឌលក្នុងតំបន់អាចផ្ញើសេចក្តីជូនដំណឹងយ៉ាងហោចណាស់ក្នុងរយៈពេល 30 ថ្ងៃ មុននឹងវាចង់កែប្រែសេវាកម្ម។ [[§ 4710.]]
តាមដានទៅលើកម្មវិធី IPP និងសេវាកម្មរបស់អ្នក។ សុំឱ្យមជ្ឈមណ្ឌលក្នុងតំបន់រៀបចំការប្រជុំដើម្បីពិភាក្សាពីសេវាកម្មដែលអ្នកនៅតែត្រូវការនៅក្នុងកម្មវិធី IPP។ ប្រសិនបើអ្នកមិនអាចឯកភាពនៅក្នុងកិច្ចប្រជុំ IPP បានទេ មជ្ឈមណ្ឌលក្នុងតំបន់ត្រូវផ្តល់ការជូនដំណឹងដល់អ្នកជាលាយលក្ខណ៍អក្សរ។ ក្រោយពីអ្នកទទួលបានការជូនដំណឹងហើយ អ្នកមានពេល 10 ថ្ងៃ ដើម្បីសុំប្តឹងជំទាស់ ក្នុងករណីដែលអ្នកចង់រក្សាទុកសេវាកម្មដែលអ្នកកំពុងទទួលបានរហូតដល់បណ្តឹងជំទាស់ត្រូវបានបញ្ចប់។ [[§ 4715.]]
ប្រសិនបើអ្នកឯកភាពបញ្ចប់សេវាកម្ម មជ្ឈមណ្ឌលក្នុងតំបន់មិនត្រូវផ្តល់ការជូនដំណឹងដល់អ្នកជាលាយលក្ខណ៍អក្សរទេ។
(10.5) អ្វីទៅជា “ការជូនដំណឹងជាលាយលក្ខណ៍អក្សរ?”
សម្រាប់ការជូនដំណឹងត្រូវអនុវត្តន៍ (NOA) មានលក្ខណៈពេញលេញ ឯកសារនោះត្រូវប្រាប់អ្នកឱ្យបានដឹងអំពីអ្វីដែលមជ្ឈមណ្ឌលក្នុងតំបន់មានគម្រោងធ្វើ និងមានច្បាប់អ្វីខ្លះដែលអនុញ្ញាតឱ្យពួកគេធ្វើបែបនោះបាន។ ករណីនេះជួយដល់អ្នកឱ្យសម្រេចថាតើអ្នកគួរតែប្តឹងជំទាស់ដែរឬទេ ហើយវាជួយដល់អ្នករៀបចំសម្រាប់សវនាការរបស់អ្នក។ ការជូនដំណឹងរបស់មជ្ឈមណ្ឌលក្នុងតំបន់ត្រូវតែច្បាស់ និងជាភាសាដែលអ្នកអាចយល់បាន។
ការជូនដំណឹងនេះត្រូវរៀបរាប់អំពី៖
- អ្វីដែលមជ្ឈមណ្ឌលក្នុងតំបន់
- ត្រូវធ្វើ មូលហេតុដែលពួកគេនឹងធ្វើវា។
- ពេលវេលាដែលពួកគេនឹងធ្វើវា។
- ច្បាប់ វិធាន និងគោលនយោបាយ
- ដែលអនុញ្ញាតឱ្យពួកគេធ្វើវា មធ្យោបាយនិងទីកន្លែងដែលត្រូវដាក់ពាក្យប្តឹងជំទាស់
- កាលបរិច្ឆេទកំណត់សម្រាប់ការដាក់ពាក្យប្តឹងជំទាស់។
- ព័ត៌មានអំពីអ្វីដែលកើតមាននៅក្នុងដំណើរការបណ្តឹងជំទាស់។
- របៀបត្រួតពិនិត្យកំណត់ត្រាមជ្ឈមណ្ឌលក្នុងតំបន់របស់អ្នក ដើម្បីជួយរៀបចំ
- សំណុំរឿងរបស់អ្នក និងកន្លែងដែលទទួលបានជំនួយក្នុងការតស៊ូមតិ។
(10.6) តើត្រូវធ្វើដូចម្តេចប្រសិនបើមានអ្វីមិនត្រឹមត្រូវជាមួយនឹងការជូនដំណឹង?
បញ្ហាលើការជូនដំណឹងគឺជារឿងធម្មតា។ ពេលខ្លះមជ្ឈមណ្ឌលក្នុងតំបន់ប្រាប់ដល់អ្នកថា ពួកគេបានសម្រេចចិត្តផ្តាស់ប្តូរសេវាកម្មហើយ ប៉ុន្តែមិនបានផ្ញើការជូនដំណឹងជាលាយលក្ខណ៍អក្សរដល់អ្នកនោះទេ។ ពេលខ្លះ ការជូនដំណឹងជាលាយលក្ខណ៍អក្សរដែលពួកគេផ្ញើមកនោះមិនមានលក្ខណៈពេញលេញទេ។
នេះជាឧទាហរណ៍មួយនៃលិខិតជូនដំណឹងមិនមានលក្ខណៈពេញលេញ៖
“អ្នកត្រូវបានកំណត់ថាមិនមានលក្ខណៈសម្បត្តិគ្រប់គ្រាន់សម្រាប់មជ្ឈមណ្ឌលក្នុងតំបន់ពីព្រោះតែអ្នកមិនមានពិការភាពផ្នែកការលូតលាស់ដូចអ្វីដែលត្រូវបានកំណត់នៅក្នុងក្រមសុខុមាលភាពនិងស្ថាប័នតាមបញ្ញត្តិ 4512(a) ទេ។”
លិខិតជូនដំណឹងនេះមិនផ្តល់ព័ត៌មានដែលអ្នកត្រូវការទេ។ វាមិនប្រាប់ឱ្យអ្នកបានដឹងពីអ្វីដែលកំណត់ដោយច្បាប់ទេ។ មនុស្សភាគច្រើនមិនដឹងថា ក្រមសុខុមាលភាពនិងស្ថាប័នតាមបញ្ញត្តិ 4512(a) ចែងយ៉ាងដូចម្តេចនោះទេ។ វាមិនប្រាប់ពីមូលហេតុដែលថាអ្នកមិនមានពិការភាពផ្នែកការលូតលាស់ទេ។ វាមិនប្រាប់ពីអ្វីដែលមជ្ឈមណ្ឌលក្នុងតំបន់ប្រើដើម្បីធ្វើសេចក្តីសម្រេចចិត្តរបស់ខ្លួននោះទេ។
បើទោះបីជាលិខិតជូនដំណឹងរបស់អ្នកមិនពេញលេញក៏ដោយ សូមស្នើសុំការប្តឹងជំទាស់ឱ្យបានឆាប់តាមដែលអាចធ្វើបាន។ ធ្វើបែបនេះការពារដល់សិទ្ធិរបស់អ្នកក្នុងការប្តឹងជំទាស់ ហើយអាចនឹងអនុញ្ញាតឱ្យអ្នកអាចបន្តសេវារបស់អ្នកក្នុងអំឡុងពេលប្តឹងជំទាស់របស់អ្នកបាន។ នៅពេលអ្នកប្តឹងជំទាស់ អ្នកអាចលើកឡើងថាអ្នកមិនទទួលបាន “ការជូនដំណឹងពេញលេញ” ទេ។ អ្នកក៏អាចដាក់បណ្តឹងតាមបញ្ញត្តិលេខ 4731 បានផងដែរ។ ស្នើសុំការប្តឹងជំទាស់របស់អ្នកភ្លាម ដើម្បីឱ្យអ្នកនៅបន្តទទួលបានសេវារបស់អ្នក។ បន្ទាប់មក អ្នកអាចដាក់បណ្តឹងបាន។
សូមមើល បណ្តឹងតាមបញ្ញត្តិលេខ 4731 និង ឯកសារបន្ថែម O សម្រាប់បណ្តឹងតាមបញ្ញត្តិលេខ 4731។
(10.7) តើខ្ញុំអាចប្តឹងជំទាស់ដោយពុំមានលិខិតជូនដំណឹង ឬ ការប្តឹងជំទាស់យឺតបានទេ?
បាន/ចាស។ ប្រសិនបើមជ្ឈមណ្ឌលក្នុងតំបន់បដិសេធផ្តល់សេវា ឬ ប្តូរសេវារបស់អ្នកដោយមិនបានផ្តល់ដំណឹងនោះ អ្នកអាចប្តឹងជំទាស់បាន។ អ្នកមិនត្រូវការលិខិតជូនដំណឹងដើម្បីប្តឹងជំទាស់ទេ។ ប្រសិនបើមជ្ឈមណ្ឌលក្នុងតំបន់មិនផ្តល់លិខិតជូនដំណឹងដល់អ្នកទេ នោះបណ្តឹងជំទាស់របស់អ្នកមិនអាចចាត់ជាបណ្តឹងយឺតបានទេ។
សូមស្នើសុំការប្តឹងជំទាស់ឱ្យបានឆាប់តាមដែលអាចធ្វើបាន។ ធ្វើបែបនេះការពារដល់សិទ្ធិរបស់អ្នកដើម្បីប្តឹងជំទាស់ ហើយអ្នកអាចនឹងមានសិទ្ធិបន្តទទួលបានសេវារបស់អ្នកក្នុងអំឡុងបណ្តឹងជំទាស់បាន។ លិខិតរបស់អ្នកគួរបង្ហាញថា អ្នកមិនបានទទួល “លិខិតជូនដំណឹងមានលក្ខណៈពេញលេញទេ។” សូមមើល ឯកសារបន្ថែម Nសម្រាប់ពេលវេលាកំណត់សម្រាប់បណ្តឹងជំទាស់។ ស្នើសុំការប្តឹងជំទាស់របស់អ្នកភ្លាម ដើម្បីឱ្យអ្នកនៅបន្តទទួលបានសេវារបស់អ្នក (ក្នុងករណីដែលវាជាសេវាដែលអ្នកកំពុងទទួលបានរួចហើយ)។ ក្រោយមក អ្នកអាចដាក់បណ្តឹងបាន (មានឈ្មោះថា បណ្តឹងតាមបញ្ញត្តិលេខ 4731) អំពីបញ្ហានានាពាក់ព័ន្ធនឹងលិខិតជូនដំណឹង។ សូមមើល បណ្តឹងតាមបញ្ញត្តិលេខ 4731។
(10.8) តើលិខិតជូនដំណឹងត្រូវតែធ្វើឡើងជាភាសាដែលខ្ញុំយល់បានទេ?
បាន/ចាស។ លិខិតជូនដំណឹងរបស់មជ្ឈមណ្ឌលក្នុងតំបន់ទាំងអស់ ត្រូវតែធ្វើឡើងជាភាសាដែលអ្នក (ឬតំណាងស្របច្បាប់របស់អ្នក) អាចយល់បាន។ [[§ 4701(n).]] ឧទាហរណ៍ ប្រសិនបើអ្នកនិយាយបានតែភាសាអេស្ប៉ាញនោះ លិខិតជូនដំណឹងត្រូវតែធ្វើឡើងជាភាសាអេស្ប៉ាញ។
ប្រសិនបើអ្នកមិនចេះអានភាសាអង់គ្លេសបានល្អទេ សូមផ្ញើលិខិតមួយច្បាប់ទៅអ្នកសម្របសម្រួលសេវារបស់អ្នក ដោយបញ្ជាក់ថាអ្នកត្រូវការលិខិតជូនដំណឹងនោះធ្វើឡើងជាភាសាទីមួយរបស់អ្នក។ អ្នកអាចនឹងសរសេរលិខិតជាភាសារបស់អ្នកផ្ទាល់បាន។ ស្នើសុំឱ្យអ្នកសម្របសម្រួលសេវារបស់អ្នកដាក់លិខិតចូលទៅក្នុងសំណុំឯកសារមជ្ឈមណ្ឌលក្នុងតំបន់របស់អ្នក។
(10.9) តើនាយកដ្ឋានសេវាអភិវឌ្ឍន៍ការលូតលាស់ (DDS) មានទម្រង់បែបបទជាភាសាផ្សេងទេ?
DDS មានទម្រង់បែបបទទាំងនេះជាភាសាផ្សេងៗ៖
ប័ណ្ណព័ត៌មានពីដំណើរការសវនាការយុត្តិធម៌ — ប័ណ្ណព័ត៌មាននេះ ប្រាប់អ្នកពីសិទ្ធិក្នុងការប្តឹងជំទាស់របស់អ្នក និងពន្យល់ពីនីតិវិធីសវនាការយុត្តិធម៌។
លិខិតជូនដំណឹងត្រូវឆ្លើយតប DS 1803 — មជ្ឈមណ្ឌលក្នុងតំបន់នឹងបំពេញទម្រង់បែបបទនេះ ដើម្បីប្រាប់អ្នកពីចំណាត់ការដែលចង់ធ្វើដែលប៉ះពាល់ដល់សេវារបស់អ្នក។ វាប្រាប់អ្នកអំពីសិទ្ធិប្តឹងជំទាស់របស់អ្នក។ វាក៏រាយនូវព័ត៌មានទំនាក់ទំនងសម្រាប់ OCRA ក្រុមប្រឹក្សារដ្ឋស្តីពីពិការភាពផ្នែកលូតលាស់ (State Council on Developmental Disabilities, SCDD) និងអង្គការសិទ្ធិជនពិការរដ្ឋកាលីហ្វ័រញ៉ា (Disability Rights California) ផងដែរ។
លិខិតជូនដំណឹងពីដំណោះស្រាយ DS 1804 — ប្រើទម្រង់បែបបទនេះ ប្រសិនបើអ្នកដោះស្រាយបញ្ហាទាំងឡាយរបស់អ្នក និងមិនត្រូវការសវនាការទេនោះ។
សំណើសុំសវនាការយុត្តិធម៌ DS 1805 — ប្រើទម្រង់បែបបទនេះនៅពេលអ្នកត្រូវការឱ្យមានការប្រជុំក្រៅផ្លូវការ ការសម្របសម្រួល ឬ សវនាការយុត្តិធម៌មួយ។
អ្នកអាចស្វែងរកទម្រង់បែបបទទាំងនេះបាននៅលើគេហទំព័រ DDS៖ https://www.dds.ca.gov/transparency/dds-forms/។
ចំណុចសំខាន់៖ ទម្រង់បែបបទទាំងនេះក៏អាចផ្លាស់ប្តូរផងដែរ បន្ទាប់ពីថ្ងៃទី1 ខែមីនា ឆ្នាំ2023។ សូមគូសធីកលើគេហទំព័រ DDS ដើម្បីទទួលបានព័ត៌មានថ្មីៗ។ នេះគឺជាតំណភ្ជាប់ទៅកាន់គេហទំព័ររបស់ DDS ស្តីពីដំណើរការបណ្តឹងជំទាស់៖ https://www.dds.ca.gov/general/appeals-complaints-comments/fair-hearings-complaint-process/
(10.10) តើធ្វើដូចម្តេចប្រសិនបើខ្ញុំទទួលបានលិខិតជូនដំណឹងឱ្យឆ្លើយតប ដែលមិនមែនជាភាសារបស់ខ្ញុំ?
ស្នើសុំបណ្តឹងជំទាស់ភ្លាមៗដើម្បីការពារសិទ្ធិរបស់អ្នក។ ប្រសិនបើមិនបានប្តឹងជំទាស់ទាន់ពេលពីព្រោះអ្នកមិនយល់ពីលិខិតជូនដំណឹងនោះ សូមទូរស័ព្ទទៅកាន់អ្នកសម្របសម្រួលសេវារបស់អ្នកភ្លាម។ ស្នើសុំលិខិតជាលាយលក្ខណ៍អក្សរជាភាសាដែលអ្នកអាចយល់បាន។ កាលបរិច្ឆេទផុតកំណត់មិនចាប់ផ្តើមរហូតដល់អ្នកទទួលបានលិខិតជូនដំណឹងជាភាសាដែលអ្នកយល់បាន។
[[Disability Rights California មិនដឹងពីករណីបណ្តឹងតុលាការណាមួយដែលពិភាក្សាពីផលប៉ះពាល់នៃលិខិតជូនដំណឹងមិនមានលក្ខណៈពេញលេញនៅពេលដែលអ្នកអាចប្តឹងជំទាស់បានក្រោមច្បាប់ Lanterman Act នោះទេ។ ប៉ុន្តែបញ្ហានេះត្រូវលើកមកដោះស្រាយនៅក្នុងប្រព័ន្ធរដ្ឋបាលដទៃផ្សេងទៀត៖ Morales v. McMahon (1990) 223 Cal.App.3d 184 (លិខិតជូនដំណឹងមានលក្ខណៈពេញលេញនៅមុនពេលបណ្តឹងជំទាស់ចាប់ផ្តើមដំណើរការ) និង Reynolds v. Workmen’s Comp។ បណ្តឹងជំទាស់ Appeals Bd. (1974) 12 Cal.3d 726 (រយៈពេលកំណត់ដោយច្បាប់ចាប់ផ្តើមគិតរហូតដល់លិខិតជូនដំណឹងតម្រូវដោយច្បាប់ត្រូវបានផ្តល់ឱ្យ)។ សូមមើលផងដែរនូវឯកសារ 99-12-01A ចេញពីកំណត់ហេតុផ្នែកសវនាការរដ្ឋ (State Hearings Division Notes) ពីការិយាល័យបណ្តុះបណ្តាល (Training Bureau) ទាក់ទងទៅនឹងលទ្ធផលនៃការផ្ញើលិខិតជូនដំណឹងជាភាសាអង់គ្លេសទៅកាន់អ្នកដែលមិនចេះអានវា www.dss.cahwnet.gov/shd/ViewNotesb_1649.htm.]]
ប្រសិនបើអ្នកទទួលបានលិខិតជូនដំណឹងដែលប្រើភាសាដែលអ្នកមើលមិនយល់ អ្នកអាចដាក់បណ្តឹងបាន ដែលមានឈ្មោះបណ្តឹងតាមបញ្ញត្តិលេខ 4731។
សូមមើល បណ្តឹងតាមបញ្ញត្តិលេខ 4731 និង ឯកសារបន្ថែម O សម្រាប់បណ្តឹងតាមបញ្ញត្តិលេខ 4731។
(10.11) តើមានករណីដែលមជ្ឈមណ្ឌលក្នុងតំបន់មិនត្រូវផ្តល់សេចក្តីជូនដំណឹងទេ?
ពិតជាមាន មានករណីលើកលែងមួយចំពោះលក្ខខណ្ឌតម្រូវឱ្យមានលិខិតជូនដំណឹងសម្រាប់សុខភាពនិងសុវត្ថិភាព។ ប្រសិនបើមជ្ឈមណ្ឌលក្នុងតំបន់ចាំបាច់ត្រូវផ្លាស់ប្ដូរសេវា ដើម្បីការពារសុខភាពនិងសុវត្ថិភាពរបស់អ្នកនោះ ពួកគេមិនចាំបាច់ត្រូវប្រាប់អ្នកជាមុននោះទេ។ មជ្ឈមណ្ឌលក្នុងតំបន់មានរយៈពេល 10 ថ្ងៃ ដើម្បីផ្តល់ការជូនដំណឹងដល់អ្នក ក្រោយពីពួកគេធ្វើការផ្លាស់ប្តូរ។ [[§ 4710(f).]] កាលបរិច្ឆេទផុតកំណត់សម្រាប់អ្នកដើម្បីប្តឹងជំទាស់ចាប់ផ្តើមនៅពេលដែលអ្នកទទួលបានការជូនដំណឹង មិនមែននៅពេលដែលសេវារបស់អ្នកផ្លាស់ប្តូរនោះទេ។
នៅក្នុងករណីផ្សេងទៀត មជ្ឈមណ្ឌលក្នុងតំបន់ត្រូវផ្តល់ការជូនដំណឹងដល់អ្នកចំនួន 30 ថ្ងៃ មុនពេលវាប្តូរ ឬ បញ្ឈប់សេវារបស់អ្នក។
(10.12) តើរយៈពេលកំណត់យូរប៉ុណ្ណាដែលខ្ញុំត្រូវដាក់បណ្តឹងជំទាស់ដើម្បីឱ្យបានសវនាការយុត្តិធម៌មួយ?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
នៅពេលអ្នកទទួលបានលិខិតជូនដំណឹងត្រូវឆ្លើយតប (NOA) អ្នកចាំបាច់ត្រូវសម្រេចថាតើអ្នកនឹងដាក់ពាក្យប្តឹងជំទាស់ឬក៏មិនដាក់។ អ្នកមានរយៈពេលតែ 30 ថ្ងៃប៉ុណ្ណោះ ដើម្បីស្នើសុំកិច្ចប្រជុំក្រៅផ្លូវការ ការសម្របសម្រួល សវនាការយុត្តិធម៌មួយ។ រយៈពេល 30 ថ្ងៃ ចាប់ផ្តើមពីកាលបរិច្ឆេទដែលអ្នកទទួលបានការជូនដំណឹងត្រូវឆ្លើយតបជាលាយលក្ខណ៍អក្សរដែលអ្នកមិនយល់ស្រប។ ប្រសិនបើអ្នកទទួលបានសេវាកម្មរួចទៅហើយនោះ ហើយអ្នកចង់បន្តសេវាកម្មរបស់អ្នក អ្នកមានពេលតែ 10 ថ្ងៃប៉ុណ្ណោះ។ [[§ 4715.]] អ្នកត្រូវតែធ្វើសំណើសុំ (ជាលាយលក្ខណ៍អក្សរ) នូវការប្តឹងជំទាស់ក្នុងរយៈពេល 10 ថ្ងៃ សម្រាប់សេវាកម្មរបស់អ្នកដើម្បីរក្សាទុកវាឱ្យនៅដដែល។ នេះហៅថា ការរង់ចាំជំនួយបង់ប្រាក់។
ប្រសិនបើអ្នកខកខានមិនដាក់បណ្តឹងតាមរយៈពេលកំណត់ 30 ថ្ងៃ ដោយសារអ្នកពុំទទួលបានលិខិតជូនដំណឹងមានលក្ខណៈពេញលេញ ឬ ពុំទទួលបានការជូនដំណឹងទាល់តែសោះនោះ អ្នកគប្បីស្នើសុំសវនាការយុត្តិធម៌មួយភ្លាមៗ។ ធ្វើបែបនេះជួយការពារដល់សិទ្ធិរបស់អ្នកដើម្បីប្តឹងជំទាស់ និងសិទ្ធិបន្តទទួលបានសេវារបស់អ្នកក្នុងអំឡុងបណ្តឹងជំទាស់បាន។ បណ្តឹងជំទាស់របស់អ្នកគួរលើកឡើងថា អ្នកមិនបានទទួល “លិខិតជូនដំណឹងមានលក្ខណៈពេញលេញទេ។” ប្រសិនបើមជ្ឈមណ្ឌលក្នុងតំបន់បដិសេធ កាត់ ឬ លុបសេវារបស់អ្នកដោយមិនបានផ្តល់ដំណឹងនោះ អ្នកនៅតែអាចប្តឹងជំទាស់បាន។ អ្នកមិនត្រូវការលិខិតជូនដំណឹងដើម្បីប្តឹងជំទាស់ទេ។ អ្នកក៏អាចដាក់បណ្តឹងតាមបញ្ញត្តិលេខ 4731 បានផងដែរ។
ចំណុចសំខាន់៖ កាលកំណត់បណ្តឹងជំទាស់របស់អ្នក នឹងផ្លាស់ប្តូរនៅថ្ងៃទី1 ខែមីនា ឆ្នាំ2023។
- ប្រសិនបើមជ្ឈមណ្ឌលក្នុងតំបន់ប្រាប់អ្នកថា គេនឹងបញ្ឈប់ ឬ ផ្លាស់ប្តូរសេវាកម្មដែលអ្នកកំពុងតែទទួលបាននោះ អ្នកនឹងមានរយៈពេល 30 ថ្ងៃ ដើម្បីប្តឹងជំទាស់ ប្រសិនបើអ្នកត្រូវការសេវាកម្មឱ្យបន្តរហូតដល់ពេលបណ្តឹងជំទាស់របស់អ្នកត្រូវបានសម្រេច។
- អ្នកត្រូវតែប្តឹងជំទាស់លើការសម្រេចចិត្តរបស់មជ្ឈមណ្ឌលក្នុងតំបន់ក្នុងរយៈពេល 60 ថ្ងៃ ដើម្បីស្នើសុំការប្រជុំក្រៅផ្លូវការ ការសម្របសម្រួល ឬការធ្វើសវនាការ។
(10.13) តើសិទ្ធិរបស់ខ្ញុំដើម្បីទទួលបានជំនួយបង់ប្រាក់នៅរង់ចាំនោះមានអ្វីខ្លះ?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
អ្នកមានសិទ្ធិបន្តសេវាដែលមជ្ឈមណ្ឌលក្នុងតំបន់ចង់ផ្លាស់ប្តូរបានក្នុងខណៈដែលអ្នករង់ចាំបណ្តឹងជំទាស់របស់អ្នក។ នេះជាសិទ្ធិមួយដ៏សំខាន់ខ្លាំងណាស់ដែលគេហៅថា “ជំនួយបង់ប្រាក់កំពុងរង់ចាំ។” ប៉ុន្តែ អ្នកត្រូវតែស្នើសុំបណ្តឹងជំទាស់របស់អ្នកក្នុងរយៈពេល 10 ថ្ងៃ នៃការទទួលបានលិខិតជូនដំណឹង។ ((§ 4715.)) ប្រសិនបើអ្នករង់ចាំលើសពី 10 ថ្ងៃ អ្នកនឹងមិនទទួលបានសេវាដែលកំពុងទទួលបានបច្ចុប្បន្នក្នុងអំឡុងពេលបណ្តឹងជំទាស់របស់អ្នកទេ។
សូមមើលឆាតដែលមានបញ្ជាក់ពីពេលវេលាកំណត់សម្រាប់ការប្តឹងជំទាស់នៅក្នុង ឯកសារបន្ថែម N។
ចំណុចសំខាន់៖ កាលកំណត់បណ្តឹងជំទាស់របស់អ្នក នឹងផ្លាស់ប្តូរនៅថ្ងៃទី1 ខែមីនា ឆ្នាំ2023។ ប្រសិនបើមជ្ឈមណ្ឌលក្នុងតំបន់ប្រាប់អ្នកថា គេនឹងបញ្ឈប់ ឬ ផ្លាស់ប្តូរសេវាកម្មដែលអ្នកកំពុងតែទទួលបាននោះ អ្នកនឹងមានរយៈពេល 30 ថ្ងៃ ដើម្បីប្តឹងជំទាស់ ប្រសិនបើអ្នកត្រូវការសេវាកម្មឱ្យបន្តរហូតដល់ពេលបណ្តឹងជំទាស់របស់អ្នកត្រូវបានសម្រេច។
(10.14) តើខ្ញុំត្រូវធ្វើដូចម្តេចដើម្បីដាក់បណ្តឹងសុំសវនាការ (បណ្តឹងជំទាស់)?
នៅពេលមជ្ឈមណ្ឌលក្នុងតំបន់ផ្ញើឱ្យអ្នកនូវលិខិតជូនដំណឹងត្រូវឆ្លើយតបរបស់ខ្លួននោះ ពួកគេក៏ត្រូវផ្តល់ដល់អ្នកនូវទម្រង់បែបបទបណ្តឹងជំទាស់ផងដែរ។ [[§ 4710.5(b).]] ប្រសិនបើអ្នកស្នើសុំបណ្តឹងជំទាស់ដោយផ្ទាល់នោះ បុគ្គលដែលអ្នកស្នើសុំត្រូវតែផ្តល់ដល់អ្នកនូវទម្រង់បែបបទប្តឹងជំទាស់។ បុគ្គលរូបនោះត្រូវតែសួរអ្នកថាតើអ្នកត្រូវការជំនួយក្នុងការបំពេញទម្រង់បែបបទដែរឬទេ។ ប្រសិនបើអ្នកត្រូវការ ពួកគេត្រូវតែជួយដល់អ្នក។ [[§ 4710.5(c).]]
វាជាទោសឧក្រិដ្ឋចំពោះបុគ្គលិកមជ្ឈមណ្ឌលក្នុងតំបន់ដែលបដិសេធផ្តល់ទម្រង់បែបបទប្តឹងជំទាស់ដល់អ្នក ឬ បដិសេធមិនជួយបំពេញទម្រង់បែបបទដល់អ្នក។ [[§ 4710.5(c). ]] ប្រសិនបើមជ្ឈមណ្ឌលក្នុងតំបន់នឹងមិនផ្តល់ការជូនដំណឹងជាលាយលក្ខណ៍អក្សរទេនោះ អ្នកនៅតែអាចប្តឹងជំទាស់បានដោយប្រើទម្រង់បែបបទ “សំណើសុំសវនាការដោយយុត្តិធម៌”។ អ្នកអាចសរសេរនៅលើទម្រង់បែបបទស្នើសុំសវនាការដោយយុត្តិធម៌ថា មជ្ឈមណ្ឌលក្នុងតំបន់បានបដិសេធផ្តល់ដល់អ្នកនូវទម្រង់បែបបទ ឬជំនួយដល់អ្នកបាន។
សម្រាប់ទម្រង់បែបបទសំណើសុំសវនាការដោយយុត្តិធម៌ សូមចុច ទីនេះ។ វាក៏មានផ្តល់ជូនជាភាសាអេស្ប៉ាញផងដែរ។
ចំណុចសំខាន់៖ ទម្រង់បែបបទទាំងនេះក៏អាចផ្លាស់ប្តូរផងដែរ បន្ទាប់ពីថ្ងៃទី1 ខែមីនា ឆ្នាំ2023។ សូមគូសធីកលើគេហទំព័រ DDS ដើម្បីទទួលបានព័ត៌មានថ្មីៗ។ នេះគឺជាតំណភ្ជាប់ទៅកាន់គេហទំព័ររបស់ DDS ស្ដីពីដំណើរការបណ្តឹងជំទាស់៖ https://www.dds.ca.gov/general/appeals-complaints-comments/fair-hearings-complaint-process/
(10.15) តើខ្ញុំអាចទទួលបានជំនួយដើម្បីប្តឹងជំទាស់តាមរបៀបណា?
សូមទូរស័ព្ទទៅកាន់ Office of Clients’ Rights Advocacy (OCRA), State Council on Developmental Disabilities (SCDD), ឬ Disability Rights California ដើម្បីស្នើសុំជំនួយ។ ព័ត៌មានទាំងនេះមានរាយនៅលើលិខិតជូនដំណឹងរបស់អ្នកដែលចេញពីមជ្ឈមណ្ឌលក្នុងតំបន់។
ប្រសិនបើអ្នក ឬ នរណាម្នាក់ផ្សេងគិតថា សិទ្ធិ ឬ ផលប្រយោជន៍របស់អ្នកនឹងមិនត្រូវបានការពារក្នុងអំឡុងបណ្តឹងជំទាស់របស់អ្នកទេនោះ សូមប្រាប់ដល់បុគ្គលិក OCRA Clients’ Rights Advocate and SCDD របស់អ្នក។ SCDD អាចចាត់តាំងឱ្យនរណាម្នាក់ជួយដល់អ្នកនៅក្នុងរឿងបណ្តឹងជំទាស់បាន។ តំណាងស្របច្បាប់របស់អ្នក និងមជ្ឈមណ្ឌលក្នុងតំបន់ត្រូវតែទទួលបានមួយច្បាប់នៃលិខិតចាត់តាំងនោះ។ [[§ 4705(e).]]
សូមមើល ជំពូក 5 សម្រាប់ព័ត៌មានបន្ថែមពី SCDD។
(10.16) តើ OCRA’s Clients’ Rights Advocate អាចជួយដល់អ្នកបានដោយរបៀបណា?
មាន Clients’ Rights Advocate (CRA) សម្រាប់អតិថិជនគ្រប់មជ្ឈមណ្ឌលក្នុងតំបន់ទាំងអស់។ ប៉ុន្តែ CRAs មិនធ្វើការឱ្យមជ្ឈមណ្ឌលក្នុងតំបន់ទេ បើទោះបីជាការិយាល័យរបស់ពួកគេនៅទីនោះក៏ដោយ។ [[§ 4433.]]
Office of Clients’ Rights Advocacy (OCRA) មានការិយាល័យនៅទូទាំងរដ្ឋ ដែលចាត់ចែងដំណើរការដោយ Disability Rights California, តាមរយៈកិច្ចសន្យាជាមួយនឹង California Department of Developmental Services (DDS)។ OCRA ជួលអ្នកតស៊ូមតិសិទ្ធិអតិថិជន (Clients’ Rights Advocate, CRA) ដើម្បីឱ្យជួយដល់អតិថិជនគ្រប់មជ្ឈមណ្ឌលក្នុងតំបន់ទាំងអស់។
ការងាររបស់ CRA គឺត្រូវជួយការពារសិទ្ធិស្របច្បាប់របស់អ្នក សិទ្ធិរបស់អ្នកត្រូវទទួលបានសេវាកម្ម និងសិទ្ធិជាមនុស្សរបស់អ្នក។ នេះរួមបញ្ចូលទាំងជួយដល់អ្នកនៅក្នុងបណ្តឹងជំទាស់ទៅនឹងមជ្ឈមណ្ឌលក្នុងតំបន់ និងទីភ្នាក់ងារផ្សេងទៀត។ [[See § 4433(d)(1)។ សូមមើល ក្រមស្ដីពីបទប្បញ្ញត្តិរដ្ឋកាលីហ្វ័រញ៉ា., មាត្រា 17, § 50540, ដែលអនុញ្ញាតឱ្យអ្នក ឬ តំណាងរបស់អ្នកដាក់បណ្តឹងជាមួយនឹង Clients’ Rights Advocate (CRA) ប្រសិនបើអ្នកជឿថា សិទ្ធិណាមួយរបស់អ្នកត្រូវបានបំពារបំពាន ព្យួរក្នុងបំណងដាក់ទោស ឬ បដិសេធដោយមិនសមស្របនោះ។ CRA ត្រូវស៊ើបអង្កេតពីបណ្តឹងរបស់អ្នកក្នុងរយៈពេល 10 ថ្ងៃ នៃថ្ងៃធ្វើការក្រោយទទួលបានបណ្តឹង ហើយផ្ញើមកឱ្យអ្នកនូវសំណើដំណោះស្រាយជាលាយលក្ខណ៍អក្សរមួយ។ ប្រសិនបើអ្នកមិនពេញចិត្តជាមួយនឹងសំណើដំណោះស្រាយរបស់ CRA ទេនោះ សូមជូនដំណឹងដល់ CRA ឱ្យបានដឹង។ ក្នុងរយៈពេល 5 ថ្ងៃ នៃថ្ងៃធ្វើការ CRA ត្រូវតែផ្ទេរអ្នកទៅកាន់នាយកមន្ទីរពេទ្យរដ្ឋ ឬ មជ្ឈមណ្ឌលក្នុងតំបន់ទៅតាមផ្នែកនៃសេវាកម្មដែលអ្នកត្រូវការ។ ប្រសិនបើនាយកមន្ទីរពេទ្យរដ្ឋ ឬ មជ្ឈមណ្ឌលក្នុងតំបន់់មិនដោះស្រាយបណ្តឹងរបស់អ្នកបានទៅតាមការពេញចិត្តរបស់អ្នកក្នុងរយៈពេល 10 ថ្ងៃ នៃថ្ងៃធ្វើការទេនោះ នាយកនោះត្រូវផ្ទេរអ្នកទៅកាន់មន្រ្តីទទួលបន្ទុកសិទ្ធិអតិថិជនរបស់ Department of Developmental Services សម្រាប់ការសម្រេចចិត្តផ្នែករដ្ឋបាលជាចុងក្រោយ។]] ប៉ុន្តែ CRAs អាចទទួលយកករណីក្នុងចំនួនមួយមានកំណត់តែប៉ុណ្ណោះ។ មុនពេលពួកគេសម្រេចទទួលយកករណីរបស់អ្នក CRA មើលទៅលើ៖
- ថាតើអ្នកអាចតំណាងបានដោយខ្លួនឯងទេ
- តើអ្នកមានធនធានដែលអាចទទួលបានផ្សេងទៀតដែរឬទេ តើអ្នកមានករណីរឹងមាំដែរឬទេ និង
- តើ CRA មានផ្តល់ជូនដែរឬទេ។
បើទោះបីជា CRA មិនអាចទទួលយកករណីរបស់អ្នកបានក៏ពិតមែន តែពួកគេនៅតែអាចផ្តល់ជំនួយផ្សេងទៀតដល់អ្នកបាន។ ពួកគេអាចពិភាក្សាជាមួយអ្នកអំពីករណីរបស់អ្នក ផ្តល់ដំបូន្មាន និងផ្តល់ប្រភេទជំនួយផ្សេងទៀត។
(10.17) តើខ្ញុំមានសិទ្ធិអ្វីខ្លះដែលខ្ញុំមានក្នុងអំឡុងដំណើរការបណ្តឹងជំទាស់?
អ្នកមានសិទ្ធិ៖
- សូមចូលរួមឱ្យបានគ្រប់កិច្ចប្រជុំទាំងអស់ ដែលជាផ្នែកនៃបណ្តឹងជំទាស់។ [[§ 4701(a)(9]]
- សូមផ្តល់ភ័ស្តុតាងទាំងផ្ទាល់មាត់និងលាយលក្ខណ៍អក្សរ។ [[§ 4701(a)(9)]]
- មានសាក្សីផ្តល់សក្ខីកម្មសម្រាប់អ្នក។ [[§ 4701(a)(9)]]
- ការចោទសួរសាក្សីរបស់មជ្ឈមណ្ឌលក្នុងតំបន់ដែលផ្តល់សក្ខីកម្ម។ [[§ 4701(a)(9)]]
- សូមនិយាយការពារខ្លួនអ្នកនៅសវនាការ។ [[§ 4701(a)(9)]]
- សូមឱ្យមានអ្នកជួយតស៊ូមតិ មេធាវី ឬ នរណាម្នាក់ផ្សេងដែលតំណាងឱ្យអ្នក។
- មជ្ឈមណ្ឌលក្នុងតំបន់មិនអាចមានមេធាវីនៅឯកិច្ចប្រជុំក្រៅផ្លូវការ ការសម្របសម្រួល ឬសវនាការ លើកលែងតែអ្នកជាមេធាវី ឬមានមេធាវីនៅជាមួយអ្នក។ [[§ 4705.5]]
- អ្នកត្រូវតែប្រាប់ដល់មជ្ឈមណ្ឌលក្នុងតំបន់ ប្រសិនបើអ្នកយកមេធាវីទៅជាមួយក្នុងរយៈពេល 5 ថ្ងៃ មុនពេលការសម្របសម្រួល និង 15 ថ្ងៃ មុនពេលសវនាការ។ [[§ 4705.5]]
- ដកសិទ្ធិការិយាល័យសវនាការក្នុងស្ថានភាពជាក់លាក់។ [[§ 4701(a)(9)]]
- អនុញ្ញាតឱ្យអ្នកបកប្រែផ្តល់ជូនការបកប្រែជាភាសាតាមការចង់បានរបស់អ្នក ឬអ្នកតំណាងដែលទទួលបានការអនុញ្ញាតរបស់អ្នក។ [[§ 4701(a)(8)]]
- សូមមើលសំណុំឯកសាររបស់មជ្ឈមណ្ឌលក្នុងតំបន់អំពីអ្នកនិងករណីរបស់អ្នក។ [[§ 4701(a)(8)]]
មជ្ឈមណ្ឌលក្នុងតំបន់ត្រូវតែផ្តល់ដល់អ្នកនូវការពន្យល់ជាលាយលក្ខណ៍អក្សរពីសិទ្ធិរបស់អ្នក។ ពួកគេក៏គួរតែផ្តល់ព័ត៌មានជាលាយលក្ខណ៍អក្សរដល់អ្នកអំពីកន្លែងដែលទៅសុំជំនួយផ្នែកតស៊ូមតិ ដូចជាពីអ្នកតស៊ូមតិផ្នែកសិទ្ធិរបស់អ្នក, SCDD, និង Disability Rights California។ [[§ 4701(a)(5).]]
(10.18) តើមានសិទ្ធិអ្វីខ្លះដែលខ្ញុំមានដើម្បីមើលសំណុំឯកសាររបស់ខ្ញុំនៅមជ្ឈមណ្ឌលក្នុងតំបន់?
ប្រសិនបើអ្នកសុំមើលសំណុំឯកសាររបស់អ្នក មជ្ឈមណ្ឌលក្នុងតំបន់មានរយៈពេល 3 ថ្ងៃ នៃថ្ងៃធ្វើការ ដើម្បីបង្ហាញពួកគេដល់សំណុំឯកសារនោះជូនអ្នក។ [[§§ 4726, 4728. ច្បាប់ចែងថា អ្នកមានសិទ្ធិទទួលបានការចូលមើលសំណុំឯកសាររបស់អ្នកនៅមុនពេលប្រជុំក្រៅផ្លូវការដោយស្ម័គ្រចិត្ត។ សូមមើល § 4710.7(d).]] អ្នកមានសិទ្ធិដើម្បីមើលសំណុំឯកសារទាំងអស់ដែលអ្នកមាននៅក្នុងមជ្ឈមណ្ឌលក្នុងតំបន់ រួមទាំងសំណុំឯកសារទាំងឡាយពីទីភ្នាក់ងារ ឬ មនុស្សខាងក្រៅ។ [[“សំណុំឯកសារ” មានន័យថា ចំណែកព័ត៌មានដែលទីភ្នាក់ងារសេវាកម្មមាន ដែលពាក់ព័ន្ធដោយផ្ទាល់ទៅនឹងបុគ្គលដែលមាន ឬ ជឿថាមានពិការភាពផ្នែកការលូតលាស់។ វារាប់បញ្ចូលនូវព័ត៌មានសរសេរដោយដៃ ឯកសារបោះពុម្ព កាសែតសម្លេង ហ្វីម ម៉ៃក្រូហ្វីម ឬ ព័ត៌មានដទៃផ្សេងទៀត។ § 4725(b)។]]
វាជារឿងសំខាន់ដែលអ្នកត្រូវពិនិត្យឡើងវិញទៅលើសំណុំឯកសាររបស់អ្នក ហើយស្នើសុំគ្រប់ច្បាប់នៃសំណុំឯកសារនានាដែលអ្នកត្រូវការមុនពេលសវនាការរបស់អ្នក។
(10.19) តើអ្វីទៅជាជំហាននៃដំណើរការប្តឹងជំទាស់?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
- ស្នើសុំសវនាការមួយ – អ្នកអាចស្នើសុំសវនាការមួយដោយផ្ទាល់ តាមទូរស័ព្ទ ឬ ជាលាយលក្ខណ៍អក្សរ។
- ការឆ្លើយតបរបស់មជ្ឈមណ្ឌលក្នុងតំបន់ – មជ្ឈមណ្ឌលក្នុងតំបន់ត្រូវផ្ញើដល់អ្នកនូវការជូនដំណឹងដែលទទួលស្គាល់ពីសំណើសុំសវនាការរបស់អ្នក។ [[§§ 4710.6(a)-(c).]] ប្រសិនបើអ្នកមិនទទួលបានការជូនដំណឹងពីមជ្ឈមណ្ឌលក្នុងតំបន់ទេ ពួកគេត្រូវតែផ្ញើឱ្យអ្នកនូវការជូនដំណឹងមួយដែលមានព័ត៌មានទាំងអស់តម្រូវតាមលក្ខខណ្ឌ “ការជូនដំណឹងដែលមានលក្ខណៈពេញលេញ។” [[§§ 4710.6(a)-(c) ]]
- ទម្រង់បែបបទស្នើសុំសវនាការដោយយុត្តិធម៌ – នៅពេលអ្នកប្រាប់ទៅដល់មជ្ឈមណ្ឌលក្នុងតំបន់ថាអ្នកចង់បានសវនាការមួយដោយយុត្តិធម៌នោះ មជ្ឈមណ្ឌលក្នុងតំបន់ត្រូវតែផ្តល់ដល់អ្នកនូវទម្រង់បែបបទសំណើសុំសវនាការដោយយុត្តិធម៌។ ប្រសិនបើអ្នកត្រូវការជំនួយក្នុងការបំពេញទម្រង់បែបបទ មជ្ឈមណ្ឌលក្នុងតំបន់ត្រូវតែជួយដល់អ្នក។ [[§ 4710.5(b) & (c).]]
- កិច្ចប្រជុំក្រៅផ្លូវការ – ប្រសិនបើអ្នកចង់ទទួលបានការប្រជុំក្រៅផ្លូវការមួយ មជ្ឈមណ្ឌលក្នុងតំបន់ត្រូវតែរៀបចំការប្រជុំនេះដល់អ្នក។ អ្នកនិងមជ្ឈមណ្ឌលក្នុងតំបន់ត្រូវតែឯកភាពគ្នាទៅលើពេលវេលាសម្រាប់ការប្រជុំ។ [[§ 4710.6(a).]] មជ្ឈមណ្ឌលក្នុងតំបន់ត្រូវតែផ្ញើឱ្យអ្នកនូវការជូនដំណឹងជាលាយលក្ខណ៍អក្សរដើម្បីបញ្ជាក់ពីកាលបរិច្ឆេទ ម៉ោង និងទីកន្លែងនៃការប្រជុំក្រៅផ្លូវការរបស់អ្នក។ ការជូនដំណឹងក៏ត្រូវបញ្ជាក់ថាអ្នកអាចបដិសេធបានទៅលើការប្រជុំក្រៅផ្លូវការ។ [[§ 4710.6(b).]]
- ការសម្របសម្រួល – ការសម្របសម្រួលគឺនៅពេលដែលបុគ្គលឯករាជ្យ ម្នាក់ដែលមានការបណ្តុះបណ្តាលសមស្រប (“អ្នកសម្របសម្រួល”) ជួយដល់អ្នកឱ្យទទួលបានការឯកភាពមួយដែលមានយុត្តិធម៌ និងសមស្របសម្រាប់អ្នកនិងមជ្ឈមណ្ឌលក្នុងតំបន់។ យើងសូមផ្តល់អនុសាសន៍ឱ្យប្រើការសម្របសម្រួល។ ទាំងអ្នកនិងមជ្ឈមណ្ឌលក្នុងតំបន់អាចសម្រេចមិនធ្វើការសម្របសម្រួលបាន។ ប្រសិនបើអ្នកស្នើសុំឱ្យមានការសម្របសម្រួលជាលាយលក្ខណ៍អក្សរ មជ្ឈមណ្ឌលក្នុងតំបន់មានរយៈពេល 5 ថ្ងៃ នៃថ្ងៃធ្វើការ ដើម្បីសម្រេចថាតើពួកគេចង់បានការសម្របសម្រួលទេ។ [[§ 4711.5(a).]] បើទោះបីជាអ្នកជ្រើសរើសមិនប្រើការសម្របសម្រួលក៏ដោយ ក៏អ្នកនៅតែមានសិទ្ធិទទួលបានសវនាការមួយដោយយុត្តិធម៌បានដែរ។ វាជាជម្រើសរបស់អ្នក។ [[§ 4710.9(b).]]
- សវនាការដោយយុត្តិធម៌ – អ្នកមានសិទ្ធិទទួលបានសវនាការមួយនៅចំពោះមុខចៅក្រម ដោយមិនលើសពី 50 ថ្ងៃ ក្រោយពីមជ្ឈមណ្ឌលក្នុងតំបន់ទទួលបានសំណើសុំសវនាការរបស់អ្នក។ [[§ 4712(a).]] ចៅក្រមនេះមានឈ្មោះថា ចៅក្រមច្បាប់រដ្ឋបាល (ALJ) ឬមន្ត្រីសវនាការ។ ប្រសិនបើអ្នក ឬ មជ្ឈមណ្ឌលក្នុងតំបន់សាកសួរ និងមានហេតុផលល្អ ចៅក្រម ALJ អាចនឹងអនុញ្ញាតឱ្យមានសវនាការតាមក្រោយ។ (មើល សំណួរលេខ 26។)
- សេចក្តីសម្រេចនៅក្នុងសវនាការដោយយុត្តិធម៌ – ចៅក្រមត្រូវតែផ្តល់ការសម្រេចចិត្តមួយដោយមិនលើសពីរយៈពេល 10 ថ្ងៃ នៃថ្ងៃធ្វើការក្រោយពីបញ្ចប់សវនាការរបស់អ្នក។ ករណីនេះមិនអាចលើសពី 80 ថ្ងៃ ឡើយក្រោយពីអ្នកស្នើសុំសវនាការ។ [[§ 4712.5(a).]]
- ប្តឹងជំទាស់សេចក្ដីសម្រេចរបស់សវនាការដោយយុត្តិធម៌ – ប្រសិនបើអ្នកមិនយល់ស្របទៅតាមការសម្រេចរបស់សវនាការទេ អ្នកមានរយៈពេល 90 ថ្ងៃ ដើម្បីដាក់បណ្តឹងជំទាស់ទៅកាន់តុលាការកំពូលទៀត។ [[§ 4712.5(a). ]]
ចំណុចសំខាន់៖ ជំហាននៃដំណើរការបណ្តឹងជំទាស់ នឹងផ្លាស់ប្តូរនៅថ្ងៃទី1 ខែមីនា ឆ្នាំ2023។ បន្ទាប់ពីថ្ងៃទី1 ខែមីនា ឆ្នាំ2023៖
- អ្នកនឹងដាក់ពាក្យបណ្តឹងជំទាស់ទាំងអស់ទៅកាន់ DDS ជំនួសឱ្យមជ្ឈមណ្ឌលក្នុងតំបន់។
- DDS នឹងសំណៅចម្លងនៃបណ្តឹងជំទាស់ទៅកាន់មជ្ឈមណ្ឌលក្នុងតំបន់។
- DDS នឹងផ្ញើសំណៅចម្លងនៃបណ្តឹងជំទាស់ទៅកាន់ការិយាល័យសវនាការរដ្ឋបាល ប្រសិនបើអ្នកបានស្នើសុំការសម្របសម្រួល ឬសវនាការ។
- ប្រសិនបើអ្នកស្នើសុំកិច្ចប្រជុំក្រៅផ្លូវការ មជ្ឈមណ្ឌលក្នុងតំបន់ត្រូវរៀបចំកិច្ចប្រជុំក្រៅផ្លូវការនោះឡើងក្នុងរយៈពេល 10 ថ្ងៃ តាមប្រតិទិនបន្ទាប់ពីពេលដែលអ្នកបានប្តឹងជំទាស់
- ប្រសិនបើអ្នកស្នើសុំការសម្របសម្រួល មជ្ឈមណ្ឌលក្នុងតំបន់ចាំបាច់ត្រូវចូលរួមក្នុងការសម្របសម្រួលនោះ។ OAH ត្រូវតែរៀបចំការសម្របសម្រួលក្នុងរយៈពេល 30 ថ្ងៃ ប្រតិទិនបន្ទាប់ពីអ្នកបានប្តឹងជំទាស់។
- OAH ត្រូវតែរៀបចំសវនាការក្នុងរយៈពេល 50 ថ្ងៃ ប្រតិទិនបន្ទាប់ពីអ្នកបានប្តឹងជំទាស់។
- អ្នកត្រូវតែទទួលបានការសម្រេចចិត្តក្នុងរយៈពេល 90 ថ្ងៃ ប្រតិទិនបន្ទាប់ពីអ្នកបានប្តឹងជំទាស់។
- ប្រសិនបើអ្នកស្នើសុំការបន្តសុពលភាព កាលកំណត់ទាំងនេះនឹងត្រូវបានពន្យារពេល។
(10.20) តើអ្វីទៅជាការប្រជុំក្រៅផ្លូវការ?
ការប្រជុំក្រៅផ្លូវការ ជាការប្រជុំរវាងអ្នកនិងនាយករដ្ឋបាលមជ្ឈមណ្ឌលក្នុងតំបន់។ នៅពេលអ្នកដាក់ទម្រង់បែបបទស្នើសុំសវនាការយុត្តិធម៌ អ្នកអាចស្នើសុំកិច្ចប្រជុំក្រៅផ្លូវការមួយ និងការសម្របសម្រួលមួយនៅមុនពេលសវនាការ។ ប្រសិនបើអ្នកមានកិច្ចប្រជុំក្រៅផ្លូវការណាមួយ មជ្ឈមណ្ឌលក្នុងតំបន់ ត្រូវផ្តល់កិច្ចប្រជុំនេះក្នុងរយៈពេល 10 ថ្ងៃ បន្ទាប់ពីទទួលបានសំណើសុំសវនាការយុត្តិធម៌របស់អ្នក លើកលែងតែអ្នកឯកភាពទៅលើកាលបរិច្ឆេទផ្សេងទៀត។ កិច្ចប្រជុំក្រៅផ្លូវការ គឺជាជំហានដំបូងនៅក្នុងដំណើរការសវនាការ។ អ្នកពុំចាំបាច់ត្រូវមានកិច្ចប្រជុំក្រៅផ្លូវការទេ ប្រសិនបើអ្នកមិនត្រូវការវាទេនោះ។ អ្នកតំណាងរបស់អ្នកអាចមានវត្តមាននៅនោះ ប្រសិនបើអ្នកមាន។ [[§ 4710.7.]]
នេះគឺជាឱកាសរបស់អ្នកដើម្បីជួបគ្នាជាមួយមជ្ឈមណ្ឌលក្នុងតំបន់ និងដើម្បីបញ្ចុះបញ្ចូលពួកគេឱ្យផ្តល់ដល់អ្នកនូវសេវាដែលអ្នកត្រូវការ។ បើទោះបីជាអ្នកមិនឯកភាពក៏ដោយ អ្នកនៅតែអាចយល់ពីខាងមជ្ឈមណ្ឌលក្នុងតំបន់ និងព្យាយាមឯកភាពទៅលើចំណុចមួយចំនួន។
ក្រោយការប្រជុំ មជ្ឈមណ្ឌលក្នុងតំបន់មានរយៈពេល 5 ថ្ងៃ ដើម្បីផ្ញើឱ្យអ្នកនូវសេចក្តីសម្រេចជាលាយលក្ខណ៍អក្សរ។ [[§ 4710.7(b).]] សេចក្តីសម្រេចត្រូវរាយរាល់បញ្ហាទាំងអស់នៅក្នុងបណ្តឹងជំទាស់ និងសម្រេចទៅលើបញ្ហានីមួយៗ។ វាក៏ត្រូវតែនិយាយពីអង្គហេតុ ច្បាប់ បទបញ្ញត្តិ និងគោលនយោបាយនានា ដែលមជ្ឈមណ្ឌលក្នុងតំបន់ប្រើដើម្បីធ្វើសេចក្តីសម្រេចចិត្តរបស់ខ្លួន។
ប្រសិនបើអ្នកឯកភាពជាមួយនឹងការសម្រេចក្រៅផ្លូវការ អ្នកអាចបដិសេធសំណើសុំសវនាការរបស់អ្នកបាន។ អនុវត្តបែបនេះដោយបំពេញទម្រង់បែបបទ “ការជូនដំណឹងពីដំណោះស្រាយ” ដែលមជ្ឈមណ្ឌលក្នុងតំបន់ផ្តល់ជូន ដែលអាចស្វែងរកបានផងដែរនៅលើ៖ https://www.dds.ca.gov/wp-content/uploads/2019/05/DS1804.pdf
សេចក្តីសម្រេចនឹងចូលជាធរមាននៅក្នុងរយៈពេល 10 ថ្ងៃ បន្ទាប់ពីមជ្ឈមណ្ឌលក្នុងតំបន់ទទួលបានទម្រង់ បែបបទ “ការជូនដំណឹងពីដំណោះស្រាយ” របស់អ្នក [[§ 4710.9(a).]]។
ប្រសិនបើអ្នកមិនឯកភាពជាមួយនឹងសេចក្តីសម្រេចក្រៅផ្លូវការទេ អ្នកនៅតែអាចទៅរកការសម្របសម្រួលបានប្រសិនបើអ្នក និងមជ្ឈមណ្ឌលក្នុងតំបន់បានឯកភាពគ្នា។ អ្នកក៏នៅតែអាចទៅរកសវនាការដោយយុត្តិធម៌បាន។ [[§ 4710.9(b).]]
(10.21) តើអ្វីទៅជាសិទ្ធិរបស់ខ្ញុំដើម្បីទទួលបានអ្នកបកប្រែភាសានៅក្នុងកិច្ចប្រជុំក្រៅផ្លូវការ?
កិច្ចប្រជុំក្រៅផ្លូវការត្រូវធ្វើឡើងជាភាសាអង់គ្លេស។ ប្រសិនបើអ្នកមិនចេះនិយាយភាសាអង់គ្លេសទេ មជ្ឈមណ្ឌលក្នុងតំបន់ត្រូវតែផ្តល់ និងបង់ថ្លៃអ្នកបកប្រែភាសាឱ្យអ្នក។ [[§ 4710.8(c).]]
ពួកគេក៏ត្រូវតែផ្តល់ដល់អ្នកផងដែរនូវអ្នកបកប្រែភាសាប្រសិនបើមាននរណាម្នាក់ទៅចូលរួមកិច្ចប្រជុំក្រៅផ្លូវការជាមួយអ្នក (ដូចជាឪពុកម្តាយ ឬ អ្នកអាណាព្យាបាល) ដែលមិនចេះនិយាយភាសាអង់គ្លេស។ អ្នកបកប្រែភាសាត្រូវតែអាចបកប្រែភាសាបានល្អ និងស្របទៅតាមអ្នកដែលត្រូវការអ្នកបកប្រែភាសា និងនាយកមជ្ឈមណ្ឌលក្នុងតំបន់។
(10.22) តើការសម្របសម្រួលជាអ្វី? (ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023)
ការសម្របសម្រួលជាជំហានបន្ទាប់នៅក្នុងដំណើរការបណ្តឹងជំទាស់ ប្រសិនបើអ្នកមិនឯកភាពទៅតាមការសម្រេចក្នុងកិច្ចប្រជុំក្រៅផ្លូវការរបស់មជ្ឈមណ្ឌលក្នុងតំបន់ទេនោះ។ ប៉ុន្តែ គូភាគីទាំងពីរត្រូវតែឯកភាពគ្នាចំពោះការទៅរកការសម្របសម្រួល។ [[§ 4707.]] អ្នក ឬ មជ្ឈមណ្ឌលក្នុងតំបន់អាចនិយាយបានថា អ្នកមិនចង់បានការសម្របសម្រួលទេ។ ប្រសិនបើមានករណីនេះមែន អ្នកនឹងទទួលបានសវនាការ។ [[§§ 4710.9(b); 4711.5(b).]] មជ្ឈមណ្ឌលក្នុងតំបន់មានរយៈពេល 5 ថ្ងៃ នៃថ្ងៃធ្វើការក្រោយពីវាទទួលបានបណ្តឺងជំទាស់ជាលាយលក្ខណ៍អក្សរចែងថា ឯកភាព ឬ បដិសេធទៅលើការសម្របសម្រួលនោះ។ ប្រសិនបើមជ្ឈមណ្ឌលក្នុងតំបន់ បដិសេធការសម្របសម្រួលនេះ ពួកគេនឹងត្រូវរាយការណ៍ប្រាប់អ្នកឱ្យបានដឹងភ្លាមៗ។ មជ្ឈមណ្ឌលក្នុងតំបន់ភាគច្រើនបដិសេធចំពោះការសម្របសម្រួល។ ប្រសិនបើអ្នកស្នើសុំការសម្របសម្រួលបញ្ហា ហើយមជ្ឈមណ្ឌលក្នុងតំបន់បានបដិសេធ នោះជំហានបន្ទាប់ គឺត្រូវអនុវត្តសវនាការយុត្តិធម៌មួយ។
គ្រប់គ្នាគួរតែពិចារណាទៅលើការសម្របសម្រួល។ ការសម្របសម្រួលគឺជាគំនិតល្អពីព្រោះវាផ្តល់ជូនដល់អ្នកនិងមជ្ឈមណ្ឌលក្នុងតំបន់នូវឱកាសមួយទៀតក្នុងការសម្រេចឱ្យបាននូវការព្រមព្រៀងមួយ។ ប្រសិនបើអ្នកគិតថា ពុំមានសង្ឃឹមថានឹងមានការព្រមព្រៀងគ្នាណាមួយទេនោះ អ្នកអាចបដិសេធបាន។ នេះហៅថាការសម្រេចមិនធ្វើការសម្របសម្រួល។ ប៉ុន្តែ មានមនុស្សជាច្រើនដែលគិតថា គ្មានសង្ឃឹមនឹងមានការព្រមព្រៀងគ្នា ដែលសម្រេចឡើងតាមការសម្របសម្រួលនោះទេ។
អ្នកសម្របសម្រួលគឺជាមនុស្សឯករាជ្យ អ្នកមានវិជ្ជាជីវៈដែលទទួលបានការបណ្តុះបណ្តាលពីការិយាល័យសវនាការរដ្ឋបាល (OAH)។ ពួកគេជួបជាមួយអ្នក និងតំណាងរបស់មជ្ឈមណ្ឌលក្នុងតំបន់។ ប្រសិនបើអ្នក និងមជ្ឈមណ្ឌលក្នុងតំបន់ឯកភាពគ្នារកការសម្របសម្រួល វាត្រូវតែធ្វើឡើងក្នុងរយៈពេល 30 ថ្ងៃ ក្រោយពីមជ្ឈមណ្ឌលក្នុងតំបន់ទទួលបានសំណើសុំប្តឹងជំទាស់របស់អ្នក។ [[§ 4711.5(c)(2)។ ប្រសិនបើអ្នកជ្រើសយកការសម្របសម្រួល អ្នកអាចនឹងត្រូវឯកភាពគ្នាពន្យារកាលបរិច្ឆេទកំណត់សម្រាប់សវនាការ និងការសម្រេចរបស់សវនាការ។]]
អ្នកសម្របសម្រួលត្រូវបានទទួលការបណ្តុះបណ្តាលឱ្យជួយដល់អ្នកពិនិត្យទៅលើដំណោះស្រាយថ្មី ឬ ខុសពីមុនទៅនឹងបញ្ហា។ ពួកគេអង្គុយជជែកជាមួយអ្នក និងមជ្ឈមណ្ឌលក្នុងតំបន់ ព្យាយាមស្វែងរកដំណោះស្រាយទៅលើការមិនឯកភាពរបស់អ្នក។ ជួនកាលអ្នកសម្របសម្រួលជួបជាមួយអ្នក និងមជ្ឈមណ្ឌលក្នុងតំបន់ដាច់ដោយឡែកពីគ្នា ហើយក៏ជួបជាមួយអ្នកទាំងពីរួមគ្នាផងដែរ។ អ្នកសម្របសម្រួលមិនធ្វើសេចក្តីសម្រេចទេ។ ពួកគេមិនអាចបង្ខំឱ្យអ្នកធ្វើអ្វីមួយបានទេ។
ជម្លោះជាច្រើនត្រូវបានដោះស្រាយតាមការសម្របសម្រួល។ នៅពេលអ្នកទៅរកការសម្របសម្រួល សូមត្រៀមខ្លួន។ សូមឱ្យយល់ពីឯកសារនានានៅក្នុងករណីបណ្តឹងរបស់អ្នក។ ដឹងពីអ្វីដែលសាក្សីរបស់អ្នកអាចនឹងឆ្លើយនៅក្នុងសវនាការរបស់អ្នក។ ធ្វើដូច្នេះ វាមានភាពងាយស្រួលដល់ការសម្រេចទៅលើការព្រមព្រៀងដែលអ្នកអាចនឹងចង់ធ្វើឡើងតាមការសម្របសម្រួល។ បើទោះបីជាការសម្របសម្រួលនេះពុំជោគជ័យក៏ដោយ ក៏អ្នកនឹងត្រូវមានព័ត៌មានបន្ថែមអំពីករណីរបស់មជ្ឈមណ្ឌលក្នុងតំបន់ដែលអាចជួយអ្នកឱ្យរៀបចំខ្លួនសម្រាប់សវនាការដោយយុត្តិធម៌មួយរបស់អ្នកបានផងដែរ។
ប្រសិនបើអ្នក និងមជ្ឈមណ្ឌលក្នុងតំបន់មិនអាចឈានដល់ការឯកភាពគ្នាតាមការសម្របសម្រួលទេ អ្នកគួរតែបដិសេធ (ដក) សំណើសុំសវនាការរបស់អ្នកចេញ។ សូមស្នើសុំទម្រង់បែបបទ “ការជូនដំណឹងពីដំណោះស្រាយ” ពីមជ្ឈមណ្ឌលក្នុងតំបន់។ សេចក្តីសម្រេចតាមការសម្របសម្រួលនឹងចូលជាធរមាននៅក្នុងរយៈពេល 10 ថ្ងៃ បន្ទាប់ពីមជ្ឈមណ្ឌលក្នុងតំបន់ទទួលបានទម្រង់បែបបទ “ការជូនដំណឹងពីដំណោះស្រាយ” របស់អ្នក។ [[§ 4711.7(a).]] សូមចុច ទីនេះ ដើម្បីទាញយកទម្រង់បែបបទជូនដំណឹងពីដំណោះស្រាយ។
ប្រសិនបើអ្នកមិនឈានទៅសម្រេចការព្រមព្រៀងគ្នាតាមការសម្របសម្រួលទេនោះ សម្បទាននានាធ្វើឡើងដើម្បីដោះស្រាយនឹងរក្សាទុកជាការសម្ងាត់ទាំងអស់។ សម្បទានទាំងឡាយមិនអាចត្រូវបានប្រើដោយអ្នក ឬ មជ្ឈមណ្ឌលក្នុងតំបន់នៅពេលក្រោយនៅក្នុងសវនាការដោយយុត្តិធម៌បានទេ។
ជំហានបន្ទាប់គឺជាសវនាការជាមួយនឹងមន្ត្រីសវនាការ។ [[§§ 4710.9(b); 4711.7(b).]] DDS ធ្វើកិច្ចសន្យាជាមួយនឹងការិយាល័យសវនាការរដ្ឋបាល (OAH) រដ្ឋ ដើម្បីបើកសវនាការ។ OAH ជួលមន្ត្រីសវនាការដែលរៀបចំសវនាការរបស់អ្នក។
ប្រសិនបើអ្នក ឬមជ្ឈមណ្ឌលក្នុងតំបន់បដិសេធទៅលើការសម្របសម្រួល ត្រូវប្រាកដថាអ្នកបានត្រៀមខ្លួនជាស្រេចសម្រាប់សវនាការយុត្តិធម៌របស់អ្នក។ សវនាការដោយយុត្តិធម៌របស់អ្នក អាចនឹងត្រូវរៀបចំឡើងមុន ប្រសិនបើអ្នកទៅរកការសម្របសម្រួលនោះ។ ប្រសិនបើអ្នកត្រូវការពេលវេលាបន្ថែមទៀតដើម្បីរៀបចំសវនាការនោះ អ្នកអាចស្នើសុំការលើកវារកាលបាន។ ការលើកវារកាលជាប្រភេទមួយនៃញត្តិ ដែលត្រូវតែអនុម័តដោយ OAH។
ចំណុចសំខាន់៖ ដំណើរការសម្របសម្រួលនេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023។
បន្ទាប់ពីថ្ងៃទី1 ខែមីនា ឆ្នាំ2023 មជ្ឈមណ្ឌលក្នុងតំបន់មិនអាចបដិសេធបានទេ ប្រសិនបើអ្នកស្នើសុំការសម្របសម្រួល។
ប្រសិនបើអ្នកនិងមជ្ឈមណ្ឌលក្នុងតំបន់ឈានដល់ការព្រមព្រៀងនៅពេលសម្របសម្រួល អ្នកសម្របសម្រួលរៀបចំដំណោះស្រាយជាលាយលក្ខណ៍អក្សរដែលលើកឡើងអំពីអ្វីដែលអ្នក និងមជ្ឈមណ្ឌលក្នុងតំបន់ព្រមព្រៀង។ អ្នកនិងមជ្ឈមណ្ឌលក្នុងតំបន់ចុះហត្ថលេខាលើដំណោះស្រាយជាលាយលក្ខណ៍អក្សរ។ ដំណោះស្រាយជាលាយលក្ខណ៍អក្សរចូលជាធរមានក្នុងរយៈពេល 10 ថ្ងៃ បន្ទាប់ពីអ្នកយល់ព្រម។
ប្រសិនបើអ្នកនិងមជ្ឈមណ្ឌលក្នុងតំបន់មិនឈានដល់ការយល់ព្រមនៅពេលសម្របសម្រួលទេ អ្នកនឹងចាំបាច់ត្រូវប្រាប់ដល់មជ្ឈមណ្ឌលក្នុងតំបន់ និងអ្នកសម្របសម្រួលថា អ្នកចង់បន្តការធ្វើប្ដឹងជំទាស់ និងឡើងសវនាការ។
(10.23) តើញត្តិជាអ្វី?
ញត្តិ គឺជាសំណើសុំឱ្យចៅក្រមធ្វើសេចក្តីសម្រេចអ្វីមួយនៅមុនសវនាការដោយយុត្តិធម៌។ ឧទាហរណ៍មួយនៃញត្តិនោះ គឺញត្តិស្នើសុំបង់ប្រាក់ជំនួយដែលកំពុងរង់ចាំ ពីព្រោះតែមជ្ឈមណ្ឌលក្នុងតំបន់មិនបន្តផ្តល់សេវាកម្ម។ ឧទាហរណ៍ផ្សេងទៀតមានដូចជាញត្តិស្នើសុំផ្អាក/បន្តកាលបរិច្ឆេទបើកសវនាការ និងញត្តិអំពីដីកាកោះ។ អ្នកអាចដាក់ញត្តិបាន។ មជ្ឈមណ្ឌលក្នុងតំបន់ ក៏អាចដាក់ញត្តិបានផងដែរ។
មជ្ឈមណ្ឌលក្នុងតំបន់ បានដាក់ញត្តិដើម្បីបញ្ចប់ករណីនេះ។ ញត្តិបដិសេធដែលស្នើសុំឱ្យចៅក្រមមិនអនុញ្ញាតឱ្យមានសវនាការពីព្រោះអ្នកមិនមានសិទ្ធិក្នុងការទទួលបានសវនាការដោយយុត្តិធម៌នោះទេ។ ប្រភេទនៃញត្តិនេះ គឺកម្រនឹងកើតមានណាស់។ វាក៏មិនត្រូវទៅនឹងច្បាប់ផងដែរ ដែលចែងថាអ្នកជាធម្មតាមានសិទ្ធិទទួលបានសវនាការដោយយុត្តិធម៌នោះ។ ករណីលើកលែងកើតឡើងនៅពេលដែលពុំមាន “បញ្ហាចោទលើការពិត។” ករណីនេះអាចដោយសារតែច្បាប់ចែងថាគ្មានជនណាម្នាក់មានសិទ្ធិស្របច្បាប់ទទួលបានសេវាបន្តទៅទៀត បើទោះបីជាគេមានតម្រូវការវាប៉ុណ្ណាក៏ដោយ។
(10.24) តើធ្វើដូចម្តេចប្រសិនបើខ្ញុំចាំបាច់ត្រូវលើកពេល (បន្ត) សវនាការរបស់ខ្ញុំ?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
អ្នក ឬ មជ្ឈមណ្ឌលក្នុងតំបន់អាចសុំឱ្យការិយាល័យសវនាការរដ្ឋបាល (OAH) លើកពេលសវនាការទៅពេលក្រោយបាន។ ដំណើរការនេះមានឈ្មោះថា ការស្នើសុំ “ការលើកវារកាល។” [[§ 4712.]] អ្នកត្រូវមាន “មូលហេតុត្រឹមត្រូវ” សម្រាប់ឱ្យ OAH ផ្តល់ការអនុញ្ញាតចំពោះសំណើសុំរបស់អ្នក។ “មូលហេតុត្រឹមត្រូវ” មានន័យថាមូលហេតុល្អណាមួយ។
អ្នកអាចសុំលើកពេលសវនាការទៅពេលក្រោយបានប្រសិនបើ៖
- សាច់ញាតិជិត (ដូចជាប្តី/ប្រពន្ធ ឳពុកម្តាយ កូន ។ល។) ស្លាប់។ ឬ ប្រសិនបើតំណាងស្របច្បាប់របស់អ្នក អ្នកអាណាព្យាបាលស្របច្បាប់ ឬ អ្នករក្សាស្លាប់បាត់បង់ជីវិត។ [[§ 4712(a)(1).]]
- អ្នកមានជំងឺ ឬ តំណាងស្របច្បាប់របស់អ្នកមានជំងឺ។ [[§ 4712(a)(2).]]
- មានករណីសង្រ្គោះបន្ទាន់។ ឧទាហរណ៍ ប្រសិនបើតំណាងរបស់អ្នកត្រូវឡើងតុលាការ ឬ មានកាលវិភាគជាន់គ្នាហួសពីអ្វីដែលគេអាចគ្រប់គ្រងបាន។ [[§ 4712(a)(3).]]
- ភ័ស្តុតាង ឬ សាក្សីរបស់អ្នកមិនទំនេរ ហើយមិនមានសាក្សី ឬ ភ័ស្តុតាង នឹងប៉ះពាល់ធ្ងន់ធ្ងរដល់ករណីរបស់អ្នក។ [[§ 4712(a)(4).]]
ដើម្បីពន្យារកាលបរិច្ឆេទសវនាការរបស់អ្នក អ្នកត្រូវដាក់ “ញត្តិស្នើសុំបន្តសវនាការ និងការបដិសេធពេលវេលាសវនាការ”។ នេះគឺជាតំណភ្ជាប់ទៅកាន់ទម្រង់បែបបទញត្តិនេះ៖ https://www.dgs.ca.gov/OAH/Case-Types/General-Jurisdiction/Services/Page-Content/General-Jurisdiction-Services-List-Folder/How-do-I-request-a-Continuance. ទម្រង់បែបបទ មានចន្លោះទំនេរដែលអ្នកចាំបាច់ពន្យល់ពីមូលហេតុដែលអ្នកត្រូវការដើម្បីលើកពេលសវនាការដោយយុត្តិធម៌ទៅពេលក្រោយ។ អ្នកអាចនឹងភ្ជាប់ឯកសារណាមួយដែលគាំទ្រដល់តម្រូវការរបស់អ្នកសម្រាប់ការសុំលើកពេលសវនាការទៅពេលក្រោយ។
ទម្រង់បែបបទ ប្រាប់អ្នកឱ្យហៅតំណាងពីមជ្ឈមណ្ឌលក្នុងតំបន់ និងសាកសួរថាតើគាត់នឹងឯកភាពបន្តសវនាការយុត្តិធម៌ដែរឬទេ។ នៅក្នុងចម្លោះដែលមានផ្តល់ជូននៅលើទម្រង់បែបបទនេះ សូមសរសេរឈ្មោះ និងលេខទូរស័ព្ទរបស់បុគ្គលនៅមជ្ឈមណ្ឌលក្នុងតំបន់ដែលអ្នកជជែកជាមួយ។ សរសេរលើទម្រង់បែបបទថាតើបុគ្គលនោះបានយល់ព្រម ឬជំទាស់ទៅនឹងការបន្តក្តីនេះដែរឬទេ។
អ្នកនិងអ្នកតំណាងរបស់អ្នក គប្បីចុះហត្ថលេខាលើផ្នែកដែលមានចំណងជើងថា “ការបដិសេធចំពោះពេលវេលាដែលកំណត់ដោយច្បាប់សម្រាប់សវនាការយុត្តិធម៌ និងសេចក្តីសម្រេចក្រោមច្បាប់ Lanterman Act”។ ដើម្បីផ្តល់ការលើកវារកាលបាន អ្នកត្រូវតែយល់ព្រម “បដិសេធ” លើកាលបរិច្ឆេទផុតកំណត់សវនាការ។ នេះមានន័យថា អ្នកយល់ព្រមឱ្យសវនាការដោយយុត្តិធម៌នឹងធ្វើឡើងនៅពេលយូរជាង 50 ថ្ងៃ ក្រោយពីមជ្ឈមណ្ឌលក្នុងតំបន់ទទួលបានសំណើរបស់អ្នក។
សូមផ្ញើទម្រង់បែបបទនៃការបន្តក្តីដែលបានបំពេញរួចទៅកាន់ OAH។ OAH ពុំទទួលយកឯកសារតាមទូរសារនោះទេ។ អ្នកអាចផ្ញើឯកសារតាមប្រៃសណីយ៍ទៅកាន់ OAH ឬទូរស័ព្ទទៅកាន់ OAH ដើម្បីសួរនាំពីរបៀបផ្ញើឯកសារតាមប្រព័ន្ធអេឡិចត្រូនិកបាន។ អ្នកក៏អាចស្វែងរកព័ត៌មានអំពីរបៀបផ្ញើឯកសារតាមប្រព័ន្ធអេឡិចត្រូនិកនៅលើគេហទំព័ររបស់ OAH បានផងដែរ៖ https://www.dgs.ca.gov/OAH/Services/Page-Content/Office-of-Administrative-Hearings-Services-List-Folder/File-or-Upload-OAH-Case-Documents។
ប្រសិនបើអ្នកពុំមានពេលគ្រប់គ្រាន់ដើម្បីផ្ញើញត្តិជាលាយលក្ខណ៍អក្សរដើម្បីសុំការលើកវារកាល សូមទូរស័ព្ទទៅកាន់ OAH និងស្នើសុំការលើកសវនាការទៅពេលក្រោយតាមទូរស័ព្ទបាន។ បន្ទាប់ពីអ្នកប្តូរទៅបន្តសវនាការដោយយុត្តិធម៌នោះ អ្នកអាចមើលនៅលើគេហទំព័រ OAH ដើម្បីឱ្យដឹងថាតើញត្តិនោះទទួលបានការអនុញ្ញាតហើយឬនៅ។ អ្នកនឹងចាំបាច់បញ្ចូលលេខសំណុំឯកសារ OAH របស់អ្នក ដើម្បីស្វែងរកនៅលើគេហទំព័រនេះ៖ https://www.dgs.ca.gov/OAH/Case-Types/General-Jurisdiction/Resources/Page-Content/General-Jurisdiction-Resources-List-Folder/Continuance-Ruling-Search
ចំណុចសំខាន់៖ នៅថ្ងៃទី1 ខែមីនា ឆ្នាំ2023 សិទ្ធិរបស់អ្នកក្នុងការពន្យារពេលសវនាការ នឹងផ្លាស់ប្តូរ។
- សំណើលើកទីមួយរបស់អ្នកសម្រាប់ការបន្តសុពលភាព នឹងត្រូវបានផ្តល់ជូនដោយស្វ័យប្រវត្តិ។ អ្នកពុំចាំបាច់ត្រូវមានហេតុផលសមស្របនោះទេ។
- សំណើសុំបន្ថែមណាមួយ នឹងមិនត្រូវបានផ្តល់ជូនដោយស្វ័យប្រវត្តិនោះទេ។ អ្នកចាំបាច់ត្រូវមានហេតុផលសមស្របសម្រាប់គ្រប់សំណើទាំងអស់បន្ទាប់ពីសំណើលើកទីមួយ។
(10.25) តើខ្ញុំអាចលុបសវនាចោលបានយ៉ាងដូចម្តេច?
ប្រសិនបើសំណើសុំបន្ត/ពន្យារសវនាការរបស់អ្នកត្រូវបានបដិសេធ ឬអ្នកមិនបានត្រៀមខ្លួនគ្រប់គ្រាន់ទេនោះ អ្នកអាចស្នើសុំដកខ្លួនពីសវនាការបាន “ដោយគ្មានផលប៉ះពាល់” អ្វីឡើយ។ នេះមានន័យថា ការដកខ្លួនរបស់អ្នកចេញពីសវនាការយុត្តិធម៌នេះ នឹងមិនប៉ះពាល់ដល់សិទ្ធិរបស់អ្នកក្នុងការប្តឹងជំទាស់ចំពោះបញ្ហានេះនៅពេលក្រោយឡើយ។ វាអាចជាការល្អក្នុងការដកពាក្យបណ្តឹងដោយគ្មានផលប៉ះពាល់ ជាជាងការចូលរួមក្នុងសវនាការដោយពុំបានត្រៀមខ្លួន។ OAH តម្រូវឱ្យអ្នកបំពេញទម្រង់បែបបទជូនដំណឹងពីដំណោះស្រាយ។ នេះគឺជាតំណភ្ជាប់ទៅកាន់ទម្រង់បែបបទនេះ៖ https://www.dds.ca.gov/wp-content/uploads/2019/05/DS1804.pdf.
(10.26) តើធ្វើដូចម្តេចប្រសិនបើខ្ញុំសម្រេចឱ្យមានសវនាការ?
ជំហានចុងក្រោយនៅក្នុងដំណើរការបណ្តឹងជំទាស់ គឺជាសវនាការយុត្តិធម៌។ សវនាការយុត្តិធម៌នេះប្រព្រឹត្តទៅក្នុងរយៈពេល 50 ថ្ងៃ ក្រោយសំណើសុំសវនាការយុត្តិធម៌របស់អ្នក លើកលែងតែអ្នក ឬមជ្ឈមណ្ឌលក្នុងតំបន់ស្នើសុំបន្ត (ពន្យារពេល) សម្រាប់មូលហេតុសមស្របណាមួយ។ ប្រសិនបើអ្នកព្យាយាមប្រើការសម្របសម្រួល សវនាការរបស់អ្នកអាចនឹងធ្វើឡើងនៅពេលក្រោយ។ អ្នក និងមជ្ឈមណ្ឌលក្នុងតំបន់ ត្រូវផ្ញើជូនគ្នាទៅវិញទៅមកនូវភ័ស្តុតាងរបស់អ្នក និងបញ្ជីសាក្សីក្នុងរយៈពេល 5 ថ្ងៃ ប្រតិទិនមុនពេលសវនាការយុត្តិធម៌របស់អ្នក។ សវនាការយុត្តិធម៌ គឺត្រូវធ្វើឡើងនៅចំពោះមុខចៅក្រមច្បាប់រដ្ឋបាល (មន្ត្រីសវនាការ) ម្នាក់មកពីការិយាល័យសវនាការរដ្ឋបាល (Office of Administrative Hearings, OAH)។ នៅក្នុងសវនាការយុត្តិធម៌ មជ្ឈមណ្ឌលក្នុងតំបន់ ត្រូវបង្ហាញករណីរបស់ខ្លួនជាមុន។ មន្ត្រីសវនាការនឹងចេញសេចក្តីសម្រេចជាលាយលក្ខណ៍អក្សរក្នុងពេលប្រហែលជា 10 ថ្ងៃ បន្ទាប់ពីសវនាការយុត្តិធម៌នោះ។
(10.27) តើខ្ញុំទៅស្នើសុំសវនាការយុត្តិធម៌នៅឯណា?
សវនាការរបស់អ្នកគួរតែធ្វើឡើងទៅតាមពេលវេលា និងទីកន្លែងដែលងាយស្រួលដល់អ្នក។ អ្នកនិងមជ្ឈមណ្ឌលក្នុងតំបន់ត្រូវតែឯកភាពទៅលើទីតាំងសម្រាប់សវនាការយុត្តិធម៌របស់អ្នក។ [[§ 4712(e).]] សវនាការភាគច្រើន ត្រូវបានរៀបចំធ្វើឡើងនៅមជ្ឈមណ្ឌលក្នុងតំបន់។ អ្នកអាចស្នើសុំឱ្យមានសវនាការនៅឯការិយាល័យសវនាការរដ្ឋបាល [[OAH មានការិយាល័យជាច្រើននៅ Sacramento, Oakland, downtown Los Angeles, និង San Diego។ OAH ក៏មានការិយាល័យអប់រំពិសេសនៅ Van Nuys និង Irvine ផងដែរ។ អ្នកខ្លះដែលបានពាក់ព័ន្ធនឹងបណ្តឹងជំទាស់ចែងថា ការប្រើប្រាស់ការិយាល័យ OAH មានអារម្មណ៍ “អព្យាក្រឹត្យ” ជាងប្រើប្រាស់ការិយាល័យមជ្ឈមណ្ឌលក្នុងតំបន់។]] ឬ កន្លែងផ្សេងមួយចំនួនទៀត។ [[ប្រសិនបើអ្នកត្រូវការវេជ្ជបណ្ឌិតដើម្បីផ្តល់សក្ខីកម្មនៅសវនាការ ប៉ុន្តែមិនអាចមានលទ្ធភាពបង់ថ្លៃឱ្យគាត់បាន ឬ វេជ្ជបណ្ឌិតរបស់អ្នកមិនចាកចេញពីអ្នកជំងឺរបស់គាត់បានទេនោះ សូមគិតអំពីការកំណត់កាលវិភាគសវនាការនៅកន្លែងដែលវេជ្ជបណ្ឌិតស្ថិតនៅ – ដោយមានការអនុញ្ញាតពីវេជ្ជបណ្ឌិតច្បាស់លាស់ – ដើម្បីឱ្យវេជ្ជបណ្ឌិតរបស់អ្នកអាចមកចូលរួមផ្តល់សក្ខីកម្មបានក្នុងចន្លោះពេលដែលគាត់ក៏អាចមើលអ្នកជំងឺបានផងដែរ។]]
(10.28) តើខ្ញុំផ្លាស់ប្តូរបញ្ជីសាក្សីនិងឯកសារ (ភ័ស្តុតាង) ជាមួយមជ្ឈមណ្ឌលក្នុងតំបន់ដោយរបៀបណា?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
ភ័ស្តុតាងរួមមានសក្ខីកម្មរបស់សាក្សីនិងឯកសារដែលគាំទ្រដល់ករណីរបស់អ្នក។ សាក្សីទាំងឡាយគឺជាបុគ្គលទាំងឡាយ (រួមទាំងខ្លួនអ្នកផង) និងឯកសារនានាបោះពុម្ពជាក្រដាស។ យ៉ាងហោចណាស់ 5 ថ្ងៃ ប្រតិទិនមុនសវនាការយុត្តិធម៌ អ្នកនិងមជ្ឈមណ្ឌលក្នុងតំបន់ត្រូវធ្វើការផ្លាស់ប្តូរបញ្ជីសាក្សី និងសំណៅថតចម្លងឯកសារនានាដែលអ្នកចង់ប្រើប្រាស់នៅក្នុងសវនាការ។ [[§ 4712(d).]] នោះមានន័យថា ទាំងអ្នកនិងមជ្ឈមណ្ឌលក្នុងតំបន់ គួរតែមាននៅក្នុងដៃនូវឯកសារ និងបញ្ជីសាក្សីរៀងៗខ្លួនក្នុងរយៈពេល 5 ថ្ងៃ មុនពេលសវនាការ។ បញ្ជីសាក្សីត្រូវតែខ្លី រៀបរាប់ពីអ្វីដែលសាក្សីម្នាក់ៗនឹងផ្តល់សក្ខីកម្ម។ ចៅក្រមអាចនឹងមិនអនុញ្ញាតឱ្យអ្នកបង្ហាញសាក្សីនិងឯកសារទេ ប្រសិនបើអ្នកមិនប្រាប់ដល់មជ្ឈមណ្ឌលក្នុងតំបន់អំពីពួកគេ 5 ថ្ងៃ មុនសវនាការ។
ដើម្បីឱ្យសាក្សីដែលនឹងមិនយល់ព្រមធ្វើសក្ខីកម្មចូលរួម អ្នកត្រូវតែធ្វើដីកាកោះដល់ពួកគេ។ ដីកាកោះសាក្សី គឺជាដីកាស្របច្បាប់ដែលបង្ខំពួកគេឱ្យចូលរួមក្នុងសវនាការយុត្តិធម៌ដើម្បីផ្តល់សក្ខីកម្ម។ កោះហៅសាក្សី និងស្នើសុំឱ្យសាក្សីធ្វើសក្ខីកម្មភ្លាមៗនៅពេលដែលអ្នកទទួលបានកាលបរិច្ឆេទសវនាការ ដើម្បីឱ្យពួកគេអាចមានវត្តមានចូលរួមបាន។ ទម្រង់បែបបទសវនាការ រួមមានទម្រង់បែបបទដីកាកោះសាក្សីនៅទីនេះ៖ https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms
ចំណុចសំខាន់៖ នៅថ្ងៃទី1 ខែមីនា ឆ្នាំ2023 ការផ្លាស់ប្តូរគ្នាទៅវិញទៅមកនូវសាក្សីនិងឯកសារ នឹងត្រូវផ្លាស់ប្តូរ។
មជ្ឈមណ្ឌលក្នុងតំបន់ត្រូវតែផ្តល់ឱ្យអ្នក និង OAH នូវការអះអាងបញ្ជាក់អំពីគោលជំហរ ក្នុងរយៈពេលពីរថ្ងៃធ្វើការមុនពេលសវនាការ។ ការបញ្ជាក់អះអាងនេះនឹងត្រូវបានផ្ញើជូនតាមអ៊ីមែល លើកលែងតែអ្នកចង់ទទួលបានវាតាមវិធីផ្សេងទៀត។
- ការបញ្ជាក់អះអាងនេះអំពីគោលជំហរនេះត្រូវតែធ្វើឡើងជាភាសាដែលអ្នក និងអ្នកតំណាងដែលទទួលបានការអនុញ្ញាតរបស់អ្នកចង់បាន។
- ការបញ្ជាក់អះអាងពីស្ថានភាពនេះត្រូវតែផ្តល់នូវអង្គហេតុអំពីការសម្រេចចិត្តរបស់មជ្ឈមណ្ឌលក្នុងតំបន់ និងមូលហេតុសម្រាប់ការសម្រេចចិត្តនោះ។
- វាត្រូវតែបញ្ជាក់ថា នរណានឹងក្លាយជាសាក្សីរបស់មជ្ឈមណ្ឌលក្នុងតំបន់។ វាត្រូវតែមានគ្រប់ឯកសារទាំងអស់ដែលមជ្ឈមណ្ឌលក្នុងតំបន់ប្រើប្រាស់នៅពេលសវនាការ។
អ្នកមិនចាំបាច់ផ្តល់ការបញ្ជាក់អះអាងអំពីគោលជំហរនោះទេ លើកលែងតែមានមេធាវីតំណាងរូបអ្នក។ ប៉ុន្តែ អ្នកត្រូវតែផ្តល់ឱ្យមជ្ឈមណ្ឌលក្នុងតំបន់ និងការិយាល័យសវនាការ នូវព័ត៌មានមួយចំនួនក្នុងរយៈពេលពីរថ្ងៃធ្វើ់ការមុនសវនាការ។ ព័ត៌មានដែលអ្នកត្រូវតែចែករំលែករួមមាន៖
- បញ្ជីរាយនាមបុគ្គលនានាដែលអ្នកចង់ផ្តល់សក្ខីកម្មនៅពេលសវនាការ។ អ្នកត្រូវរៀបរាប់ថាតើបុគ្គលទាំងនេះមានទំនាក់ទំនងដូចម្តេចជាមួយនឹងអ្នក។ ឧទាហរណ៍ តើបុគ្គលនោះជាសមាជិកគ្រួសារ ឬអ្នកព្យាបាល ឬវេជ្ជបណ្ឌិត។
- សំណៅចម្លងនៃការវាយតម្លៃវិជ្ជាជីវៈ ឬរបាយការណ៍ដែលអ្នកនឹងប្រើប្រាស់នៅពេលសវនាការ។ ឧទាហរណ៍ របាយការណ៍ពីវេជ្ជបណ្ឌិត ឬអ្នកព្យាបាល។
- ប្រសិនបើអ្នកគ្រោងនឹងប្រើប្រាស់ឯកសារផ្សេងៗនៅពេលសវនាការ អ្នកអាចផ្តល់សំណៅចម្លងនៃឯកសារទាំងនោះនៅមុន ឬអំឡុងពេលធ្វើសវនាការ។
(10.29) តើខ្ញុំជ្រើសរើសឯកសារនិងសាក្សីសម្រាប់សវនាការរបស់ខ្ញុំដោយរបៀបណា?
ជាដំបូង ពិនិត្យឡើងវិញទៅលើសំណុំឯកសារមជ្ឈមណ្ឌលក្នុងតំបន់របស់អ្នក និងឯកសារផ្សេងទៀតដែលអ្នកមាន។ យកច្បាប់ថតចម្លងគ្រប់ឯកសារទាំងអស់៖
- ដែលគាំទ្រដល់ករណីរបស់អ្នក។
- ដែលពិភាក្សាដល់តម្រូវការ និងព័ត៌មានពីសាវតាររបស់អ្នក។
- ដែលគាំទ្រដល់ជំហររបស់មជ្ឈមណ្ឌលក្នុងតំបន់។ ពួកគេនឹងជួយគិតដល់របៀបឆ្លើយតប។
- ពីកន្លែងទាំងឡាយផ្សេងទៀតក្រៅតែពីសំណុំឯកសារមជ្ឈមណ្ឌលក្នុងតំបន់របស់អ្នក ដែលនឹងជួយដល់ករណីរបស់អ្នក (ឧទាហរណ៍៖ ឯកសារពាក់ព័ន្ធផ្នែកវេជ្ជសាស្រ្ត សាលា ឬ ឯកសារសន្តិសុខសង្គម)។ [[សម្រាប់ជាឧទាហរណ៍ ភ័ស្តុតាងបានពីវេជ្ជបណ្ឌិត គ្រូពេទ្យរូបសាស្រ្ត និងគ្រូពេទ្យព្យាបាលស្តារនីតិសម្បទា គ្រូពេទ្យប្រសាទ សំណុំឯកសារវេជ្ជសាស្រ្ត ឯកសារនានាបានពីរដ្ឋបាលសន្តិសុខសង្គម ឯកសារអប់រំពិសេសបានពីសាលា ។ល។]]
គិតពីអ្វីដែលជាទឡ្ហីករណ៍នានា ដែលមជ្ឈមណ្ឌលក្នុងតំបន់នឹងលើកឡើង។ តើអ្នកនឹងត្រូវឆ្លើយតបតាមរបៀបណា? មើលទៅលើការសម្រេចនានានៅក្នុងសវនាការផ្សេងដែលមានបញ្ហាប្រហាក់ប្រហែល។ អ្នកអាចស្វែងរកពួកវាតាមអនឡាញនៅលើ https://www.dgs.ca.gov/OAH/Case-Types/General-Jurisdiction/Resources/DDS-Decisions
(10.30) តើខ្ញុំអាចកោះហៅសាក្សីបានដោយរបៀបណា?
ហៅទូរស័ព្ទទៅកាន់ការិយាល័យសវនាការរដ្ឋបាល (OAH) និងស្នើសុំដីកាកោះសាក្សី (អានថា “sub-PEE-NA”)។ [[អ្នកអាចមើលឃើញពីប្រតិទិនសវនាការ OAH បាន ដែលត្រូវបានចេញសេចក្តីសម្រេចរបស់សវនាការកន្លងមក និងទម្រង់បែបបទអនឡាញនានានៅលើ www.oah.dgs.ca.gov/default.htm. អ្នកក៏អាចព្រីនចេញនូវទម្រង់បែបបទដីកាកោះសាក្សី OAH បានផងដែរពី https://www.documents.dgs.ca.gov/oah/forms/oah1-subpoena.pdf.]] អ្នកគួរតែទទួលបានដីកាកោះសាក្សីសម្រាប់នរណាម្នាក់ដែលសក្ខីកម្មរបស់គេមានសារៈសំខាន់ចំពោះករណីរបស់អ្នក។ ធ្វើបែបនេះ ប្រសិនបើបុគ្គលនោះមិនអាចមកចូលរួមសវនាការបាន អ្នកមានមូលហេតុសមស្របដើម្បីស្នើសុំការលើកពេល (លើកពេលសវនាការ) ទៅពេលក្រោយបាន។ ប្រសិនបើអ្នកចង់ឱ្យបុគ្គលនោះយកមកជាមួយនូវឯកសារជាក់លាក់មកកាន់សវនាការ ស្នើសុំដីកាកោះភ្ជាប់ឯកសារពី OAH។ នៅខាងខ្នងនៃដីកាកោះសាក្សី ប្រាប់អ្នកអំពីរបៀបប្រគល់ឯកសារជូនសាក្សី។ សាក្សីឯកទេស ដូចជាវេជ្ជបណ្ឌិត អាចនឹងគិតថ្លៃសម្រាប់ការផ្តល់សក្ខីកម្ម។ ប្រសិនបើពួកគេគិតថ្លៃ អ្នកជាបុគ្គលដែលត្រូវបង់ថ្លៃនោះ។ [[ប្រសិនបើវេជ្ជបណ្ឌិត ឬ អ្នកជំនាញផ្សេងទៀតមិនអាចមានលទ្ធភាពចាកចេញពីអ្នកជំងឺរបស់គាត់បាន ឬ អ្នកមិនអាចមានលទ្ធភាពបង់ថ្លៃទេនោះ អ្នកអាចស្នើសុំការអនុញ្ញតពី OAH ឱ្យសាក្សីរបស់អ្នកធ្វើសក្ខីកម្មតាមទូរស័ព្ទបាន។ នេះជាការអនុវត្តទូទៅនៅក្នុងសវនាការយុត្តិធម៌កម្មវិធី Medi-Cal គ្រប់គ្រងដោយផ្នែកសវនាការយុត្តិធម៌របស់នាយកដ្ឋានសេវាសង្គម (Department of Social Services’ Fair Hearing Division)។ ផ្ញើសំណើរបស់អ្នកទៅកាន់ចៅក្រមកាត់ក្តី OAH និងផ្ញើច្បាប់ថតចម្លងមួយច្បាប់ទៅកាន់មជ្ឈមណ្ឌលក្នុងតំបន់។ សំណើរបស់អ្នកគួររួមបញ្ចូលនូវលេខសំណុំឯកសារករណី។ សូមទាក់ទង OAH តាមលេខ (916) 341-6990 អំពីទីកន្លែងដែលអ្នកត្រូវផ្ញើទូរសារ ឬ អ៊ីមែលនូវសំណើរបស់អ្នក។ ប្រសិនបើអ្នកជួបបញ្ហាទទួលបានការឯកភាពពី OAH ដើម្បីផ្តល់សក្ខីកម្មតាមទូរស័ព្ទនោះ សូមទាក់ទងទៅកាន់ Disability Rights California ឬ OCRA ភ្លាមៗ។]] ទម្រង់បែបបទសវនាការ រួមមានទម្រង់បែបបទដីកាកោះសាក្សីនៅទីនេះ៖ https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms
(10.31) តើសវនាការយុត្តិធម៌មានលក្ខណៈដូចម្តេច?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
សវនាការយុត្តិធម៌របស់អ្នកគឺមិនមានលក្ខណៈផ្លូវការដូចគ្នាទៅនឹងសវនាការនៅក្នុងតុលាការទេ។ ប៉ុន្តែ វាមានលក្ខណៈផ្លូវការជាងការប្រជុំក្រៅផ្លូវការ ឬ ការសម្របសម្រួល។
សវនាការត្រូវបានកត់ត្រាជាសម្លេង (សម្លេង) និងមិនមែនជាវីដេអូទេ។ ការថតសម្លេងរក្សាទុកនូវអ្វីៗដែលអ្នកគ្រប់គ្នានិយាយ។ [[§ 4712(k).]] មន្ត្រីសវនាការមកពីការិយាល័យសវនាការរដ្ឋបាល (OAH) ទទួលខុសត្រូវលើសវនាការ។ ALJ ស្តាប់សាក្សីដែលឆ្លើយតបទៅនឹងសំណួរទាំងឡាយពីអ្នក និងមជ្ឈមណ្ឌលក្នុងតំបន់។ សាក្សីស្បថថា ពួកគេនឹងផ្តល់សក្ខីកម្មដោយស្មោះត្រង់ ដែលគេហៅថា “ស្ថិតក្រោមសម្បថ។”
នៅសវនាការយុត្តិធម៌ អ្នកមានសិទ្ធិ៖
- បង្ហាញភ័ស្តុតាងជាលាយលក្ខណ៍អក្សរ និងភាសានិយាយ។
- ហៅទូរស័ព្ទទៅកាន់សាក្សីសម្រាប់ខាងអ្នក។ មានសាក្សីពីរប្រភេទ។ “សាក្សីធម្មតា” ជាអ្នកដែលដឹងពីការពិតដែលជួយដល់ករណីរបស់អ្នក។ “សាក្សីជំនាញ” ដូចជាវេជ្ជបណ្ឌិត និងចិត្តវិទូ ផ្តល់មតិយោបល់ប្រើប្រាស់ការបណ្តុះបណ្តាលជាពិសេសនិងបទពិសោធរបស់់ពួកគេ។
- មានអ្នកជួយគាំទ្រ មេធាវី ឬ អ្នកតំណាងផ្សេងទៀតនៅក្នុងសវនាការ។ ពួកគេអាចបង្ហាញពីករណីរបស់អ្នក ឬ ជួយអ្នករៀបចំករណីរបស់អ្នក។
- ស្នើសុំអ្នកបកប្រែពី OAH ប្រសិនបើអ្នក ឬ សាក្សីរបស់អ្នកមិនចេះនិយាយភាសាអង់គ្លេស។ [[§§ 4712(h); 4701(f).]]
ចំណុចសំខាន់៖ មន្ត្រីសវនាការត្រូវតែប្រព្រឹត្តចំពោះអ្នកខុសពីគេ បន្ទាប់ពីថ្ងៃទី1 ខែមីនា ឆ្នាំ2023។
មន្ត្រីសវនាការត្រូវលើកទឹកចិត្តឱ្យមានការផ្លាស់ប្តូរព័ត៌មានគ្នាទៅវិញទៅមកដោយសេរី និងដោយបើកចំហ និងធ្វើឱ្យសវនាការមានភាពយុត្តិធម៌និងក្រៅផ្លូវការ។ មន្ត្រីសវនាការត្រូវតែជួយអ្នកឱ្យបង្ហាញអង្គហេតុរបស់អ្នកដែលពាក់ព័ន្ធនឹងសំណុំរឿងរបស់អ្នក។ នេះហៅថា “អព្យាក្រិត្យភាពដែលមានការលើកទឹកចិត្ត”។ ដើម្បីជួយបង្ហាញអង្គហេតុ មន្ត្រីសវនាការអាចអនុវត្តដូចខាងក្រោម៖
- សាកសួរសាក្សីណាម្នាក់
- កោះហៅសាក្សីមកផ្តល់សក្ខីកម្មនៅក្នុងសវនាការ និង
- នៅពេលបញ្ចប់សវនាការ សូមផ្តល់ពេលវេលាបន្ថែមដើម្បីឱ្យសាក្សីផ្តល់សក្ខីកម្ម ឬផ្តល់ឯកសារផ្សេងទៀត។
(10.32) តើមានជំហានអ្វីខ្លះនៅក្នុងសវនាការយុត្តិធម៌?
- បង្ហាញពីឯកសារ ឬ ភ័ស្តុតាង – ចៅក្រមនីតិរដ្ឋបាល (មន្ត្រីសវនាការ) នឹងបង្ហាញពីឯកសារទាំងឡាយដែលអ្នកបានផ្លាស់ប្តូរជាមួយនឹងមជ្ឈមណ្ឌលក្នុងតំបន់ទៅជាភ័ស្តុតាង។ អ្នកអាចសុំការអនុញ្ញាតពីមន្ត្រីសវនាការ ដើម្បីដាក់បន្ថែមភ័ស្តុតាង ឬ សាក្សីដែលមិនបានផ្ញើទៅកាន់មជ្ឈមណ្ឌលក្នុងតំបន់ទាន់ពេល។ [[ដើម្បីកាត់បន្ថយទឡ្ហីករណ៍នៃបុរេវិនិច្ឆ័យរបស់មជ្ឈមណ្ឌលក្នុងតំបន់ចេញពីឯកសារ ឬ សាក្សីគួរឱ្យភ្ញាក់ផ្អើល ផ្តល់ដល់មជ្ឈមណ្ឌលក្នុងតំបន់នូវឯកសារ និងឈ្មោះនៃសាក្សីជាមួយនឹងសេចក្តីថ្លែងអំពីផ្នែកនៃសក្ខីកម្មឱ្យបានឆាប់តាមតែអាចធ្វើបាននៅមុនសវនាការ។ មន្ត្រីសវនាការទំនងជាអាចអនុញ្ញាតឱ្យអ្នកដើម្បីបង្ហាញឯកសារដែលអ្នកបានផ្តល់ 4 ថ្ងៃ មុនពេលសវនាការជាជាងឯកសារមជ្ឈមណ្ឌលក្នុងតំបន់ជាដំបូងដែលបានរៀននៅសវនាការ។]] មន្ត្រីសវនាការអាចយល់ស្រប ឬ បដិសេធបាន។ [[§ 4712(d).]] យកមកជាមួយច្បាប់ថតចម្លងចំនួន 3 ច្បាប់នៃឯកសាររបស់អ្នកទៅកាន់សវនាការ៖ មួយច្បាប់សម្រាប់មន្ត្រីសវនាការ (ភ័ស្តុតាង) មួយច្បាប់បង្ហាញទៅដល់សាក្សី និងមួយច្បាប់សម្រាប់ខ្លួនអ្នក។
- សេចក្តីថ្លែងបើកសវនាការ – បន្ទាប់ពីឯកសារទាំងឡាយត្រូវបានបញ្ចូលជាភ័ស្តុតាង មជ្ឈមណ្ឌលក្នុងតំបន់អាចធ្វើសេចក្តីថ្លែងបើកសំណុំរឿង និងបន្ទាប់មកអ្នកអាចធ្វើសេចក្តីថ្លែងបើកសំណុំរឿងបាន។ ការថ្លែងបើកសំណុំរឿងរបស់អ្នក គួរតែមានលក្ខណៈសង្ខេបខ្លីនៃករណីរបស់អ្នក។ សេចក្តីថ្លែងរបស់អ្នកលើកឡើងពីអ្វីដែលជាការមិនយល់ស្របរបស់អ្នក និងពីអ្វីដែលអ្នកចង់ឱ្យមន្ត្រីសវនាការចេញដីកា។
- សាក្សី – ក្រោយពីសេចក្តីថ្លែងបើកសំណុំរឿង មន្ត្រីសវនាការស្តាប់ការផ្តល់សក្ខីកម្មរបស់សាក្សី។ សាក្សីរបស់មជ្ឈមណ្ឌលក្នុងតំបន់ជាអ្នកថ្លែងមុន។ [[§ 4712(j).]] នេះជាការផ្តល់ឱកាសដល់អ្នកឱ្យស្តាប់ពួកគេពន្យល់ពីមូលហេតុដែលពួកគេបានសម្រេច។ នេះនឹងជួយអ្នកឱ្យដឹងពីរបៀបប្រើប្រាស់សាក្សីរបស់អ្នកផ្ទាល់ សក្ខីកម្ម និងភ័ស្តុតាង។ អ្នកទទួលបានឱកាសសួរសំណួរសាក្សីរបស់មជ្ឈមណ្ឌលក្នុងតំបន់។ ដំណើរការនេះ ហៅថា “ការត្រួតពិនិត្យខ្វែងគ្នា”។ បន្ទាប់មក អ្នកអាចដាក់ដំណើរការសំណុំរឿងរបស់អ្នក និងសួរសំណួរដល់សាក្សីរបស់អ្នក។ ដំណើរការនេះ ហៅថា “ការត្រួតពិនិត្យផ្ទាល់”។ មជ្ឈមណ្ឌលក្នុងតំបន់ក៏ទទួលបានឱកាសសួរសំណួរដល់សាក្សីរបស់អ្នក។
- សេចក្តីថ្លែងបិទសំណុំរឿង – ក្រោយពីសាក្សីបញ្ចប់ការផ្តល់សក្ខីកម្មហើយ មន្ត្រីសវនាការអាចអនុញ្ញាតឱ្យអ្នក និងមជ្ឈមណ្ឌលក្នុងតំបន់ធ្វើសេចក្តីថ្លែងបិទសំណុំរឿង។ សេចក្តីថ្លែងបិទសំណុំរឿង ផ្តល់ដល់អ្នកនូវឱកាសដើម្បីនិយាយទៅកាន់មន្ត្រីសវនាការអំពីភ័ស្តុតាងរបស់អ្នក និងរបៀបដែលវាជួយដល់សំណុំរឿងរបស់អ្នក។ អ្នកពុំចាំបាច់ត្រូវផ្តល់សេចក្តីសេចក្តីថ្លែងបិទសំណុំរឿងទេ។
- ការផ្តល់សេចក្តីសង្ខេបបិទជាលាយលក្ខណ៍អក្សរ – ក្នុងអំឡុងពេលសវនាការ អ្នកអាចនឹងដឹងថាមន្ត្រីសវនាការមិនមានព័ត៌មានទាំងអស់ដើម្បីធ្វើសេចក្តីសម្រេចពិតប្រាកដមួយទេ។ អ្នកអាចស្នើសុំមន្ត្រីសវនាការឱ្យ “រក្សាទុកកំណត់ត្រាដោយបើកចំហ”។ មន្ត្រីសវនាការអាច “ឯកភាព” ឬ “បដិសេធ” ចំពោះសំណើសុំនេះ។ ប្រសិនបើមន្ត្រីសវនាការយល់ព្រមរក្សាទុកកំណត់ត្រាដោយបើកចំហ អ្នកនិងមជ្ឈមណ្ឌលក្នុងតំបន់អាចផ្តល់ជូនដល់មន្ត្រីសវនាការនូវឯកសារនិងព័ត៌មានបន្ថែមក្រោយពេលសវនាការបាន។ អ្នកក៏អាចស្នើសុំឱ្យរក្សាទុកកំណត់ត្រាបើកចំហ ដូច្នេះអ្នកអាចដាក់សេចក្តីសង្ខេបបិទជាលាយលក្ខណ៍អក្សរបាន។ អ្នកសរសេរសេចក្តីសង្ខេបបិទដើម្បីក្រើនរំឭកដល់មន្ត្រីសវនាការពីព័ត៌មាន អង្គហេតុ និងច្បាប់ចេញពីសវនាការ។ មន្ត្រីសវនាការអាចឯកភាព ឬ បដិសេធចំពោះសំណើសុំនេះបាន។
(10.33) តើមានអ្វីកើតឡើងក្រោយពីសវនាការយុត្តិធម៌?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
បន្ទាប់ពីសវនាការយុត្តិធម៌របស់អ្នក មន្ត្រីសវនាការមានពេល 10 ថ្ងៃធ្វើការ ដើម្បីសរសេរសេចក្តីសម្រេចនេះ។ អ្នកត្រូវតែទទួលបានការសម្រេចមិនលើសពី 80 ថ្ងៃ ក្រោយពីអ្នកបានប្តឹងជំទាស់។ [[§ 4712.5(a).]] សេចក្តីសម្រេចរបស់មន្ត្រីសវនាការត្រូវតែ៖
- ធ្វើឡើងជាលាយលក្ខណ៍អក្សរ ជាភាសាសាមញ្ញប្រើប្រាស់រៀងរាល់ថ្ងៃ រួមបញ្ចូលនូវសេចក្តីសង្ខេបនៃអង្គហេតុ
- ដាក់ឈ្មោះភ័ស្តុតាងដែលមន្ត្រីសវនាការបានប្រើដើម្បីធ្វើសេចក្តីសម្រេច [[§ 4712.5(b).]]
- រួមបញ្ចូលនូវសេចក្តីសម្រេចមួយចំពោះករណី ឬសំណួរនីមួយៗនៅក្នុងសំណើសុំសវនាការ និងបានបង្ហាញនៅក្នុងអំឡុងពេលសវនាការ
- លើកឡើងអំពីច្បាប់ បទប្បញ្ញត្តិ និងគោលនយោបាយដែលគាំទ្រដល់សេចក្តីសម្រេចរបស់មន្ត្រីសវនាការ។
ចំណុចសំខាន់៖ នៅថ្ងៃទី1 ខែមីនា ឆ្នាំ2023 ច្បាប់នឹងផ្លាស់ប្តូរនូវអ្វីដែលបានកើតឡើងក្រោយសវនាការយុត្តិធម៌នេះ
នាយក DDS អាចនឹងពិនិត្យឡើងវិញលើការសម្រេចចិត្តមួយចំនួន និងសម្រេចធ្វើការផ្លាស់ប្តូរចំពោះការសម្រេចចិត្ត មុនពេលសម្រេចជាស្ថាពរ។ សេចក្តីសម្រេចរបស់នាយក ត្រូវបានធ្វើឡើងក្នុងរយៈពេល 90 ថ្ងៃ បន្ទាប់ពីកាលបរិច្ឆេទបណ្តឹងជំទាស់របស់អ្នកដែលត្រូវបានទទួល។ សេចក្តីសម្រេចសវនាការនឹងធ្វើឡើងជាភាសាដែលអ្នកចង់បាន។ អ្នកក៏នឹងទទួលបានសំណៅចម្លងមួយច្បាប់ជាភាសាអង់គ្លេសផងដែរ។
(10.34) តើធ្វើដូចម្តេចប្រសិនបើការប្តឹងជំទាស់ធ្វើឡើងសម្រាប់សេវាក្រោមកម្មវិធី Medi-Cal លើកលែងសម្រាប់សេវាតាមផ្ទះនិងតាមសហគមន៍ (“DD Waiver”)?
អ្នកនឹងនៅតែទទួលបានសវនាការធ្វើឡើងនៅចំពោះមុខចៅក្រមនីតិរដ្ឋបាល (មន្ត្រីសវនាការ) ម្នាក់តាមរយៈការិយាល័យសវនាការនីតិរដ្ឋបាល (OAH)។ ប្រសិនបើអ្នកមិនយល់ស្របពីសេវាកម្មស្ថិតក្រោមកម្មវិធី Medi-Cal លើកលែងសម្រាប់សេវាតាមផ្ទះនិងតាមសហគមន៍,[[មន្ត្រីសវនាការក៏អាចសម្រេចតាមការចង់បានរបស់អ្នកស្ថិតក្រោមច្បាប់ Lanterman Act និងពុំមានសំណួរស្ថិតក្រោមកម្មវិធីលើកលែងសម្រាប់សេវាតាមផ្ទះនិងតាមសហគមន៍ ការសម្រេចរបស់មន្ត្រីសវនាការជាការសម្រេចចុងក្រោយ។ ]] វាមានតែការសម្រេច “ដែលបានស្នើឡើង” ប៉ុណ្ណោះ។ ច្បាប់ Lanterman Act ចែងថា OAH ត្រូវបញ្ជូនសេចក្តីសម្រេចទៅកាន់នាយកនៃសេវាថែទាំសុខភាពដើម្បីពិនិត្យឡើងវិញទៅតាមច្បាប់ Medicaid រដ្ឋសហព័ន្ធ។ ប្រសិនបើនាយកយល់ស្របតាមការសម្រេចរបស់មន្ត្រីសវនាការ វាក្លាយជា “ទទួលយកមកអនុវត្ត” ដែលមានន័យថាជាការសម្រេចចុងក្រោយ។ ពួកគេនឹងផ្ញើសេចក្តីសម្រេចចុងក្រោយនេះមួយច្បាប់ឱ្យអ្នក។ ប្រសិនបើនាយកធ្វើសេចក្តីសម្រេចថ្មី ពួកគេនឹងផ្ញើសេចក្តីសម្រេចថ្មីនេះមួយច្បាប់ទៅឱ្យអ្នក។ [[Section 4712.5(c)]]
បើទោះបីជាច្បាប់ Lanterman Act ចែងថា វាគឺជានាយកនៃសេវាថែទាំសុខភាពដែលត្រូវពិនិត្យឡើងវិញទៅលើសេចក្តីសម្រេចក៏ដោយ ក៏ច្បាប់ Lanterman Act ចែងផងដែរថា ពួកគេត្រូវបានអនុញ្ញាតឱ្យផ្តល់សិទ្ធិអំណាចដល់មនុស្សណាម្នាក់ផ្សេងធ្វើលើការងារនេះបានដែរ។ [[Section 4712.7]] នៅក្នុង DD Waiver ពួកគេផ្តល់សិទ្ធិអំណាចនេះត្រឡប់ទៅកាន់ការិយាល័យសវនាការរដ្ឋបាលវិញ។ [[DD Waiver, មករា 2018, ទំព័រ 235 នៃ 295]] ដូច្នេះ សវនាការយុត្តិធម៌ស្ថិតក្រោមកម្មវិធី DD Waiver ត្រូវបានធ្វើឡើងដោយមន្ត្រីសវនាការឯករាជ្យបម្រើការនៅ OAH។ បន្ទាប់មក នាយករបស់ DHCS ដែលជា State Medicaid Agency បានផ្តល់សិទ្ធិអំណាចឱ្យយកមកអនុវត្តតាមនូវការសម្រេចជាចុងក្រោយទៅដល់ “នាយករបស់ OAH”។ ប្រសិនបើអ្នកមិនយល់ស្របជាមួយនឹងការសម្រេចរបស់មន្ត្រីសវនាការទេ អ្នកគួរតែសុំឱ្យនាយករបស់ OAH ពិនិត្យឡើងវិញទៅលើសេចក្តីសម្រេចនោះ ដែលស្ថិតក្រោមច្បាប់ Medicaid រដ្ឋសហព័ន្ធ ហើយផ្តល់ដល់អ្នកនូវសេចក្តីសម្រេចជាចុងក្រោយ។ ព័ត៌មានទំនាក់ទំនងរបស់នាយក OAH មាននៅទីនេះ៖ https://www.dgs.ca.gov/OAH/Contact
(10.35) តើមានអ្វីកើតឡើងបើខ្ញុំមិនយល់ស្របតាមសវនាការសម្រេចរបស់មន្ត្រីសវានាការ?
ព័ត៌មាននេះនឹងផ្លាស់ប្តូរនៅថ្ងៃទី1 ខែមីនា ឆ្នាំ2023
ប្រសិនបើអ្នកមិនយល់ស្របតាមការសម្រេចជាស្ថាពររបស់មន្ត្រីសវនាការ ជំហានបន្ទាប់គឺតុលាការ។ អ្នកនឹងត្រូវប្តឹងជំទាស់ទៅកាន់តុលាការកំពូលប្រចាំខោនធីរបស់អ្នក។ បណ្តឹងជំទាស់របស់អ្នក ហៅថា ដីកាជំទាស់ផ្នែករដ្ឋបាល ឬ ដីកាបង្គាប់។ [[California Code of Civil Procedure § 1094.5]] មជ្ឈមណ្ឌលក្នុងតំបន់ក៏អាចនឹងប្តឹងជំទាស់សេចក្តីសម្រេចបានដែរ លើកលែងតែវាពាក់ព័ន្ធដល់សិទ្ធិក្រោមការបដិសេធ Medi-Cal។ អ្នកត្រូវតែស្នើសុំប្តឹងជំទាស់ក្នុងរយៈពេល 90 ថ្ងៃ ក្រោយពីអ្នកទទួលបានសវនាការសម្រេចផ្នែករដ្ឋបាល។ [[§ 4712.5(a).]] ដើម្បីធ្វើបែបនេះបាន អ្នកត្រូវតែ “ដាក់” ឯកសារបណ្តឹងជំទាស់នៅតុលាការកំពូលប្រចាំខោនធីរបស់អ្នក។ ការចូលដល់តុលាការមានលក្ខណៈស្មុគស្មាញ។ មានជំហានជាច្រើន និងពាក្យបច្ចេកទេសផ្នែកច្បាប់ជាច្រើន។ អ្នកប្រហែលជានឹងត្រូវការមេធាវី។
នៅក្នុងបណ្តឹងជំទាស់របស់អ្នក អ្នកអាចស្នើសុំឱ្យតុលាការកំពូលចេញសេចក្តីបង្គាប់ទៅកាន់ទីភ្នាក់ងាររដ្ឋ ដូចជា DDS ដើម្បីឱ្យទាត់ចោលសេចក្តីសម្រេចរបស់វា ឬ ចាត់វិធានការផ្សេងទៀត។ សូមទាក់ទងមេធាវីដើម្បីសុំជំនួយ។ Disability Rights California អាចនឹងមានសមត្ថភាពជួយដល់អ្នក ឬ ធ្វើសំណើនានា។
នៅពេលអ្នកប្តឹងជំទាស់ទៅនឹងការសម្រេចរបស់មន្ត្រីសវនាការទៅកាន់តុលាការកំពូលនោះ តុលាការនឹងមើលតែទៅលើសំណុំឯកសារចេញពីសវនាការតែប៉ុណ្ណោះ។ [[ដើម្បីស្នើសុំឱ្យតុលាការកំពូលពិនិត្យឡើងវិញទៅលើសវនាការ អ្នកត្រូវបំពេញញត្តិសុំដីកាជំទាស់ផ្នែករដ្ឋបាលតាមក្រម Calif. Code Civ. Proc. § 1094.5.]] មូលហេតុនេះហើយបានជាវាសំខាន់ត្រូវទទួលបានគ្រប់ព័ត៌មានទាំងអស់បញ្ចូលទៅក្នុងសំណុំឯកសារសវនាការ។ ជាធម្មតា អ្នកមិនអាចផ្តល់ដល់តុលាការនូវព័ត៌មានថ្មីបានទេ។ [[“ក្នុងករណីដែលតុលាការរកឃើញថាមានភ័ស្តុតាងពាក់ព័ន្ធតាមការអនុវត្តការប្រុងប្រយ័ត្នសមហេតុផលនោះ មិនអាចត្រូវបានបង្កើត ឬ ដែលត្រូវដកចេញដោយមិនសមស្របនៅក្នុងសវនាការ” នោះ តុលាការអាចនឹងអនុញ្ញាតឱ្យដាក់ភ័ស្តុតាងនោះបញ្ចូលបាន។ Calif. Code Civ. Proc. § 1094.5(f).]] តុលាការនឹងពិចារណាតែទៅលើបញ្ហាពីរ៖
- ថាតើការកាត់ក្តី ឬ សវនាការមានលក្ខណៈយុត្តិធម៌ឬអត់ និង
- ថាតើមាន “ការរំលោភទៅលើឆន្ទានុសិទ្ធិតាមបុរេវិនិច្ឆ័យ” ទេ។ [[Calif. Code Proc. § 1094.5(b).]] ករណីនេះអាចមានន័យថា មន្ត្រីសវនាការបានប្រើស្តង់ដាច្បាប់ខុសដើម្បីធ្វើសេចក្តីសម្រេច។ វាក៏អាចមានន័យដែរថា មន្ត្រីសវនាការបានធ្វើសេចក្តីសម្រេចដែលមិនផ្អែកទៅលើការរកឃើញ ឬ ការរកឃើញក្លែងក្លាយដែលមិនត្រូវទៅតាមភ័ស្តុតាង។
ប្រសិនបើការសម្រេចរបស់មន្ត្រីសវនាការមិនសម្រេចទៅតាមការចង់បានរបស់អ្នក ពីព្រោះតែអ្នកមិនមានភ័ស្តុតាងគ្រប់គ្រាន់នោះ អ្នកមិនអាចបញ្ចូលភ័ស្តុតាងថ្មីនៅក្នុងតុលាការទេ។
ចំណុចសំខាន់៖ នៅថ្ងៃទី1 ខែមីនា ឆ្នាំ2023 ប្រសិនបើអ្នកមិនយល់ស្របជាមួយនឹងសេចក្តីសម្រេចសវនាការ សិទ្ធិរបស់អ្នកនឹងផ្លាស់ប្តូរ។
បន្ទាប់ពីអ្នកទទួលបានសេចក្តីសម្រេចសវនាការ អ្នក ឬមជ្ឈមណ្ឌលក្នុងតំបន់របស់អ្នកអាចស្នើសុំ “ការពិចារណាឡើងវិញ” បាន។ ការពិចារណាឡើងវិញ គឺជាមធ្យោបាយមួយក្នុងការកែប្រែកំហុសកិច្ចការការិយាល័យ ឬកំហុសនៃអង្គហេតុ ឬច្បាប់នៅក្នុងសេចក្តីសម្រេចសវនាការ ឬសំណើក្នុងការដកសិទ្ធិមន្ត្រីសវនាការដែលបានសម្រេចមិនត្រឹមត្រូវ។ ទាំងនោះគ្រាន់តែជារឿងដែលការសម្រេចចិត្តឡើងវិញអាចដោះស្រាយបានប៉ុណ្ណោះ។ អ្នកត្រូវតែស្នើសុំការពិចារណាឡើងវិញក្នុងរយៈពេល 15 ថ្ងៃ បន្ទាប់ពីទទួលបានសេចក្តីសម្រេចសវនាការ។ សេចក្តីសម្រេចក្នុងការប្រគល់ ឬបដិសេធសំណើរបស់អ្នកសម្រាប់ការពិចារណាឡើងវិញ នឹងត្រូវបានធ្វើឡើងក្នុងរយៈពេល 15 ថ្ងៃ។
ប្រសិនបើសំណើរបស់អ្នកសម្រាប់ការពិចារណាឡើងវិញមិនសម្រេចជោគជ័យទេ អ្នកនៅតែអាចបន្តដាក់ពាក្យប្តឹងជំទាស់បាននៅតុលាការកំពូលនោះបាន។ អ្នកមិនចាំបាច់ត្រូវស្នើសុំការពិចារណាឡើងវិញមុនពេលដាក់ពាក្យប្តឹងជំទាស់នៅតុលាការកំពូលនោះទេ។
អ្នកនឹងមានពេលរហូតដល់ 180 ថ្ងៃ បន្ទាប់ពីអ្នកទទួលបានសេចក្ដីសម្រេចសវនាការ ដើម្បីដាក់ពាក្យប្តឹងជំទាស់ទៅកាន់តុលាការកំពូលបាន។
(10.36) តើមានអ្វីកើតឡើងចំពោះសេវាកម្មរបស់ខ្ញុំក្នុងអំឡុងពេលបណ្តឹងជំទាស់តុលាការកំពូល?
ប្រសិនបើមន្ត្រីសវនាការសម្រេចឱ្យមជ្ឈមណ្ឌលក្នុងតំបន់អាចបញ្ចប់សេវាកម្មដែលអ្នកកំពុងទទួលបានក្នុងអំឡុងជំទាស់នោះ អ្នកនឹងបន្តទទួលបានសេវាកម្មសម្រាប់រយៈពេល 10 ថ្ងៃ ក្រោយពីអ្នកទទួលបានការសម្រេចរបស់មន្ត្រីសវនាការ។ [[§ 4715(a)(3).]]
ប្រសិនបើអ្នកមិនចង់ឱ្យសេវាកម្មរបស់អ្នកបញ្ចប់នៅក្នុងរយៈពេល 10 ថ្ងៃ ក្រោយទេនោះ អ្នកត្រូវដាក់ពាក្យប្តឹងជំទាស់របស់អ្នក និងស្នើសុំឱ្យតុលាការឱ្យ “រក្សាទុក” ក្នុងរយៈពេល 10 ថ្ងៃ។ [[Calif. Code Civ. Proc. § 1094.5(g).]],[[§§ 4715(a)(3); 4715(c).]] តុលាការនឹងមិនផ្តល់ការរក្សាទុកសេវាឱ្យអ្នកទេ ប្រសិនបើតុលាការជឿថាវា “ផ្ទុយពីផលប្រយោជន៍សាធារណៈ” នោះ។ [[“ទោះជាយ៉ាងណា ពុំមានការរក្សាទុកសេវាកម្មនឹងត្រូវកំណត់ផ្តល់ឱ្យ ឬ បន្តទេ ប្រសិនបើតុលាការយល់ថាវាផ្ទុយទៅនឹងផលប្រយោជន៍សាធារណៈនោះ។” Calif. Code Civ. Proc. § 1094.5(g).]]
(10.37) តើមជ្ឈមណ្ឌលក្នុងតំបន់ត្រូវតែអនុវត្តទៅតាមការសម្រេចរបស់សវនាការមែនទេ?
ប្រសិនបើអ្នកឈ្នះក្នុងបណ្តឹងជំទាស់របស់អ្នក ហើយមជ្ឈមណ្ឌលក្នុងតំបន់នឹងមិនអនុវត្តទៅតាមអ្វីដែលមន្ត្រីសវនាការបានបញ្ជានោះ ពួកគេកំពុងតែរំលោភសិទ្ធិរបស់អ្នក។ មជ្ឈមណ្ឌលក្នុងតំបន់ត្រូវតែអនុវត្តនូវអ្វីដែលមន្ត្រីសវនាការបានបង្គាប់ឱ្យបានឆាប់តាមតែអាចធ្វើបាន និងមិនត្រូវហួសរយៈពេល 30 ថ្ងៃ ក្រោយកាលបរិច្ឆេទនៃការសម្រេចចុងក្រោយឡើយ។ ប្រសិនបើមជ្ឈមណ្ឌលក្នុងតំបន់មិនអាចបំពេញតាមកាលបរិច្ឆេទកំណត់នោះទេ មជ្ឈមណ្ឌលត្រូវតែប្រាប់អ្នក និង DDS។ មជ្ឈមណ្ឌលក៏ត្រូវពន្យល់ផងដែរអំពីមូលហេតុទាំងអស់ដែលការសម្រេចចិត្តនោះមិនអាចអនុវត្តបាន។
ប្រសិនបើមជ្ឈមណ្ឌលក្នុងតំបន់មិនអនុវត្តតាមការសម្រេចរបស់សវនាការទេនោះ អ្នកមានជម្រើសបី៖
- ដាក់ពាក្យបណ្តឹងតាមបញ្ញត្តិលេខ 4731 ទៅកាន់ប្រធានមជ្ឈមណ្ឌលក្នុងតំបន់។ សម្រាប់ព័ត៌មានបន្ថែម សូមមើលផ្នែកស្តីពីបណ្តឹងតាមបញ្ញត្តិលេខ 4731។
- ទាក់ទងទៅកាន់ DDS ដោយផ្ទាល់។ DDS បានបង្កើតអាសយដ្ឋានអ៊ីមែលមួយសម្រាប់ឱ្យមនុស្សទាក់ទងទៅកាន់ពួកគេ នៅពេលដែលពួកគេត្រូវការជំនួយសុំឱ្យមជ្ឈមណ្ឌលក្នុងតំបន់អនុវត្តតាមការសម្រេចរបស់សវនាការ។ អាសយដ្ឋានអ៊ីមែលគឺ៖ HearingImplementation@dds.ca.gov។ អ្នកក៏អាចប្រើទម្រង់បែបបទតាមអនឡាញដើម្បីសុំឱ្យ DDS ជួយ៖ https://www.surveymonkey.com/r/HearingImpDelay-Consumers
- ដាក់ញត្តិស្នើសុំដីកាបង្គាប់ទៅកាន់តុលាការកំពូលប្រចាំខោនធីរបស់អ្នកបាន។ (See California Code of Civil Procedure §1085.) នីតិវិធីនោះអនុញ្ញាតដល់អ្នកឱ្យស្នើសុំតុលាការបង្គាប់ទៅដល់នាយកមជ្ឈមណ្ឌលក្នុងតំបន់ និងនាយក Department of Developmental Services ឱ្យអនុវត្តទៅតាមការសម្រេចរបស់មន្ត្រីសវនាការ ឬ បង្ហាញខ្លួនដោយផ្ទាល់នៅក្នុងតុលាការដើម្បីពន្យល់ពីមូលហេតុមិនព្រមអនុវត្ត។
ប្រសិនបើអ្នកដាក់បណ្តឹងតាមផ្នែកបណ្តឹងតាមបញ្ញត្តិលេខ 4731 ឬទាក់ទងទៅកាន់ DDS ដោយផ្ទាល់ ហើយការសម្រេចនោះនៅតែមិនត្រូវបានអនុវត្តនោះ សូមទាក់ទង Disability Rights California ឬ OCRA។
(10.38) តើផ្នែកបណ្តឹងតាមបញ្ញត្តិលេខ 4731 Complaint ជាអ្វី?
“បណ្តឹងលេខ 4731 Complaint” ជាមធ្យោបាយស្របច្បាប់ដើម្បីដាក់បណ្តឹងប្រសិនបើសិទ្ធិរបស់អ្នកត្រូវបានរំលោភបំពាន ឬ បដិសេធនោះ។ អ្នក ឬ នរណាម្នាក់តំណាងឱ្យអ្នក អាចដាក់បណ្តឹងតាមបណ្តឹងផ្នែក 4731 Complaint ប្រសិនបើមជ្ឈមណ្ឌលក្នុងតំបន់មិនព្រមអនុវត្តទៅតាមការសម្រេចរបស់មន្ត្រីសវនាការ ឬ មិនធានាដល់ការទទួលបានសេវាដូចមាននៅក្នុងកម្មវិធី IPP របស់អ្នកទេនោះ។ អ្នកអាចដាក់បណ្តឹងតាមបទបញ្ញត្តិលេខ 4731 ប្រឆាំងនឹងមជ្ឈមណ្ឌលក្នុងតំបន់ មជ្ឈមណ្ឌលដែលរដ្ឋដំណើរការ ឬអ្នកផ្តល់សេវាបាន ប្រសិនបើពួកគេបានរំលោភបំពានទៅលើសិទ្ធិណាមួយរបស់អ្នកនោះ។
ពាក្យបណ្តឹងតាមបទប្បញ្ញត្តិលេខ 4731 គឺខុសពីបណ្តឹងសវនាការយុត្តិធម៌។ អ្នកមិនអាចដាក់ពាក្យបណ្តឹងដើម្បីដោះស្រាយការខ្វែងគំនិតគ្នាអំពីចំនួនទឹកប្រាក់នៃសេវាកម្មដែលអ្នកទទួលបាន ឬក៏ប្រភេទនៃកិច្ចគាំពារក្នុងផែនការកម្មវិធីបុគ្គល IPP របស់អ្នកបានទេ។ ពាក្យបណ្តឹងតាមបទប្បញ្ញត្តិលេខ 4731 ត្រូវបានប្រើតែក្នុងករណីដែលមជ្ឈមណ្ឌលក្នុងតំបន់ មជ្ឈមណ្ឌលដែលរដ្ឋដំណើរការ ឬអ្នកផ្តល់សេវាកម្មរំលោភបំពានច្បាប់ ឬបទប្បញ្ញត្តិណាមួយប៉ុណ្ណោះ។ ឧទាហរណ៍ មជ្ឈមណ្ឌលក្នុងតំបន់រំលោភបំពានលើច្បាប់ប្រសិន៖
- ពួកគេមិនផ្តល់សេវាដែលមាននៅក្នុងកម្មវិធី IPP របស់អ្នក
- ពួកគេមិនធ្វើទៅតាមអ្វីដែលសម្រេចដោយ ALJ ឬ
- ពួកគេរំលោភបំពានលើសិទ្ធិណាមួយរបស់អ្នក
អ្នកអាចដាក់ពាក្យបណ្តឹងតាមបទប្បញ្ញត្តិលេខ 4731 ប្រឆាំងនឹងមជ្ឈមណ្ឌលក្នុងតំបន់ មជ្ឈមណ្ឌលដែលរដ្ឋដំណើរការ ឬក៏អ្នកផ្តល់សេវាកម្ម (ដូចជាកន្លែងថែទាំក្នុងសហគមន៍ កម្មវិធីពេលថ្ងៃ ឬសេវាកម្មដឹកជញ្ជូនដែលមជ្ឈមណ្ឌលក្នុងតំបន់ជួល)។ [[§ 4731(b).]]
ដើម្បីដាក់ពាក្យបណ្តឹង សូមសរសេរទៅកាន់នាយកមជ្ឈមណ្ឌលក្នុងតំបន់របស់អ្នក។ ប្រាប់ទៅដល់មជ្ឈមណ្ឌលក្នុងតំបន់ ប្រសិនបើអ្នកនឹងដាក់ពាក្យបណ្តឹងអំពីមជ្ឈមណ្ឌលក្នុងតំបន់ ឬ អ្នកផ្តល់សេវា ឬ ទាំងពីរតែម្តង។ អ្នកអាចស្វែងរកឈ្មោះ និងអាសយដ្ឋានសម្រាប់នាយកមជ្ឈមណ្ឌលក្នុងតំបន់នីមួយៗបានតាម៖ https://www.dds.ca.gov/rc/listings/
ដើម្បីដាក់ពាក្យបណ្តឹងប្រឆាំងនឹង Porterville Developmental Center ឬ Canyon Springs សូមសរសេរទៅនាយក។
នេះជាព័ត៌មានសម្រាប់ Porterville៖ https://www.dds.ca.gov/services/state-facilities/porterville-dc/
នេះជាព័ត៌មានសម្រាប់ Canyon Springs៖ https://www.dds.ca.gov/services/state-facilities/canyon-springs/
បណ្តឹងរបស់អ្នកអាចមានលក្ខណៈជាការជូនដំណឹងដ៏សាមញ្ញមួយទៅកាន់នាយក។ អ្នកអាចប្រើ ឯកសារបន្ថែម O ជាគោលបាន។ ឬ អ្នកអាចស្នើសុំអ្នកជួយ ឬ មេធាវី ឱ្យផ្ញើលិខិតទៅកាន់ពួកគេក៏បានដែរ។
(10.39) តើមានអ្វីកើតឡើងក្រោយពីខ្ញុំដាក់បណ្តឹងតាមបទបញ្ញត្តិលេខ 4731 របស់ខ្ញុំ?
ក្រោយពីអ្នកដាក់បណ្តឹងតាមបទបញ្ញត្តិលេខ 4731 នាយកមជ្ឈមណ្ឌលក្នុងតំបន់ (ឬមជ្ឈមណ្ឌលដែលរដ្ឋដំណើរការ) ត្រូវតែស៊ើបអង្កេត និងផ្ញើឱ្យអ្នកនូវសំណើជាលាយលក្ខណ៍អក្សរដើម្បីដោះស្រាយបណ្តឹង។ នាយកត្រូវធ្វើសំណើនេះក្នុងរយៈពេល 20 ថ្ងៃធ្វើការក្រោយពីទទួលបានបណ្តឹងរបស់អ្នក។ [[§ 4731(b).]]
ប្រសិនបើអ្នកមិនយល់ស្របតាមសំណើរបស់នាយកទេ សូមសរសេរលិខិតទៅកាន់នាយកនៃនាយកដ្ឋានសេវាផ្នែកលូតលាស់ (Department of Developmental Services, DDS) ក្នុងរយៈពេល 15 ថ្ងៃធ្វើការ ក្រោយពីទទួលបានសំណើពីនាយកមជ្ឈមណ្ឌលក្នុងតំបន់។ [[§ 4731(c).]] ប្រសិនបើអ្នកមិនផ្ទេរបណ្តឹងរបស់អ្នកទៅកាន់ DDS ទេនោះ សំណើរបស់នាយកមជ្ឈមណ្ឌលក្នុងតំបន់នឹងចូលជាធរមានក្នុងរយៈពេល 20 ថ្ងៃ បន្ទាប់ពីអ្នកទទួលបានវា។ [[§ 4731(c). ]]
ប្រសិនបើអ្នកសរសេរលិខិតទៅកាន់ DDS, នាយករបស់ DDS ត្រូវផ្ញើឱ្យអ្នកនូវសេចក្តីសម្រេចក្នុងរយៈពេល 45 ថ្ងៃប្រតិទិន។
(10.40) តើខ្ញុំអាចដាក់បណ្តឹងតាមបទបញ្ញតិ្តលេខ 4731 សម្រាប់មនុស្សមួយក្រុមបានទេ?
ប្រសិនបើអ្នកដាក់ពាក្យបណ្តឹងអំពីការអនុវត្តដែលត្រូវបានគេដឹងឮច្រើននោះ អ្នកអាចដាក់ពាក្យបណ្តឹងតាមបទបញ្ញត្តិលេខ 4731 ជំនួសឱ្យអ្នកប្រើប្រាស់លើសពីម្នាក់ មួយក្រុម ឬ មួយថ្នាក់នៃអ្នកប្រើប្រាស់បាន។ [[§ 4731(c).]] ឧទាហរណ៍ ប្រសិនបើមជ្ឈមណ្ឌលក្នុងតំបន់របស់អ្នកមិនផ្តល់ដល់អ្នកប្រើប្រាស់សេវានូវបញ្ជីសេវាដែលបានឯកភាពគ្នាទេនោះ អ្នកអាចដាក់ពាក្យបណ្តឹងតាមបទបញ្ញត្តិលេខ 4731 ជំនួសឱ្យអ្នកប្រើប្រាស់សេវាកម្មទាំងអស់នៃមជ្ឈមណ្ឌលក្នុងតំបន់បាន។
(10.41) តើខ្ញុំអាចទទួលបានព័ត៌មានអំពីបណ្តឹង ឬបណ្តឹងជំទាស់របស់អ្នកផ្សេងបានទេ?
DDS បោះផ្សាយប្រធានបទ និងការសម្រេចសម្រាប់បណ្តឹងតាមបទបញ្ញតិ្តលេខ 4731 ទាំងអស់ដែលបានប្តឹងជារៀងរាល់ឆ្នាំ។ ប្រសិនបើអ្នកសុំព័ត៌មាននេះ DDS ត្រូវតែផ្តល់វាទៅឱ្យអ្នក។ [[§ 4731(a).]]
សម្រាប់រាល់ការប្តឹងជំទាស់ទាំងអស់ដែលបានដាក់ក្រោមបញ្ញត្តិ 4700, DDS អាចប្រាប់ដល់អ្នកបាន៖ [[§ 4731(d).]]
- ប្រសិនបើករណីត្រូវបានដោះស្រាយរួចតាមរយៈការប្រជុំក្រៅផ្លូវការ ឬការសម្របសម្រួល។
- ប្រសិនបើអ្នកប្រើប្រាស់ ឬមជ្ឈមណ្ឌលក្នុងតំបន់បានបដិសេធមិនទទួល
- យកការប្រជុំក្រៅផ្លូវការទេនោះ។ បញ្ហាមួយឬច្រើនពាក់ព័ន្ធទៅនឹងករណី។
- ផលកើតចេញពីករណីសំណុំរឿង ប្រសិនបើមានសវនាការយុត្តិធម៌។
អ្នកក៏អាចអានសេចក្ដីសម្រេចរបស់សវនាការទាំងស្រុងនៅលើគេហទំព័រការិយាល័យសវនាការរដ្ឋបាលនោះគឺ៖ https://www.dgs.ca.gov/OAH/Case-Types/General-Jurisdiction/Resources/DDS-Decisions។
(10.42) តើធ្វើដូចម្តេចប្រសិនបើខ្ញុំមានការខ្វែងគំនិតជាមួយនឹងអ្នកផ្តល់សេវាកម្ម?
សម្រាប់ការខ្វែងគំនិតជាមួយនឹងអ្នកផ្តល់សេវាកម្ម (អ្នកផ្តល់សេវា) នោះ អ្នកមានជម្រើសក្នុងការដាក់បណ្តឹងជាច្រើន។ អ្នកផ្តល់សេវាកម្ម ដូចជាកម្មវិធីថែទាំពេលថ្ងៃ និងទីកន្លែងថែទាំង មិនអាចទទួលបានប្រាក់ពីរដ្ឋបានទេ លើកលែងតែពួកគេមាននីតិវិធីដាក់បណ្តឹងផ្ទៃក្នុងជាលាយលក្ខណ៍អក្សរ។ សុំទៅកាន់អ្នកផ្តល់សេវានូវនីតិវិធីដាក់បណ្តឹងមួយច្បាប់ដើម្បីដាក់បណ្តឹង។
ប្រសិនបើអ្នកមានបញ្ហាជាមួយនឹងអ្នកផ្តល់សេវាដែលមានអាជ្ញាប័ណ្ណ ឬ ទីកន្លែងដែលមានអាជ្ញាប័ណ្ណនោះ សូមប្តឹងទៅកាន់ទីភ្នាក់ងារដែលមានអាជ្ញាប័ណ្ណ។ ទីភ្នាក់ងារដែលមានអាជ្ញាប័ណ្ណពិនិត្យ និងផ្តល់អាជ្ញាប័ណ្ណដល់មណ្ឌលថែទាំងសុខភាពដើម្បីធានាថាពួកគេអនុវត្តទៅតាមច្បាប់ និងបញ្ញត្តិទាំងឡាយរបស់រដ្ឋនិងសហព័ន្ធ ដើម្បីការពារដល់សុខភាព សុវត្ថិភាព និងសិទ្ធិបុគ្គលរបស់អ្នកទាំងឡាយដែលស្ថិតនៅក្នុងមណ្ឌលដែលមានអាជ្ញាប័ណ្ណ។ នាយកដ្ឋានសេវាថែទាំសុខភាពផ្តល់អាជ្ញាប័ណ្ណដល់អ្នកផ្តល់សេវាកម្ម និងមណ្ឌលថែទាំសុខភាពទាំងឡាយ។ នាយកដ្ឋានសេវាសង្គមផ្តល់អាជ្ញាប័ណ្ណដល់អ្នកផ្តល់ការថែទាំតាមសហគមន៍និងតាមផ្ទះទាំងឡាយ។ ទីភ្នាក់ងារនីមួយៗមាននីតិវិធីបណ្តឹងរបស់ខ្លួនផ្ទាល់។ ស្នើសុំទៅកាន់ទីភ្នាក់ងារដែលផ្តល់អាជ្ញាប័ណ្ណដល់អ្នកផ្តល់សេវារបស់អ្នកនូវនីតិវិធីបណ្តឹងមួយច្បាប់ប្រចាំតំបន់ដែលអ្នករស់នៅ។ អ្នកផ្តល់សេវាអាចប្រាប់ដល់អ្នកដែលផ្តល់អាជ្ញាប័ណ្ណទៅដល់មណ្ឌលថែទាំ។ អ្នកអាចស្នើសុំអ្នកតស៊ូមតិឱ្យជួយដាក់បណ្តឹង។
អ្នកក៏អាចដាក់បណ្តឹងតាមបទបញ្ញត្តិលេខ 4731 ប្រឆាំងនឹងអ្នកផ្តល់សេវាមជ្ឈមណ្ឌលក្នុងតំបន់។ អ្នកដាក់បណ្តឹងទៅកាន់នាយកប្រតិបត្តិមជ្ឈមណ្ឌលក្នុងតំបន់។ សូមប្រាប់នាយកមជ្ឈមណ្ឌលក្នុងតំបន់ថាអ្នកនឹងដាក់បណ្តឹងអំពីអ្នកផ្តល់សេវា និងមូលហតុនានា។